Оқушылардың ойлау қабілетін, логикалық - абстракциясын дамыту

Информатика - ғасыр талабы

Сабақтың мақсаты:
Білімділік: Оқушылардың информатика пәні бойынша білімдерін жүйеге келтіріп, практикалық жұмыстар жасау кезінде олардың біліктері, жұмыс дағдыларын қалыптастыру.
Дамытушылық: Оқушылардың ойлау қабілетін, логикалық - абстракциясын дамыту.
Тәрбиелік: Оқушылардың ойлау қабілетін дамыту және әртүрлі компьютерлік программалармен жұмыс жасауды ары қарай дамытуға септігін тигізу;
Сабақтың түрі: сайыс сабақ
Сабақтың әдісі: баяндау, сұрақ - жауап, практикалық жұмыс, бейне әдіс.
Сабақтың көрнекілігі: компьютерлер, проектор, практикалық тапсырмалар

Сабақтың барысы:
1 - жүргізуші: Құрметті ұстаздар, қонақтар, оқушылар! Бүгінгі информатика пәнінен өткізілгелі отырған Информатика - ғасыр талабы атты зияткерлік ойынымызға қош келдіңіздер! Бақ пен бап сыналар бұл жарысқа қатысып отырған оқушыларға сәт сапар тілейміз.
Жетілдіріп, кеңейтіп бұл асылды
Информатика озады бар ғасырды
Ой түйіндеп, жетелейді адамды
Әлі ашылар құпиялар сан қырлы - дей келе бүгінгі сайысымызды бастауға рұқсат етіңіздер.
Ойын шарты Информатика - ғасыр талабы сайысына 8 А және 8 Б сыныбының оқушыларынан құралған 2 команда қатысқалы отыр. Әр команда 6 ойыншыдан құралған. Ойын 6 турдан тұрады.
І тур: Таныстыру
ІІ тур: Қас - қағым сәт
ІІІ тур: Қисынды ойлай білейік
ІҮ тур: Көркем сурет
Ү тур: 1001 мақал
ҮІ тур: Сиқырлы пернелер