Теледидардан спорт хабарларын тамашалаймын
Сабақ тақырыбы
Теледидардан спорт хабарларын тамашалаймын. Сөз және оның мағынасы (2-сынып).
Сабақтың негізделген оқу мақсаттары
- Мәтіннің тақырыбы мен тірек сөздердің негізінде мәтін мазмұнын болжау.
- Синоним, антоним, омоним сөздерді (сөздікті қолдана отырып) ажырату, мағынасын түсіну және сөйлеу барысында қолдану.
- Бас әріп пен кіші әріптің биіктігі мен мөлшерін сақтап, әріптерді байланыстырып, көлбеу және таза жазу.
- Көптік жалғауларын дұрыс қолдану.
Күтілетін нәтиже
Оқушылардың барлығы
- Оқулықтағы және қосымша тапсырмаларды орындайды.
- Жазба жұмысын орындайды.
- Сұрақтарға жауап береді.
Оқушылардың көбісі
- Топтық жұмысты бірлесе орындайды.
- Өз бетінше жұмыс жасайды.
- Сұрақтарға жауап береді.
- Қосымша үлестірме ресурстармен жұмыс жасайды.
Оқушылардың кейбіреуі
- Оқулықтан тыс қосымша тапсырмаларды орындайды.
- Тақырып бойынша қосымша мәлімет пен дәлелдер келтіре алады.
Бағалау критерийлері
- Жеке, жұптық және топтық тапсырмаларды орындай алады.
- Сабақ барысында тыңдаушының назарын өзіне аудара алады.
Ресурстар
- Оқулық, суреттер.
- Топқа бөлуге арналған кеспе қағаздар және әртүрлі заттар.
- Топтық тапсырмалар, кері байланыс, стикерлер.
Әдіс-тәсілдер
- Сұрақ-жауап, әңгімелеу, түсіндіру.
- Ойын, көрнекілік.
- Рефлексия.
Сабақтың ұйымдастыру кезеңі
Оқушыларды бағалау парақшасымен таныстыру және топтарға бөлу.
Психологиялық ахуал қалыптастыру
«Аялы алақан»
Мақсаты: жылылықты, сенімділікті және еркіндікті дамыту.
Нұсқаулық:
- Қатысушылар шеңбер болып отырады.
- Оқушыларға: «Бүгінгі сабақтан не алғыңыз келеді, нені көргіңіз келеді?» деген сұрақ қойылып, жауаптары тыңдалады.
- Бастапқы қатысушы жанындағы көршісінің қолын ұстайды, тренинг шеңбер бойымен жалғасады.
- Тренинг соңында барлық қатысушы дөңгеленіп, қол ұстасып тұрады.