Қазақша рефераттар

Әнұран өлеңін мәнерлеп оқу

Сабақ туралы

Тақырып

Әнұран. Буын

Көрнекілік

Үнтаспа

Мақсат

  • Оқушылардың буын туралы білімін толықтыру.
  • Оқу және жазу дағдыларын дамыту.
  • Ел рәміздерін құрметтеуге баулу, отансүйгіштікке тәрбиелеу.

Сабақтың барысы

1) Ұйымдастыру кезеңі

— Балалар, бүгін бізде ерекше күн және ерекше сабақ. Бізге қонаққа мектеп мұғалімдері келді.

— Сабақ сәтті өтуі үшін бір-бірімізге қарап, жылы тілегімізді айтайық.

2) Өткенді пысықтау (жарыс сабағы)

Бүгінгі сабақ ат жарысы түрінде өтеді. Сендер бәйгеге қатысасыңдар:

  • 1-қатар — қоңыр ат
  • 2-қатар — қара ат

Бүгін біз «Буын» тақырыбын қорытындылап келеміз. Сондықтан ойымызды жинақтап, сұрақтарға толық әрі нақты жауап береміз.

3) Ой-толғау (үй тапсырмасы және сұрақтар)

Үйге берілген тапсырма: мәтінді оқу, түсінгенін айту.

Сұрақтар

  1. Мемлекеттік тіл қай тіл?
  2. Қазақстанда қандай ұлттар мекендейді?
  3. Қазақстан, Отан туралы қандай өлең білесіңдер?

Орындау тәртібі

  • Әр топтан бір оқушы шығып, Отан туралы өлең оқиды.
  • «Мемлекеттік тіл» мәтінінен түсінгенін әр топтан бір оқушы айтып береді.

4) Болжау (жаңа сабаққа кіріспе)

— Балалар, қандай ән орындалғанда біз оң қолымызды жүрегіміздің тұсына қоямыз?

Жауап: Әнұран.

— Әнұранды білесіңдер ме? Ендеше, жаңа сабаққа кірісейік.

Тыңдалым:

Үнтаспадан Әнұран орындалады. Оқушылар орнынан тұрып, қолдарын жүрек тұсына қояды.

— Бұл тыңдағанымыз қандай ән? Әнұран орындалғанда дұрыс, жинақы және салтанатты тұру — құрмет белгісі.

— Әнұранды тыңдағанда қандай сезімде болдыңдар? Күш-қуат артты ма, патриоттық сезім оянды ма?

5) Талдау (мағынаны ашу)

Әнұран үлкен, салтанатты жиындарда және мерекелерде орындалады.

Әні

Ш. Қалдаяқов

Сөзі

Жұмекен Нәжімеденов, Н. Назарбаев

Оқулықта берілген өлең «Әнұран» деп аталады. Оның авторы — Өтепберген Ақыпбергенұлы. Ақын бұл өлеңде әнұраннан алған әсерін көркем түрде бейнелейді.

Оқу жұмыстары:

  • Мұғалім өлеңді мәнерлеп оқып береді.
  • Оқушылар іштей оқиды.
  • Әр топтан бір оқушы тұтас оқып береді.

6) «Түртіп алу» (түсіну және тілдік талдау)

— Ақын әнұран туралы қандай ой айтады? Қандай сөздер арқылы әсерін жеткізеді?

Түсініксіз болуы мүмкін сөз тіркестері

  • зор рух
  • бойда мол үміт
  • оттай жанып жанарым

Буынға қатысты сұрақ:

— «Әнұран» сөзінде неше буын бар? Буындарға бөліп айтыңдар.

7) Дәптермен жұмыс

  • Күннің жадын жазу.
  • Ә әрпінің бас және кіші түрін жазу.
  • «Әнұран» сөзін жазу.

8) Ойын және оқулықпен жұмыс

«Сиқырлы гүл алаңы»

Гүлдің ортасына «Буындар» сөзі жазылған. Күлтешелерде буындар беріледі. Сол буындардан сөз құрастыру керек.

Әр топтан 3 оқушы шығып, күлтешелердегі буындармен жұмыс істейді.

Жаттығулар

  • 87-жаттығу
  • 88-жаттығу

9) Қорытындылау және бағалау

— Балалар, сабақ ұнады ма?

— Бүгін сабақта қандай жұмыстар орындадық?

«Жүзден жүйрік, мыңнан тұлпар» демекші, енді қай топ жеңіске жеткенін анықтаймыз. Бағалау парағына қарап, әр оқушының нәтижесін қорытындылаймыз.

10) Үй тапсырмасы

  • «Әнұран» өлеңін мәнерлеп оқу.
  • 4 буынды сөздер құрастырып келу.