Қазақша рефераттар

Эхинококкоз ауруын тудырушы паразит

Оқу мақсаттары мен күтілетін нәтижелер

Бұл жоспар 7-сыныпта ішекқуыстылар тақырыбын меңгертуге бағытталған: құрылысын түсіндіру, табиғаттағы маңызын ашу және оқушылардың ойлау дағдыларын дамыту.

Мұғалім

Қайырбулатова Г. Б.

Білімділік мақсаты

Ішекқуысты жәндіктердің құрылысы, сан алуандығы, тіршілік жағдайы және олардың табиғаттағы әрі адам өміріндегі рөлі туралы түсінік қалыптастыру.

Дамытушылық мақсаты

Дүниетанымды кеңейту, логикалық және аналитикалық ойлау қабілетін дамыту.

Тәрбиелік мақсаты

Ішекқуыстылардың пайдасы мен зиянын және сақтану шараларын түсіндіру; әсемдікті сезінуге, табиғат үйлесімін сақтауға және қоршаған ортаға жауапкершілікпен қарауға тәрбиелеу.

Міндеттер

  • 1 Сабақ барысында алған ақпаратты өзгелермен бөлісуге үйрету.
  • 2 Топтық жұмыс арқылы бірін-бірі оқытуға және өзара бағалауға дағдыландыру.
  • 3 Өзгенің пікірін тыңдауға, сыйластық танытуға және мәдени қарым-қатынас жасауға үйрету.

Күтілетін нәтижелер

  • Суреттер бойынша жаңа сабақтың тақырыбын анықтай алады және ойын жинақы жеткізеді.
  • Мәтінмен танысқаннан кейін негізгі әрекеттерді іс жүзінде көрсете алады.
  • Тапқырлық пен ізденімпаздықты тиімді қолданады; табиғатты қорғау — ортақ міндет екенін ұғынады.

Сабақтың құрылымы: кезең-кезеңімен жоспар

Сабақ оқушылардың көңіл күйін қалыптастырудан басталып, үй тапсырмасын бекіту және ой қозғау сұрақтары арқылы жаңа тақырыпқа логикалық түрде ұласады.

I. Ұйымдастыру

Тексеру жұмыстары

  • Оқушылардың сабаққа қатысын тексеру
  • Сабақ құралдарының дайындығын тексеру

Мотивациялық тренинг (5 минут)

Оқушылар қол ұстасып, шеңберге тұрады. Мұғаліммен бірге өлең жолдарын қайталайды:

Қайырлы күн, жер-ана,

Қайырлы күн, көк аспан,

Қайырлы күн, балалар,

Қайырлы күн, мұғалім!

Мұғалім сұрақ қояды: «Қол ұстасып тұрған кезде нені сезіндіңдер?» Оқушылар: «Жылулық».

Кейін сол жылулықты бір-біріне тілек айту арқылы бөліседі (мысалы: «Мен саған бақыт тілеймін»).

Сыныпты топқа бөлу

Оқушыларға шелектен әртүрлі жеміс атаулары беріледі. Осылайша 4 топ құрылады. Әр топқа бағалау парағы таратылады.

«Лимон» «Банан» «Алма» «Алмұрт»

II. Үй тапсырмасын тексеру

Сыныпқа «Тазша бала» бейнесі арқылы хат әкелінеді. Хатта берілген тапсырмалар орындалады: біржасушалыларға тән ерекшеліктерді белгілеу және көрсету.

Кері байланыс

Әр топ бір-біріне сұрақ қояды

1-топ сұрақтары

  1. Қарапайымдылар типінің адам паразиттерін қай ғылым саласы зерттейді?

    Жауабы: протозоология

  2. Иесінің дене жамылғысының сыртында (тері, түк) тіршілік ететін паразит қалай аталады?

    Жауабы: эктопаразит

  3. Паразит ұзақ уақыт сақталатын ағзалар қалай аталады?

    Жауабы: резервуар

2-топ сұрақтары

  1. Көптеген паразиттердің таралуы үшін резервуарлардан басқа кімдер қажет?

    Жауабы: таратушылар

  2. Эхинококкоз ауруын тудыратын паразит?

    Жауабы: эхинококк

  3. Адамның паразиттік амебасын зерттеген ғалым?

    Жауабы: Гросс

3-топ сұрақтары

  1. Иесінің ішкі мүшелерінде тіршілік ететін паразиттер қалай аталады?

    Жауабы: эндопаразит

  2. Қарапайымдылар, гельминттер, жәндіктер әсерінен пайда болатын аурулар қалай аталады?

    Жауабы: инвазиялық

  3. Өмірінің тек аз ғана уақытын иесінің денесінде өткізетін паразиттер?

    Жауабы: уақытша паразит

4-топ сұрақтары

  1. Әртүрлі микроағзалардың әсерінен пайда болатын аурулар?

    Жауабы: инфекциялық

  2. Лямблияны ең алғаш бауырдағы өт өзегінен тапқан украин дәрігері?

    Жауабы: Лямбль Душан Федорович

  3. Амебаның ең жоғарғы шапшаңдығы?

    Жауабы: сағатына 1 см

«Бірге ойланайық!» бөлімі

Бұл бөлімде ой қозғайтын сұрақтар арқылы оқушылар өз пікірін дәлелдеп айтуға жаттығады.

1) Мектептегі бор туралы не білесіз?

Жауабы: Тақтаға жазатын бор теңіз қарапайымдыларының бақалшақтарынан түзілген шөгінді жыныстардан құралады.

2) Қарапайымдар неге қайнаған суда тіршілік ете алмайды?

Жауабы: Қайнаған суда еріген оттегі болмайды, ал көптеген қарапайымдыларға тыныс алу үшін оттегі қажет.

3) Жасыл эвглена қараңғыда да солай қоректене ала ма?

Жауабы: Жоқ. Ұзақ уақыт қараңғыда болғанда эвглена фотосинтез жасай алмайды да, еріген органикалық заттармен қоректенуге көшеді.

Тапсырмалар форматы

Топтық және жұптық жұмыс

  • Постер құрастыру және талқылау
  • «Біржасушалылар» және «көпжасушалылар» ұғымдарына толық сипаттама беру

Жоба жұмысы

Топтар өз идеяларын жинақтап, жобаны қорғау арқылы дәлелді сөйлеу және сыни ойлау дағдыларын дамытады.