Ілияс Жансүгіров өлеңіҚосылысҚосылды міне екі жас, амандасты, Қара көз, қас қағылып, хабарды ашты

Ілияс Жансүгіров өлеңі

Қосылыс
Қосылды міне екі жас, амандасты,
Қара көз, қас қағылып, хабарды ашты.
Майысып балдырғандай қыз толысып,
Жігітке берді ләззат таб алмасты.
Көңілі бір, ойы тура, құмары нық,
Заман да айдап қосты замандасты.
Леп беріп, бетін үріп су салқыны,
Шайқалтып манауратты барша ағашты.
Түрлентіп шалғын, жапырақ, бәйшешекті,
Сайратты еріксізден сандуғашты.
Қарақұс көкті айналып, көлдегі үйрек,
Бозторғай жымыңдасты, тағы алдасты.
Ынтықтың бұл қосылған құрметіне,
Шығарды бұлбұл даусын жапанға ащы.
Көбелек көлбектетіп су бойында,
Көгершін таста көкек самалдасты.
Толқытқан жер - жиһанды, екі жасты,
Тілесе жауыз жазмыш не қалмасты

ШҚО, Тарбағатай ауданы, Тұғыл ауылы,
Ш. Уалиханов атындағы орта мектептің
9 сынып оқушысы Рашитова Рашиля