Шығармашылық символы

Мақсаты: Адамның тұлғалық типін тез арада анықтауға.
Күнделікті жағдайдағы мінез - құлықты анықтауға.

Суретте бейнеленген 5 фигураға қараңыз: үшбұрыш, тік төртбұрыш, шаршы, шеңбер, ирек. Осылардың ішінен – Мен дегізетіндей біреуін таңдаңыз. Егерде таңдау қиын болса, сізге бірінші болып қараған, көзіңізге бірінші іліккен форманы алыңыз. Қалған фигураларды қалауыңызша нөмірлік ретімен белгілеңіз. Сонымен, сіздің бірінші деп белгілеген фигураңыз - Сіздің негізгі фигураңыз. Ал қалғандары сіздің мінезіңізге қосымша әр беретін бөлшектер. Ал соңғы фигура сіздің қарым - қатынас жасауда қиыншылық көретін адамның формасы.
1) Шаршы: Қайраткер, еңбекшіл. Оның өмір сүру ортасы өзіндік меніне үйлесімді.
Жағымды жақтары: ұйымшыл, дәл, қатаң тәртіпті, ережені ұстану, ұсақ заттарға зейінділік, дәлелге жүгіну, жазба сөйлеуге құштарлық, ұқыптылық, тазалық, сақтық, үнемшілдік, тұрақтылық, талапшыл, шешімінен қайтпау.
Жағымсыз жақтары: өте ұсақшыл, өте сақ, ерегеспе, сараңдау, таныстары мен достары аз.

2) Үшбұрыш: Бұл лидерліктің символы, мақсатына бағыттау, дегеніне жету.
Жағымды жақтары: лидер, билікке ұмтылыс, қайткен күнде жеңіске жету, өзіне деген сенімділік, шешімге тез келе алу, сезімталдық, батылдық, өте белсенділік, жоғары еңбекқорлық, тапқырлық, қарым - қатынаста көпшіл.
Жағымсыз жақтары: ең сенімді достары мен жақындары аз, атақ - даңққа бағыттылық, шыдамсыздық, өзінің мақсатына жеткенше басқаға көңіл аудармау, өз дегенінен қайтпау, өз дегеніне жетуде неге де бара алады, өзімшіл.

3) Төртбұрыш: Өтпелі қалыптың символы. Өзгеру, басқа деңгейге ену, уақытша жағдай. Өзін - өзі түсіне бермеу, проблемадан қорқу.
Жағымды жағы: білуге құштарлық, барлық жаңаға жаны құмар, батыл, бейбітшіл, дау - дамайдан қашқақтайды.
Жағымсыз жақтары: өзін төмен бағалау, өзгермелілік, тұрақсыздық, пікірін жиі өзгерткіштік, сөзіне сенбеу, аңқаулық, ұмытшақтық, заттарын жоғалтуға бейімділігі.

4) Шеңбер: Мифологиялық тұрғыдан үйлесімділік (гармония) символы.
Құнды қасиеттері: адамдар, олардың жайы, жақсы қарым - қатынас орнату, қарым - қатынасты қажетсінуі өте жоғары, желім - отбасын, ұжымды біріктіргіш, ашық, өзгелерге қамқоршы, қолы ашық - мырза, сенгіштік, қоғамдық жұмысқа бейімділік, таныстары мен достары көп.
Жағымсыз жағы: көбіне өзін кінәлі сезінушілік, айналадағылардың пікіріне бағытталу, шешімге келе алмаушылық, әсерленгіш, сезімтал.

5) Ирек: Шығармашылық символы. Өзі де басқа фигуралар секілді жабық емес, ерекше формада.
Жағымды жағы: ойшыл, өзгеден ерекше, шешім қабылдау, ортаның сүйіктісі, тапқыр, өзгерістерді қажетсінуі, білім құмарлық, жоғары интуиция, өзінің идеяларымен қанаттануы, арманшыл, болашаққа бағытталу, қиялшыл.
Жағымсыз жақтары: көңіл - күйінің өзгермелілігі, мінезінің құбылмалылығы, шындықты бетке айта салу, дара жұмыс істеуді ұнатуы, қағаз - бастылықты ұнатпауы, қаржы жағынан салақтық.