Тайга зонасы

Маңғыстау облысы, Мұнайлы ауданы,
№11 орта мектептің география пәні мұғалімі
Толегенова Жазира

Ашық сабақ
Сабақтың тақырыбы: Еуразияның табиғат зоналары
Сабақтың мақсаттары:
1. Білімділік: Оқушыларды Еуразия материгінің табиғат зоналарымен таныстыру, олардың ерекшеліктері мен маңыздыларына тоқталу.
2. Дамытушылық: Оқушылардың ойлау қабілеттерін, шығармашылықпен жұмыс істеуге, картамен жұмысты жандандыруға есте сақтау қабілеттерін дамыту.
3. Тәрбиелік: Басқа елдің табиғатымен таныса отырып, өз елінің, жерінің табиғатын сүюге, аялауға, ұқыптылыққа тәрбиелеу. Экологиялық білім арқылы оқушылардың мәдениетін қалыптастыру.
Сабақтың түрі: Жаңа сабақ
Оқыту әдісі: Сұрақ - жауап, схема арқылы
Сабақтың әдістемелік жабдықталуы: карта, атлас карталар, оқулық, кескін карталар, карточкалар, суреттер.

Сабақтың барысы:
І. Ұйымдастыру кезеңі. Оқушылармен амандасып, оқушыларды түгендеп, зейіндерін сабаққа аудару.

ІІ. Үй тапсырмасы. (әдісі - сұрақ - жауап)
1. Ішкі суға не жатады?
2. Материктің өзендері қандай бассейндерге жатады?
3. Солтүстік мұзды мұхитының өзендерін ата.
4. Тынық мұхитының бассейніне жататын өзендерді ата.
5. Үнді мұхитының бассейніне қандай өзендер жатады?
6. Ішкі ағындар территориясына қандай өзендер жатады?
7. Қандай өзен Бенгал шығанағына құяр кезінде, ұлан байтақ атырау құрайды?
8. Қандай өзен Гималай тауынан басталады?

2. Еуразияның арктикалық, субарктикалық, қоңыржай белдеулеріндегі табиғат зоналары.
Арктикалық шөл зонасы? Тундра мен орманды тундра?
Тайга зонасы?
Аралас және жалпақ жапырақты ормандар зонасы?
Орманды дала және дала зоналары? Шөлейт және шөл зонасы?
3. Ал енді Еуразияның материгінің ерекшелігін шеңбер құрып, Доп лақтыру ойыны арқылы айтады.

IIІ. Жаңа білім беру.
Біз бүгін, әдеттегідей жаңа тақырып өтеміз. Евразияның табиғат зоналары .
Табиғат зонасы дегеніміз не? Солтүстіктегі арктикалық аралдардан бастап, тайга зоналарына дейін табиғат зоналары ендік бағытта тұтас алап болып созылып жатыр. Ал одан оңтүстікке қарай зоналар батыстан шығысқа қарай жіңішке жолақтар түрінде таралады. Еуразия материгінің табиғат зонасы әр түрлілігімен ерекшеленеді. Онда табиғат зоналарының барлық белгілері бар: экваторлық, тропиктік, қоңыржай, субтропиктік, субарктикалық, арктикалық.