Қазақша рефераттар

Қандай мезгілдер

Сабақ туралы мәлімет

Сабақтың тақырыбы

Ғабит Мүсірепов — «Көлде»

Сілтеме

Орта мерзімді жоспар, оқулық

Бағыт

АКТ, сыни ойлау, диалогтік оқыту, жас ерекшелігіне сай оқыту

Сабақтың мақсаты

  • АКТ модулін басшылыққа ала отырып, әдіс-тәсілдер арқылы жаңа тақырыпты қабылдауды жеңілдету.
  • Сыни тұрғыдан ойлау арқылы тақырыптың мағынасын ашу.
  • Диалогтік оқытуды қолдану арқылы тіл байлығын, сөздік қорын және көркем сөйлеу дағдысын дамыту.
  • Жас ерекшелігіне сай оқыту модуліне сүйене отырып, семантикалық карта стратегиясы арқылы оқушылардың білім деңгейін анықтау.

Оқытудың жалпы мақсаты

Ана тілі сабағында білім берудің жаңа әдіс-тәсілдерін қолдана отырып, жеті модульді ықпалдастыру арқылы оқушыларды еркін сөйлеуге үйрету және өзіндік бағалау дағдысын қалыптастыру.

Міндеттері

  1. 1 Мәтін мазмұнын меңгерту, оқу дағдысын қалыптастыру және жетілдіру; байланыстырып сөйлеуді дамыту; өзіндік ой-пікірін айта білуге баулу.
  2. 2 Табиғатқа, еліне және жеріне деген сүйіспеншілігін арттыру.
  3. 3 Елестету арқылы есте сақтау және еске түсіру қабілеттерін дамыту; табиғатты және құстарды қорғауға тәрбиелеу.

Күтілетін нәтижелер

Оқушылар сыни тұрғыдан ойлап, өз ойларын жүйелі жеткізеді; көлдегі құстардың тіршілігі туралы түсінігін кеңейтеді және табиғат әлемінің әсемдігін бағалай алады.

Негізгі тапсырмалар

  • Сөзжұмбақ және жұмбақтар шешу.
  • Мәтінді мәнерлеп, түсініп оқу.
  • Семантикалық карта толтыру.
  • INSERT әдісі.
  • ББҮ (Білемін — Білгім келеді — Үйрендім) кестесі.

Үй тапсырмасы

  • Мәтінді мәнерлеп оқу және мазмұны бойынша түсінік айту.
  • Тақырыпқа байланысты мақал-мәтел жаттау.

Кейінгі тапсырмалар оқушылардың оқу қарқыны мен деңгейіне қарай сараланып беріледі.

Сабақтың барысы

I. Ұйымдастыру кезеңі

Психологиялық дайындық

Балалар (хормен):

Қайырлы күн деп айтамыз,

Бір болып кеште қайтамыз.

Отбасының гүліміз,

Көңілді өтер күніміз.

Сабақты бастамас бұрын бірнеше сұрақ арқылы оқушыларды топқа бөлу жоспарланады.

Сұрақ-жауап (жыл мезгілі тақырыбы)

Биыл қазақша жыл санауда қай жыл?
Жылқы жылы.
1 жылда неше күн бар?
365 немесе 366 күн.
1 жылда неше мезгіл бар?
4 мезгіл.
Қандай мезгілдер?
Қыс, көктем, жаз, күз.
Қазір жылдың қай мезгілі?
Көктем.
Орыс тілінде «көктем» қалай аталады?
Весна.
Көктем айларын атаңдар.
Наурыз, сәуір, мамыр.

Топқа бөлу және ұйымдастыру

  • Оқушылар 3 топқа бөлінеді: «Наурыз», «Сәуір», «Мамыр».
  • Әр топқа көшбасшы тағайындалады.
  • Бағалау парақтары таратылады.

Топ ережелері

  1. 1 Мұғалімді мұқият тыңдау.
  2. 2 Уақытты тиімді пайдалану.
  3. 3 Бір-бірін тыңдау және құрметтеу.