Маркетинг тобына

Тәжірибелік сабақ Еңбек ақы есебі

Сабақ туралы қысқаша мәлімет

Сабақтың тақырыбы: Еңбек ақы есебі.

Сабақтың түрі: тәжірибелік сабақ.

Сабақтың әдістері: баяндау, түсіндіру, әңгімелесу, ақпарат беру, лекция элементтері, сұрақ–жауап, пысықтау және бекіту, қайталау, дамыту ойындары, өзіндік жұмыс, көрнекілік.

Қолданылатын көрнекіліктер: тарату материалдары, интерактивті тақта, флипчарт, электронды оқулық, бейнематериал, оқулық.

Пәнаралық байланыс: қаржылық есепті талдау, экономикалық теория, микроэкономика, макроэкономика.

Тәжірибелік сабақтың мақсаты

Білімділік

Еңбек ақы және оның есебі туралы теориялық және әдістемелік аспектілерді түсіну.
Еңбек ақыны есептеу тәртібін меңгеру және шоттар корреспонденциясын құра білу.
Түсінік пен ілімдерді жағдаяттарды шешуге қолдану, болжам ұсыну дағдысын қалыптастыру.

Тәрбиелік

Өз бетімен жұмыс істеуді және мамандыққа қызығушылықты қалыптастыру.
Тұлғаның адамгершілік қасиеттерін және ғылыми көзқарасын дамыту.
Эстетикалық көзқарасты, тәжірибелік әрекет етуге дайындықты арттыру; ҒТП-ның негізгі бағыттарымен таныстыру.

Дамытушылық

Есте сақтау, ойлау, қабылдау және сөйлеу мәнерін дамыту.
Пәнге қызығушылықты күшейту, қорытынды жасай білуге үйрету.
Шығармашылық ізденіс элементтерін қалыптастыру.
Проблеманы байқау және шешу жолдарын табу дағдысын дамыту.

Сабақ барысы

I. Ұйымдастыру кезеңі

Оқушылармен амандасу, түгендеу. Дәрісхананың тазалығын тексеру. Оқушыларды екі топқа бөліп, әр топтан сарапшы сайлау.

Іскерлік ойын Топтық жұмыс

II. Сұрақтар (мамандықтарды атау)

Оқытушы бухгалтерлік есеп бойынша сұрақтар қояды.

Менеджерлер тобы

Өнеркәсіп өндірісі жұмысшыларының мамандықтарын атаңыздар:

темір ұстасы
ағаш ұстасы
болат қорытушы
газбен пісіруші

Маркетинг тобы

Қызмет көрсету саласының мамандықтарын атаңыздар:

жүргізуші
телефонист
шаштараз

III. Өндірістік жағдаяттар

Әр топ берілген жағдайға шешім ұсынады және рәсімдеу тәртібін түсіндіреді.

Маркетинг тобы

Қаржылық бухгалтерияда іссапарда жүрген менеджер К. Р. Есалиевтің қызы әкесінің еңбекақысын сұрап, өтініш білдірді. Қалай рәсімделеді?

Сенімхат арқылы, шығыс кассалық ордермен рәсімделеді.

Менеджерлер тобы

Кәсіпорын күзетшісіне мереке күндері жасаған жұмысы үшін ақы төленбеген. Неліктен төленбегенін анықтау үшін қай лауазымды тұлғалар айналысуы керек және төлеу тәртібі қандай?

Мереке күндері жұмысқа ақы екі есе есептеледі; бұл мәселені бухгалтерия шешеді.

IV. Компьютерлік тапсырма

Әр топтан бір оқушы компьютерде жұмыс уақытының есебі бойынша табель сызады (есте сақтау жаттығуы).

V. Карточка бойынша тапсырма (терминдер)

Берілген сөздерді орыс–қазақ–ағылшын тілдерінде сәйкестендіріп орналастырыңыздар.

Қазақша	Орысша	Ағылшынша
Еңбекақы	заработная плата	salary
Оклад	оклад	rate of salary
Табельдік нөмір	табельный номер	timesheet number
Кезекті демалыс ақысы	отпускные	vacation pay
Зейнетақы қоры	пенсионный фонд	Pension Fund
Күндер	дни	days
Сағаттар	часы	hours
Баға (расценка)	расценка	rates

VI. Мақал-мәтелдер бойынша шоттарды атау

Әр топқа мақал-мәтел беріледі. Тапсырма: сәйкес шоттарды көрсету.

