Алтын күз мерекесін өткізу

Ертеңгілік: «Қоңыр күз»

Зал іші күз мерекесіне сай безендірілген: жапырақтардың суреттері, күз жәрмеңкесі, жемістер мен көкөністер салынған себеттер.

Құрметті қонақтар, ұстаздар! Бүгін біз күзбен қоштасу ертеңгілігін өткізгелі отырмыз. Ортаңғы топтың «Қоңыр күз» атты мерекесіне қош келдіңіздер!

Сұр бұлт түсі суық қаптайды аспан,
Күз болып дымқыл тұман жерді басқан.
Білмеймін, тойғаны ма, тоңғаны ма,
Жылқы ойнап, бие қашқан, тай жарысқан.

Құрметті қонақтар, бүгінгі мерекеміздің басты кейіпкерлері — «Аққу» тобының бүлдіршіндері. Оларды ортаға шақырайық, қол соғып бірге қарсы алайық!

Әдемі сазды әуен ойнап тұрады. Балалар залға кіріп, орындықтарға жайғасады.

Балалар, бүгін барлығымыз күз мерекесіне жиналдық. Қазір — күз мезгілінің соңғы айы, қыс та таяп қалды.

Алтын күз

Айналадағы жапырақтар мен шөптер сарғайып, табиғат алтын түске енеді. Сондықтан «алтын күз» деп аталады.

Жомарт күз

Егіншілер астық жинап, молшылықтың қуанышын атап өтетін кезең. Астық жиналған соң сабантой жасалатын уақыт.

Қоңыр күз

Ағаштар жалаңаштанып, жер қоңыр тартады, аспанды сұр бұлт басады. Осындай күйді «қоңыр күз» дейді.

Ендеше, күз мезгілімен қоштасуға арналған ертеңгілігімізді тақпақтармен бастайық.

Сары алтындай сары күз, Бірге шырқар әніміз. Жаздай күткен бәріміз, Келді міне алтын күз.

Берекесін сыйлауға Өлкемізге күз келді. Жемістерін жинауға Шақырады біздерді.

Сары ала тон жамылған Күз атамыз секілді. Қойны толы дәмді нан, Тәттісі көп не түрлі.

Ақбөбек, Бекарыс, Нұрғиса «Бидай мен қаңбақ» мысалынан көрініс көрсетеді. Қабыл алыңыздар!

Ән

«Күз»

Балалар, сәлеметсіңдер ме! Мұнда не болып жатыр?

Сендер тақпақ та, өлең де білесіңдер ғой. Ал менің жұмбақтарымды шеше аласыңдар ма?

«Саңырауқұлақтар биі»

Саңырауқұлақ балаларға көңілді би алып келеді.

«Жемістер мен көкөністерді ажырат»

Балалар жемістер мен көкөністерді бөліп, шапшаңдық пен зейінділікті көрсетеді.

Жүргізуші Саңырауқұлақты қонақ болып қалып, балалардың ертеңгілігін тамашалауға шақырады.