Қуанышы бүгінгі, Құтты болсын тойларың
Тілашар тойының көрінісі
Зал шарлармен, гүлдермен безендірілген. Тақырыпқа сай слайдшоу дайындалған.
Мақсаты
- Оқушылардың тілін дамыту.
- Мектеп, мұғалім, оқушы, оқулық туралы түсініктерін қалыптастыру.
- Үлкенді құрметтеу, сыйлау, еңбекті бағалау.
- Отбасына, туған жеріне құрмет көрсете білуге тәрбиелеу.
Ұйымдастыру кезеңі
Жүргізуші ата-аналар мен ұстаздарды тілашар тойына қарсы алып, бір жыл бойы оқып-үйренген балалардың 1-сыныпқа қадам басуын ерекше мереке ретінде атап өтеді.
Назар аударыңыз
Бұл бөлімде қонақтарды қарсы алу, құттықтау және балаларды қошеметпен шақыру рәсімі орындалады.
Жүргізушінің құттықтау сөзі
Жүргізуші: Құрметті ата-аналар, ұстаздар! Тілашар тойына қош келдіңіздер. Бүгін біз бір жыл бойы оқытып, тәрбиелеген балаларымызды 1-сыныпқа шығарып салғалы отырмыз. Әрине, бұл да үлкен мереке. Тойларыңыз құтты болсын!
Өтті қызық көп күндер, Жеті жасқа жеттіңдер. Бір белестен өттіңдер, Өсті ақыл-ойларың. Қуанышы бүгінгі, Құтты болсын тойларың.
Жүргізуші: Қол соғып, қошеметпен балаларымызды қарсы алайық!
Балалардың тақпақтары мен өнері
Зейнеп
Кешегі сәби балаңыз, Жарады, міне, қараңыз. Ғылым-білім жолына Енді қадам саламыз.
Нұртілек
Біз бақытты баламыз, Қағаз, қалам аламыз. Ұстаздарымыз үйреткен Әріптерді саламыз.
Хор
«Мұғалім — ол біздің!»
Молдаби
Алты жасқа жеткенім, Еркеліктен кеткенім. Кітабымды қолтықтап, Мектебіме беттедім.
Жанбота
Мынау менің сезгенім — Ол сыныптың анасы. Өзінің де, өзгенің Баласы — оның баласы.
Ән
«Әнші балапан»
Зейін
Алты жасқа біздей толған баланы Мектеп ана құшағына алады. Ата-ана, қуаныңыз шаттанып, Шәкірт болды міне биыл балаңыз.
Би
«Үнді биі»
Сахналық диалог: «Білім ханшасы»
Білім ханшасы: Сәлеметсіңдер ме, балалар!
Балалар: Сәлеметсіз бе!
Білім ханшасы: Мені таныдыңдар ма?
Балалар: Иә.
Білім ханшасы: Мен кіммін?
Балалар: Білім ханшасысыз.
Білім ханшасы: Дұрыс айтасыңдар, балалар. Ең алғаш қазақ балаларына арнап мектеп ашып, әліппе жазған кім?
Балалар: Ыбырай Алтынсарин.
Білім ханшасы: Ыбырай Алтынсарин аталарыңның «Кел, балалар, оқылық» өлеңін білесіңдер ме?
Нұртілеу
Кел, балалар, оқылық, Оқығанды көңілге Ықыласпен тоқылық. Оқысаңыз, балалар, Шамнан шырақ жағылар. Іздегеннің алдыңнан Сұрамай-ақ табылар.
Білім ханшасы: Рақмет! Ал енді мектепке барғанда ең бірінші оқитын кітаптарың — «Әліппе» туралы тақпақ айтып беретін кім?
Мәлімет
Маңғыстау облысы, Бейнеу ауданы, Сыңғырлау селосы, «Сыңғырлау мектеп-балабақша кешені» КММ.
Дайындық тобы жетекшісі: Құрманбаева Жайлыгүл.