Қазақша рефераттар

Зейіндерін сабаққа аудару

Сабақ туралы мәлімет

Бұл жоспар мектепалды даярлық сыныбына арналған математика сабағын сипаттайды. Негізгі мақсат — балаларға ұлттық валютамыз теңге туралы түсінік қалыптастыру және ақша санау дағдыларын дамыту.

Мекеме

Қызылорда облысы, Жаңақорған ауданы, Аққұм бекеті
Негізгі білім беретін №221 Аққұм мектебі
Мектепалды даярлық сыныбы

Мұғалім

Маханова Динара Рысбекқызы

Білім беру саласы

Таным

Бөлім

Математика

Сабақтың тақырыбы

Теңге (слайд арқылы)

Сабақтың мақсаты

Білімділік

  • Ұлттық ақшамыз — теңге туралы түсінік беру.
  • Ақша түрлерін (қағаз, тиын; ірі, ұсақ) ажырата білу ұғымын тереңдету.
  • «Теңге» ұғымын қалыптастыру.

Тәрбиелік

  • Балалардың қызығушылығын арттыру.
  • Тиянақтылыққа және бір-бірін тыңдай білуге тәрбиелеу.

Дамытушылық

  • Зейінін, логикалық ойлауын және есте сақтау қабілетін дамыту.

Сабақ форматы мен ресурстар

Түрі мен типі

Сабақтың типі
Жаңа сабақ
Сабақтың түрі
Дәстүрлі сабақ

Көрнекілік пен әдістер

  • Интерактивті тақта, суреттер, үлестірмелі материалдар.
  • Әңгімелеу, түсіндіру, сұрақ-жауап.
  • Пәнаралық байланыс: көркем әдебиет.

Сабақ барысы

1) Мотивациялық-қозғаушылық кезең

Ұйымдастыру: оқушылардың оқу құралдарын түгендеу, назарын сабаққа шоғырландыру.

Өткен сабақты еске түсіру: «Бәйге» ойыны

  1. Бір қолыңда неше саусақ бар?
  2. Қандай геометриялық фигураларды білесің?
  3. 5 пен 7-нің арасында қандай сан бар?
  4. 8 санының көршілерін тап.
  5. 5 + 1 = ? Есепті шығар.
  6. Сызықтар нешеге бөлінеді?
  7. Алты алманың екеуін Диас сұрап алды. Айтшы, сонда нешеуі өз қолыңда қалды? (4)
  8. 7 және 6: қайсысы үлкен, қайсысы кіші?
  9. 8 + 2 = ? Есепті шығар.

2) Ұйымдастыру-ізденушілік кезең: жаңа сабақ

Теңге — Қазақстанның ұлттық валютасының атауы. Оқушыларға ақшаның түрлері таныстырылады: қағаз ақша және темір тиындар. Тиындар әдетте 1, 2, 3, 5, 10 және тағы басқа номиналдармен кездеседі. Номинал ірі болған сайын құны артады, ал ұсақталған сайын құны кемиді.

Оқулық/дәптер тапсырмалары

  1. Монеталардың суреттері берілген. Оларды ата.
  2. Әр әмиянда неше монета бар? Әр әмиянда неше теңге бар?

Ойын: «Теңге терейік»

  1. Ақша санауды үйренеміз: сол жақтағы ақшаларды санап, оң жақтағы дөңгелекке цифрмен жаз.
  2. Сенде ақша бар ма? Сол ақшаға не сатып алатыныңды таңда. Сатып алған затыңның бағасын қажетті монеталармен толықтыр. Қанша ақшаң қалды?
  3. Берілген теңгелерден есеп құрастыр.

Сергіту сәті

1, 2, 3 — бойға жинап күш

4, 5, 6 — отыр, тұр, шалқы

7, 8, 9, 10 — орныңа қон

3) Кері байланыс және түзету

Қорытынды ауызша есептер

  • Серіктің 5 теңгесі болды. Анасы оған тағы 2 теңге берді. Серікте барлығы неше теңге болды?
  • Айымның 10 теңгесі бар еді. Ол 5 теңгесіне балмұздақ алды. Айымда қанша теңге қалды?

Тура және кері санау

Тура санау

0, 1, 2, 3, 4, 5, 6, 7, 8, 9, 10

Кері санау

10, 9, 8, 7, 6, 5, 4, 3, 2, 1, 0

Осы сандарға сәйкес күнделікті қолданылатын монеталарды ата.

Сұрақ-жауап

  • Теңге дегеніміз не?
  • Ақшада не бейнеленген?
  • Ақшаны қалай ұстау керек?
  • Ақша қалай келеді?
  • Әр ұлттың ақшасы қалай аталады?