Маркетинг тобы

«Рахаттың түбі — кеңіс, еңбектің түбі — жеміс»: Шот: 1320
«Ақша ақшаға келеді»: Шоттар: 1010, 1040, 1050
«Еңбек етсең емерсің»: Шот: 3350

Менеджерлер тобы

«Еңбек қылсаң ерінбей, тояды қарның тіленбей»: Шот: 3350
«Базары жақын байымас»: Шот: 7110
«Шығысы шықпай, кірісі кірмейді»: Шот: 7010

VII. Корреспонденция бойынша сұрақтар

Жылдам сұрақ–жауап арқылы өткізбелерді бекіту.

1) Алғашқы бухгалтердің фамилиясын атаңыздар: Штехер.
2) Жұмысшыларға еңбекақы берілді: Дт 3350 — Кт 1010.
3) Жабдықтаушыларға талап қойылды: Дт 1280 — Кт 3310.
4) Директорға еңбекақы есептелді: Дт 7210 — Кт 3350.
5) Қоймадағы ТМҚ есебі қандай өлшеммен жүргізіледі? Сандық өлшеммен.

VIII. Бухгалтерлік есеп тарихынан

Менеджерлер тобы

Суретте қандай бухгалтерлік есеп әдісі көрсетілген?

Жауап: екі жақты жазу.

Маркетинг тобы

Осы есептің шығу тарихын қысқаша баяндаңыз.

Жауап: Хеопс пирамидасын салу кезінде жұмысшыларға берілген пияз, шалқан, сарымсақ мөлшері тасқа қашалып жазылған. Бұл жерде шығындар нақты өніммен есепке алынған.

IX. Сөзжұмбақ құрастыру

Екі топ та берілген анықтамалар бойынша сөзжұмбақ құрастырады.

Көлденеңінен

Мекеменің есеп бөлімінің қызметкері — бухгалтер.
Өнімді/тауарды тұтынушыға таныстыру — жарнама.
Отандық тауарды басқа елдерге шығару — экспорт.
Клиенттің қаржылық жағдайын және есеп құжаттарын тәуелсіз тексеретін тұлға — аудитор.
Тауардың қабымен бірге өлшенгендегі салмағы — брутто.
Кәсіпорын/мекеме/оқу орнының басшысы — директор.

Тігінен

Банктің мекемеге беретін хабарламасы — авизо.
Сату–сатып алу процесін реттеп, бақылап отыратын мекеме — биржа.
Тауар мен қызметтің ақшалай бағасы — құн.
Тауарларды сатуға және сақтауға арналған орын — қойма.
Ресми құжат — акт.
Нарыққа сатылатын өнім — тауар.
Өз атынан және өз есебінен тауарды қайта сатумен айналысатын адам/фирма — дилер.

X. Еңбекақыны есептеу тапсырмалары

Әр топ есеп шығарып, шешімін дәлелдейді.

Менеджерлер тобы

Кесімді жұмысшы С. К. Жұбановтың еңбекақысын есептеңіз.

16.11 — 400 бірлік (1 бірлік — 2,20)
17.11 — 360 бірлік (1 бірлік — 2,30)
18.11 — 290 бірлік (1 бірлік — 2,50)

Маркетинг тобы

Инженер А. Б. Хамитовтің еңбекақысын есептеңіз: 23 күн жұмыс істеді, айдағы жұмыс күні — 26, айлығы — 22 200. Еңбекақыдан 15% сыйақыны және жалпы еңбекақыны анықтаңыз.

XI. Өткізбелерді таңдау (тест)

Тақырып бойынша дұрыс корреспонденцияны таңдаңыздар.

Менеджерлер тобы

Еңбекақы депоненттелді. Қай өткізбе дұрыс?

A) Дт 3350 — Кт 3370
B) Дт 3370 — Кт 1060
C) Дт 3310 — Кт 3350
D) Дт 3385 — Кт 1010
E) Дт 3350 — Кт 1010

Маркетинг тобы

Әкімшілікке еңбекақы есептелді. Қай өткізбе дұрыс?

A) Дт 3350 — Кт 7210
B) Дт 1040 — Кт 7210
C) Дт 7210 — Кт 3350
D) Дт 8012 — Кт 3350
E) Дт 3350 — Кт 1010

Сабақты қорытындылау

Бағалау

Оқушылардың жұмысын бағалау және нәтижесін хабарлау. Тәжірибелік тапсырмалар бойынша қорытынды жасап, бекіту.

Үй тапсырмасы

1) Бақылау сұрақтарына жазбаша жауап дайындау.