Сәлеметсіздер мебалалар
Мақсаты
Балалардың денесін шынықтыру, денсаулығын нығайту және дұрыс өсіп-қалыптасуына ықпал ету. Қызықты әрі көңілді ойындар арқылы балалардың сабаққа деген қызығушылығын арттыру.
Құрал-жабдықтар
-
Құм салынған қалташа
-
Құрсау
-
Жалауша
-
Гимнастикалық орындық
-
Доға
Кіріспе көрініс
Балалар спорт киімін киіп, әуен ырғағымен спортзалға кіреді.
Жылы лебіз
Нұсқаушы: Сәлеметсіңдер ме, балалар! Сендерді көргеніме өте қуаныштымын. Бүгінгі саяхатымыз қызықты әрі көңілді өтеді деп ойлаймын. Келісесіңдер ме?
Көңілді ұран
Алақанды соғайық біз — 1, 2, 3
Аяғымыз тоқылдасын — 1, 2, 3
Денемізді тік ұстап,
Шынығуға дайынбыз!
Сюжеттік желі: “Спорт еліне саяхат”
Спорт елі туралы әңгіме
Нұсқаушы: Өзен, көл мен асқар тау-тастардың ар жағында бір ел бар. Оның аты — Спорт. Бүгін біз сол таңғажайып елге саяхатқа шығамыз.
Ол үшін сендер батыл әрі шыдамды болуларың керек. Келісесіңдер ме?
Кейіпкердің келуі: Жалқаубек
Жалқаубек (Шаттық): (Көңілсіз әуенмен ортаға шығады.) Ох! Ай! Ой-ой-ой! Не болды екен? Бүкіл денем ауырады. Маған не болды? Мықты денсаулығымды кім қайтарады?!
Есіме түсті: мен керемет балабақшаға бара жатыр едім ғой. О-о, міне балалар да келді. Сәлеметсіңдер ме, балалар!
Диалог: мәселені анықтау
Жүргізуші: Сәлем, Жалқаубек! Не болды? Неге көңілсізсің?
Жалқаубек: Білмеймін, бәрі ауырады. Не істерімді де білмей отырмын. Денсаулығымды қалай сақтап қаламын?
Шешім: Спорт ханшайымына жол
Нұсқаушы: Мен саған кім көмектесе алатынын білемін. Спорт ханшайымы денсаулығыңды нығайтуға көмектеседі.
Біз дәл қазір сол елге саяхатқа аттанғалы тұрмыз. Қаласаң, бізбен бірге жүр!
Жалқаубек: Келістім!
Жаттығулар мен қозғалыс түрлері
Жүру түрлері
- Жай жүріс
- Аяқ ұшымен жүру
- Өкшемен жүру
- Тізені жоғары көтеріп жүру
- Массаж төсеніштерімен жүру
Кедергілер арқылы қозғалу
- Судан аттап өту
- Тауға өрмелеп шығу
- Тастарды басып жүру
- Ирелеңдеп “жыланша” жүгіру
Тыныс алу жаттығуы
“Шарды үрлейік” — тынысты мұрынмен алып, ауаны баяу әрі бірқалыпты шығару.
Автор туралы
Ақтөбе облысы, Шалқар ауданы, №12 бөбекжай-бақшасының дене тәрбиесі нұсқаушысы:
Жумагүлова Мәншүк Амангелдіқызы