Қазақша рефераттар

Квадрат теңдеу құрастыр

Сабақ туралы мәлімет

Өңірі
Шығыс Қазақстан облысы
Аудан
Катонқарағай ауданы
Ауыл
Аршаты ауылы
Пән
Физика, математика
Мұғалім
Құрметжанова Жанерке
Тақырыбы
Квадраттық теңдеу түбірлерінің формулалары
Сабақ типі
Жаңа материалды меңгеру
Көрнекіліктер
Интерактивті тақта, оқулық, постер

Сабақтың мақсаты

Білімділік

Оқушыларды дискриминант ұғымымен таныстыру; дискриминант мәніне қарай квадрат теңдеудің түбірлер санын анықтауды үйрету; түбірлер формулаларын қолдана отырып квадрат теңдеулерді шешу дағдысын қалыптастыру.

Дамытушылық

Танымдық белсенділікті арттыру; өз бетінше жұмыс істеу қабілетін дамыту; білімнің тереңдігі мен тиянақтылығын жетілдіру.

Тәрбиелік

Өз білімін бағалауға баулу; ұйымшылдыққа және тиянақтылыққа тәрбиелеу.

Сабақ барысы

I. Ұйымдастыру кезеңі

  • Оқушыларды топқа бөлу, «Шаттық шеңберін» құру.
  • Қима қағаздар арқылы топқа бөлу (тақырыптық карточкалар):
Карточка 1
Квадрат теңдеу
Карточка 2
ax² + bx = 0
Толымсыз квадрат теңдеу
Карточка 3
5x² + 4x + 1 = 0
5 — бірінші коэффициент, 4 — екінші коэффициент

II. Үй тапсырмасын тексеру

№119 есепті тақтада шығару.

III. Үй тапсырмасын қорытындылау («Ақыл үйі»)

Сұрақтарға жауап беру:

  1. Келтірілген квадрат теңдеу дегеніміз не?
  2. Квадрат теңдеудің жалпы түрін ата.
  3. Толымсыз квадрат теңдеу дегеніміз не?
  4. 2x² + 4x = 0 — қандай теңдеу?
  5. x² + 4x − 6 = 0 теңдеуіндегі бос мүше нешеуге тең?
  6. x² + 4x − 6 = 0 теңдеуіндегі бірінші және екінші коэффициенттер нешеуге тең?
  7. 3 — бірінші коэффициент, −5 — екінші коэффициент, 19 — бос мүше. Осы мәліметтер бойынша квадрат теңдеу құрастыр.

IV. Жаңа тақырыпты түсіндіру

«Джигсо» әдісі

Топтық жұмыс

Оқушылар 1, 2, 3 деп саналып, топтарға бөлінеді. Әр топ берілген тапсырманы талдап, түсіндіріп шығады (1-мысал, 2-мысал, 3-мысал).

«Қос шеңбер» әдісі

Қайталау

Оқушылар екі шеңберге тұрып, квадрат теңдеудің түбірлерін табу формулаларын кезекпен айтады.

V. Жаңа сабақты бекіту

Оқулықпен жұмыс

  • №130 есеп
  • №131 есеп (жұппен жұмыс)

Тақтамен жұмыс

Есептерді тақтада орындау және шешу жолдарын талқылау.

Сергіту сәті

Дискриминант формуласын жазу және оны дұрыс қолдану ережелерін қысқаша қайталау.

Негізгі формула

D = b² − 4ac

VI. Қорытындылау (графикалық диктант: «Иә / Жоқ»)

Төмендегі тұжырымдардың дұрыстығын белгілеу:

1) Егер дискриминант нөлден үлкен болса, теңдеудің екі түбірі болады.

2) Толымсыз квадрат теңдеулерді шешкенде міндетті түрде дискриминант есептеледі.

3) Теңдеудің түбірін тапқанда a коэффициентінің таңбасы маңызды емес.

4) D = b² − 4ac — дискриминант формуласы.

5) Егер D = 0 болса, теңдеудің түбірі жоқ.

Ескерту: D = 0 болғанда квадрат теңдеудің бір (қос) түбірі болады.