Табиғаттан нәр алып
Сабақтың тақырыбы
«Табиғаттан нәр алып…» (8-сынып)
Мақсаты
Оқушылардың табиғат, жер, су, ауа, топырақ туралы ұғымдарын кеңейту.
Міндеттері
- Табиғат байлығының адам өміріндегі маңызын түсіндіру.
- Табиғатты сақтауға, қорғауға, аялап мәпелеуге баулу.
- Сүйіспеншілікке, ізгілікке тәрбиелеу.
Күтілетін нәтиже
Табиғат — біздің байлығымыз. Табиғатты сезіну арқылы адам өз болмысын таниды, ал табиғатты қорғау — өз өмірін қорғау екенін түсінеді.
Сабақтың әдістері
Көрнекіліктер
- интерактивті тақта
- суреттер
- үнтаспа
- флипчарт, маркер
Сабақтың барысы
Сабақ құрылымы оқушыларды бірден ортақ көңіл күйге біріктіріп, кейін табиғат туралы ойды тереңдетіп, қорытындыда жауапкершілік ұстанымға әкелуге бағытталған.
I. Сәлемдесу — «Амандасу» тренингі
Оқушылар дөңгелене отырады да, барлығы тақтаға қарайды. Тақтадағы белгіге қарай амандасу түрін таңдайды:
- күлкі бейнесі — бір-бірімізге күлімсірейміз;
- қол бейнесі — қол алысып амандасамыз;
- күн бейнесі — жылы ықыласпен сәлемдесеміз;
- жүрек бейнесі — құшақтасамыз.
II. Топқа бөлу
Сынып төрт топқа бөлінеді: «Жер», «Су», «Ауа», «Табиғат».
III. Негізгі бөлім
Шаттық шеңбері
Г. Жандыбаевтың «Гүлдер» өлеңін мәнерлеп оқу.
Қызығушылықты ояту (ой қозғау)
- Табиғат сізді қандай әсерге бөлейді?
- Адам мен табиғат арасында үйлесім бар ма?
- Адамның табиғатқа, табиғаттың адамға ықпалы қандай?
- Аппақ ай, жарық күн, жасыл жапырақ адамға қандай ой салады? Мұны өздеріңіз бастан кешірдіңіздер ме?
Ой шақыру
«Табиғат» дегенде көз алдарыңызға не елестейді? Елестеген заттың суретін салыңыздар немесе қысқаша жазыңыздар. Әр топ өз жұмысын қорғайды және табиғат туралы ойымен бөліседі.
Ой-пікір: ассоциация құру
«Табиғат» сөзіне ассоциация құраймыз:
Мәтінмен жұмыс
Қ. Толыбаевтың «Ақ гүл» мәтінімен танысу арқылы оқушылар табиғаттың тіршілік бастауы екенін ұғынады: жанды дүниенің көбі табиғаттан нәр алып, өсіп-өнеді.
Ойланып көрейік (топтық жұмыс)
I топ
Жерді неліктен күллі тіршіліктің анасына теңейміз?
II топ
Табиғат пен адам үйлесімділігінің сырын қалай түсіндірер едіңіз?
III топ
Табиғат сұлулығын қалай сақтап қалуға болады?
IV топ
«Жер-Ана» деген сөздің құдіретін сезініп көрдіңіздер ме?
Өзіммен-өзім: релаксация
Балалар, ыңғайланып отырып алыңыздар. Табиғаттың сұлулығы соншалық — қараған сайын қарай бергің келеді. Нәзік гүлдерге, самғай ұшқан құстарға қызыға көз тігеміз.
Сол сәтте Табиғат-Ана бізді естіп тұрғандай: алуан түске боялған кемпірқосаққа айналдырып, аспан әлеміне орналастырды. Қандай керемет!
Биіктен жерге қарағанда табиғат бұрынғысынан да құлпыра түскендей. Осы сұлулыққа шын тамсанып, көңіліміз жылылыққа бөленеді. Сол жылылықты ұзақ сақтауға іштей уәде беріп, қайтадан бұрынғы қалпымызға келейік.
Мағынаны тану
Адам — табиғаттың бір бөлшегі. Адам мен табиғат арасындағы байланыс тамыры тереңде жатыр.
Адам өмірі табиғатқа тәуелді. Сондықтан табиғатты қорғау — өз өміріңді қорғау.