Қазақша рефераттар

Сүт тағамдарын ата

6-сынып

Сабақ тақырыбы: Ұлттық тағамдар. Сөз тіркестері

Сабақтың типі

Қайталау сабағы

Сабақтың түрі

Дәстүрлі емес сабақ. Оқыта үйрету ойыны.

Сабақтың әдісі

Модульдік технология.

Ұжымдастыру формасы

Топтық жұмыс.

Сабақтың мақсаты

1) Білімділік

  • Қазақтың ұлттық тағамдары тақырыбы бойынша алған білімдерін тексеру.
  • Оқушылардың тілін дамыту.
  • Тыңдай білуді және оймен бөлісуді үйрету.
  • Грамматиканы қайталау.

2) Дамытушылық

  • Қисынды ойлау қабілетін дамыту.
  • Қазақ халқының салт-дәстүрлері арқылы қазақ тілін үйренуге тұрақты қызығушылық қалыптастыру.

3) Тәрбиелік

  • Ұлттық тағамдар және олардың пайдасы туралы түсіндіру.
  • Мәдениеттілікке баулу.

Көрнекілік

1) Интерактивті тақта

Тапсырмалар, мәтіндер, дыбыстық талдау.

2) Шашу кәмпиті

Сұрақ-жауапқа ынталандыру.

3) Ортақ бағалау парағы

Фишкалар бойынша ұпай есептеу.

4) Фишкалар

Ойын кезеңдеріндегі ұпай белгісі.

5) Конкурс тапсырмалары

Карточкалар, шариктерге жапсырылған сұрақтар.

Сабақтың барысы

I. Ұйымдастыру кезеңі

Мұғалімнің сөзі: Сәлеметсіңдер ме? Отырыңдар.

Шашу

Біздің әр сабағымыз — қуаныш. Қуанышта халқымыз шашу шашады. Шашу — тілек пен берекенің белгісі. Береке тілеп, шашу шашайық.

Кәмпитті жай ғана жемей, сұрақтарға жауап беріңдер: бүгін кім кезекші, сыныпта кім жоқ, бүгін нешесі, аптаның қай күні?

Сабақтың тақырыбы мен мақсатымен таныстыру.

II. Топқа бөлу және ойын шарты

Оқушылар екі топқа бөлінеді: «Сусындар» және «Тағамдар». Сабақ ойын форматында өтеді: «Бақытты сәт».

I гейм — Бой сергіту

Дайындық: 1 минут • Дұрыс жауапқа фишка

«Сусындар» командасы

  1. Қазақтың ұлттық тағамдарын атаңдар. (шұжық, бесбармақ, қазы, қарта т.б.)
  2. Шұжық қандай еттен жасалады? (қой, сиыр, түйе, жылқы етінен)
  3. Сенің сүйікті тағамың қандай?
  4. Қазақтың басты ұлттық тағамы қандай? (ет)
  5. Қымыз қандай сүттен жасалады? (биенің сүтінен)
  6. Сүт тағамдарын атаңдар. (шұбат, айран, қымыз)

«Тағамдар» командасы

  1. Айран қандай сүттен жасалады? (сиыр сүтінен)
  2. Қазы, қарта, жая қандай еттен жасалады? (жылқы етінен)
  3. Бесбармаққа қандай ет салады? (жылқы, сиыр, қой, түйе еті)
  4. Жылқы етінің қандай ерекшелігі бар? (ет қатпайды, май тоңазымайды)
  5. Құрт неден жасалады? (сүттен)
  6. Сенің сүйікті тағамың қандай?

II гейм — Шашылған бауырсақтар

Шариктерге жапсырылған карточкалар • Таңдау арқылы орындау

Сөз тіркестері

Мәтіннен сызба бойынша сөз тіркестерін теріп жазыңдар және аударыңдар:

  • Зат есім + етістік
  • Сан есім + зат есім
  • Сан есім + сан есім

Карточка тапсырмалары

  1. Мына сөйлемді аудар: Из мясо конины готовят казы, карта, жал. Жауабы: Жылқының етінен қазы, қарта, жал дайындайды.
  2. Баяндауыш қандай сұраққа жауап береді? Кім? Не? деген сұрақтарға жауап береді.
  3. Мына сөйлемді аудар: Творог, курт, масло — молочные блюда. Жауабы: Сүт тағамдары — ірімшік, құрт, май.
  4. Мақал-мәтелдің аудармасын дұрыс айт: Когда в семье лад, все вкусно подряд. Тату үйдің тамағы тәтті.
  5. Мақал-мәтелді аяқта: Ат — адамның қанаты, ас — адамның қуаты.
  6. Сөйлем мүшелерін атаңдар. Бастауыш, баяндауыш, толықтауыш, анықтауыш, пысықтауыш.
  7. Бастауыш пен баяндауыш қандай сөйлем мүшелері? Тұрлаулы мүшелер.
  8. Толықтауыш, анықтауыш, пысықтауыш қандай сөйлем мүшелері? Тұрлаусыз мүшелер.
  9. Қазақтың ұлттық дастарқанында тағамдардың негізгі үш түрі бар. Оларды атаңдар. Ет, сүт, нан тағамдары.
  10. Мына сөздерді аудар:

    еда, пища — дәм

    не попробовав — ауыз тимей

    гость — қонақ

    гостеприимство — қонақжайлылық

  11. Қазақ тілінде неше шақ бар? Оларды атаңдар. Өткен шақ, келер шақ, осы шақ.
  12. Мына сөйлемді аудар: В Казахстане есть санаторий, где лечат кумысом. Қазақстанда қымызбен емдейтін санаторий бар.

III гейм — Фонетика әлемінде

Дауысты және дауыссыз дыбыстарды толықтыру

«Сусындар» командасы

  1. Қаза... та ұлт... ық та... амдар ал... ан түрлі.
  2. Дастар... андағы д... м, та... амнан а... ыз тимей кетуге болмайды.

«Тағамдар» командасы

  1. Тамақ ішуге шақыр... анда, тама... ты к... п күтт... руге болмайды.
  2. Қазақта дастар... аннан, д... мнен үлкен н... рсе жоқ.

IV гейм — Сен маған, мен саған

Үй тапсырмасы:

Үйден ас туралы 3 мақал жаттап келу.

Сабақта оқушылар мақалдарды бір-біріне айтып, аудармасын тыңдайды және бір-біріне сыйлайды.

V гейм — «Не дәмді?» ой толғауы

Оқушылар ұлттық тағамдардың дәмі, пайдасы және дастарқан мәдениеті туралы қысқаша ой бөліседі.

Үй жұмысы

Диалог құру: «Қазақтың ұлттық тағамдары» тақырыбы бойынша.

Қорытынды және рефлексия

Қайталау сұрақтары

  • Ет тағамдарын атаңдар.
  • Сүт тағамдарын атаңдар.
  • Нан тағамдарын атаңдар.
  • Жылқы, сиыр, түйе не береді?
  • Шұжық неден жасалады?
  • Ұлттық тағамдарды атаңдар.

Бағалау

Ортақ бағалау парағы бойынша әр топ жиналған фишкалар санына қарай өз нәтижесін бағалайды.

Назарда

Бағалау өлшемдері: белсенділік, дәл жауап, топтық жұмыс, сөйлеу мәдениеті.