Балаларға адамдар заттарды жасағанда осы материалдардың қасиеттерін қалай қолданатынын көрсету
Оқу іс-әрекетінің сипаттамасы
- Білім беру саласы
- Таным
- Ұйымдастырылған оқу іс-әрекеті
- Қоршаған ортамен таныстыру
- Тақырыбы
- Металл мен ағаштың қасиеттерімен танысу
Мақсаты
- Балаларды ағаш пен металдың қасиеттерімен таныстыру: металл — суық, ағаш — жылы материал; металл ағашқа қарағанда берік және ауыр.
- Адамдар заттарды жасағанда осы материалдардың қасиеттерін қалай қолданатынын көрсету.
- Заттарды зерттеу арқылы балаларды себеп–салдарлық байланыс орнатуға үйрету.
Көрнекі құралдар
- Темір және ағаштан жасалған заттар
- Су
- Майшам
Билингвалды компонент
ағаш
дерево
темір
металл
Тәрбиешінің іс-әрекеті
«Ғажайып қапшық» тапсырмасы
Тәрбиеші: Балалар, мына қапшықтың ішінде әртүрлі заттар бар. Соларды бір-бірден алып көріңдер. Олар неден жасалған?
Тәрбиеші: Дұрыс айтасыңдар. Енді ағаштан жасалған заты бар балалар бір топқа, темірден жасалған заты бар балалар бір топқа жиналыңдар.
Тәрбиеші: Темір мен ағаш бір-біріне ұқсай ма?
Тәрбиеші: Жарайсыңдар, балалар. Енді заттарды үстелге қойып, орындарымызға отырайық.
Ертегі арқылы түсіндіру
Тәрбиеші: Балалар, мен сендерге ағаш пен темір туралы ерекше ертегі айтып бергім келеді.
Ертеде екі дос өмір сүріпті: бірі — ағаш, екіншісі — темір. Екеуі өте тату болып, адамдарға көмектесіп жүріпті. Бір күні олар дауласып қалыпты: «Қайсымыз адамдарға көбірек керекпіз?» — деп таласыпты. Даудың шешімін табу үшін екеуі жолға шығыпты.
Алдарынан бір кедергі кездесіпті — өзен.