Ертегілер еліндегі ханшайымға
Мақсаты
- Оқушылардың ертегілер туралы білімін тереңдету; ертегілерді сахналау барысында кейіпкерлердің мінез-құлқын жеткізе білуге, сөз мәнерін сақтап, қимыл-қозғалыспен ойнауға үйрету.
- Оқушылардың адамгершілік қасиеттерін қалыптастырып, ойлауын және шығармашылық қабілетін дамыту.
- Ұқыптылыққа, жауапкершілікке тәрбиелеу; жақсыдан үйреніп, жаманнан жирене білуге баулу.
Көрнекілігі
- «Ертегілер еліне саяхат» плакаты
- Шарлар
- Ертегі кейіпкерлерінің суреттері
Барысы
Мұғалімнің сөзі
Құрметті қонақтар! Сіздер қазір мектебіміздің 2-сынып оқушыларының өнері мен білімін тамашалайсыздар. «Ертегі еліне саяхат» атты ертеңгілікке қош келдіңіздер!
(Сахнаға ертегі кейіпкері — Ханшайым шығады.)
Ханшайымның қарсы алуы
Сәлеметсіздер ме, құрметті қонақтар! Мен — ертегілер әлемінің ханшайымымын. Бүгін сіздермен жүздескеніме қуаныштымын!
Маған кеше бір үлкен хат келді. Сол хатпен сіздерді таныстырайын:
Хат
«Ертегілер еліндегі ханшайымға! Ханшайым, біз сізбен кездескіміз келеді. Сіздің ғажайып әлеміңізге барып, біліміміз бен өнерімізді көрсеткіміз келеді. Сіз қалай қарайсыз? Жауап күтеміз! 2 “А” сынып оқушылары.»
Мен оларға қарсы емес екенімді айтып, жауап хат жолдадым. Қазір менің әлеміме 2 “А” сынып оқушылары келе жатыр. Бәріміз бірге қарсы алайық!
Сәлеметсіңдер ме, балалар! Менің ғажайып әлеміме қош келдіңдер! Мен — ханшайыммын.
Жүргізушілердің таныстыруы
1-жүргізуші
Сәлеметсіз бе, ханшайым! Сәлеметсіздер ме, құрметті қонақтар! Бүгін сіздермен ғажайып ертегілер әлемінде қауышқанымызға қуаныштымыз!
2-жүргізуші
Ханшайым! Біз сіздің ғажайып ертегілер әлеміңізге құр келмедік. Тақпақтар айтып, жұмбақтар шешіп, оқыған ертегімізден сахналық қойылым көрсетуге дайындалып келдік.
Сұрақ-жауап: ертегі туралы түсінік
Ханшайым балаларға сұрақ қояды:
- Ертегіні жақсы көресіңдер ме?
- Ертегіні алғаш кімнен, қайдан естідіңдер?
- Өздерің ертегі туралы не білесіңдер?
1-оқушы
Балалар, ертегі деген шынымен-ақ ғажап емес пе? Осы күнге дейін ертегіні біреулерің ата-әжелеріңнен, енді біреулерің ата-аналарыңнан тыңдап, оқып, теледидардан көріп келесіңдер.
2-оқушы
Ертегі ерте заманнан бері адамзатпен бірге жасап келеді және мәңгі жасай бермек. Ұлы ақын-жазушылардың бәрі бала кезінде біз сияқты ертегі тыңдап өскен. Қазақ ертегілерін академик Мұхтар Әуезов үш топқа бөледі.
3-оқушы
Қиял-ғажайып ертегілер. Мұндай ертегілер ойдан, қиялдан туындайды.
4-оқушы
Жан-жануарлар туралы ертегілер. Мұндай ертегілердің желісі хайуанаттар бейнесі арқылы өрбиді.
5-оқушы
Шыншыл ертегілер. Мұндай ертегілер шынайы өмірге жақын әңгімелер негізінде құрылады.
6-оқушы
Ертегі ақылды әрі мейірімді болуға, өмір сүруді және достасуды үйретеді. Көп жағдайда «барлық іс ақылмен атқарылуы керек» деген ой айтылады.
7-оқушы
Ертегі кейіпкерлерінің іс-әрекеті арқылы адамның түрлі қасиеттері айқын көрінеді: қайырымдылық, батылдық, көмектесуге дайын болу, достық, қарапайымдылық, еңбекқорлық.
8-оқушы
Ал жағымсыз қасиеттер жалқаулық, қорқақтық, дөрекілік сияқты қылықтар арқылы көрсетіледі.
Ханшайым:
Балалар, сендер ертегі туралы көп біледі екенсіңдер. Өте тамаша!
Жұмбақтар бөлімі
1-жүргізуші
Ханшайым, Нұрила екеуміздің балаларға дайындап келген жұмбақтарымыз бар еді. Сол жұмбақтарды жасыруға рұқсат бересіз бе?
Ханшайым
Әрине! Жұмбақтарыңды жасыра қойыңдар, бәріміз бірге тыңдайық.
2-жүргізуші — жұмбақ
Қырда жүрер ол жортып,
Іні де жоқ — бармайтын.
Құйрығымен бұлтартып,
Қандай аң ол — алдайтын?
1-жүргізуші — жұмбақ
Сылдырдан қорқады,
Шошынып жортады.