Тамыр өсімдіктің қандай мүшесі
Қысқа мерзімді сабақ жоспары
- Сабақтың тақырыбы
- Өркендер мен бүршіктер
- Пән / сынып
- Биология, 6-сынып
- Авторлар
- К. Жүнісқызы, Р. Әлімқұлова, Қ. Жұмағұлова
Жалпы мақсаттар
- Өркен және оның түрлері, сондай-ақ бүршіктің түрлері туралы түсінік қалыптастыру.
- Бүршіктің ішкі құрылысы туралы жүйелі білім беру.
- Сарамандық жұмысты сауатты орындау дағдыларын тұрақты қалыптастыру.
Оқыту нәтижелері
Білім
Өркеннің түрлерін, бүршіктің түрлерін және бүршіктің ішкі құрылысын толық меңгереді.
Өзіндік жұмыс
Өздігінен оқу және іздену дағдыларын дамытады.
Коммуникация
Дәлел келтіріп, ашық пікір айтып, ортақ шешім қабылдайды.
Қолдану
Алған білімін өмірлік жағдаяттарда қолдана алады.
Негізгі идеялар
Оқушылардың топтық және жұптық жұмыс дағдыларын дамыту, диалогтік қарым-қатынас орнату, өздігінен іздену мен дайындалу қабілеттерін шыңдау.
Тапсырмалар
Өркен мен бүршіктің құрылысы, түрлері және атқаратын қызметі, сондай-ақ ішкі құрылысы бойынша топтық, жұптық және диалогтік тәсілдерге негізделген тапсырмалар орындалады. Оқушылар ортақ бағалау парағын толтырады.
Кейінгі тапсырмалар
- Слайдтар әзірлеу.
- Қосымша материалдар жинақтау.
Мұғалімнің іс-әрекеті
- 1 Сыныппен амандасу.
- 2 Психологиялық дайындық жүргізу.
- 3 Әртүрлі суреттер арқылы оқушыларды топқа бөлу.
- 4 Бағалау критерийлерімен таныстыру.
Ортақ бағалау парағы
Ұпай бойынша деңгей
- 15–20
- Өте жақсы
- 10–14
- Жақсы
- 6–9
- Қанағаттанарлық
- 0–5
- Төмен
Сапалық сипаттама
- 5 — толық әрі жан-жақты жауап береді, материалды терең түсінеді, көрсетілгенді сауатты баяндайды.
- 4 — жалпы жақсы жауап береді, бірақ кейбір дәлсіздіктер мен жеңіл қателер кездеседі.
- 3 — оқу материалы негізінен меңгерілген, алайда елеулі қателіктер жіберіледі.
- 2 — тексерілген білімнің елеулі бөлігі меңгерілмеген.
Сабақтың барысы
1) Қызығушылықты ояту
«Ханталапай» ойыны арқылы оқушылардың үй тапсырмасы сұралады. Төмендегі сұрақтар қысқа жауап пен дәлел келтіруге бағытталған:
Тамыр өсімдіктің қандай мүшесі?
Тамыр шығу тегіне қарай нешеге бөлінеді?
Қоректік заттарды қорға жинайтын тамырды ата.
Тамыр жүйесі деген не?
Кіндік тамыр деген не?
Шашақ тамыр деген не?
Тамыр бөлімдерін ата.
Тамыр түрөзгерістері деген не?
Жемтамыр қандай өсімдіктерде болады?
Түйнек тамыр деген не?
Емізік тамыр деген не?
Тіреу тамыр деген не?
2) Ой ашар
Сұрақ: Көктемде өсімдіктерде қандай өзгерістерді байқауға болады?
3) Мағынаны тану
Жаңа тақырып тірек-сызба арқылы түсіндіріледі. Негізгі анықтама:
Өркен — жапырағы мен бүршігі бар, бұтақтанбаған жас сабақ. Өркеннің негізгі орталық тірек бөлігі — сабақ.