Қазақша рефераттар

Кезең ережесі

Сайыс сценарийі 8–9–10 сынып Тәрбиелік бағыт

Кіріспе

Жүргізуші: Армысыздар, құрметті ұстаздар, оқушылар, ата-аналар және сайысқа қатысушы сыныптардың жанкүйерлері! «Жас Ұлан» ұйымының ұйымдастыруымен өтетін «Үлгілі сынып – мектеп тірегі» сыныпаралық байқауына қош келдіңіздер! Уақыт оздырмай, сайысымызды бастайық.

Қатысушылар

8-сынып намысын қорғайтын оқушылар.

Қатысушылар

9-сынып намысын қорғайтын оқушылар.

Қатысушылар

10-сынып намысын қорғайтын оқушылар.

Әділқазылар алқасы

Ендігі кезекте әділқазылар алқасымен танысайық:

  • Мектеп директорының тәрбие ісі жөніндегі орынбасары

    Аты-жөні көрсетіледі

  • Математика пәні мұғалімі

    Аты-жөні көрсетіледі

  • География және биология пәндерінің мұғалімі

    Аты-жөні көрсетіледі

Сайыс құрылымы және бағалау

Бүгін 8–9–10 сынып оқушылары жоғарыдағы кезеңдер бойынша сайысқа түседі. Әр кезеңнің нақты шарттары сайыс барысында хабарланады. Жеңімпаз сыныпқа «Жылдың үлгілі сыныбы» атағы беріледі.

1-кезең: «Сәлемі түзу сынып»

5 балл

Сыныптардың сәлемдесуін және өзін таныстыруын тамашалаймыз. Әр команда өз сыныбының ерекшелігін қысқа әрі нұсқа жеткізеді.

Жүргізуші: Олай болса, алғашқы сыныпты тамашалаңыздар. Ұпай саны анықталады.

2-кезең: «Біздің сынып – мектептің мақтанышы» (слайд)

5 балл

Бұл кезең үй тапсырмасы ретінде берілді. Ереже бойынша слайдты сынып атынан бір оқушы қорғайды. Уақыт мөлшері: 1–3 минут. Материал тақырыпты жан-жақты ашуы тиіс.

Жүргізуші: Ендеше, келесі сыныптың слайдын тамашалайық. Ұпай саны анықталады.

3-кезең: «Өнерлі өрендер сыныбы»

Бағалау: әділқазы шешімі

«Жігітке жеті өнер де аз», «Өнерді үйрен де, жирен» — халық даналығы өнердің қадірін айқындайды.

Ереже: сынып оқушылары кез келген жанрда ән немесе би өнерін ұсынады.

Жүргізуші: Олай болса, сыныптың өнерін тамашалайық. Ұпай саны анықталады.

4-кезең: «Көңілді тапқырлар сыныбы» (КВН)

5–8 минут

«Қайғың – қыс, жүзің – жаз, боласың көрсең мәз…» — көңілді тапқырлықпен алға басайық.

Ереже: «Мектеп әлемі» тақырыбында әзілге толы көрініс (КВН) құрастыру. Уақыт: 5–8 минут.

Жүргізуші: Олай болса, сыныптың әзілдерін тамашалайық. Ұпай саны анықталады.

5-кезең: «Шеберлер сыныбы» (қолөнер)

Таныстыру: 1 оқушы

Әр сынып өз қолымен жасаған қолөнер бұйымдарын ұсынады және жасалу жолын түсіндіреді. Бұл бөлімде де сынып атынан бір оқушы таныстырады.

Жүргізуші: Олай болса, сыныптың қолөнер бұйымдарын тамашалайық. Ұпай саны анықталады.

6-кезең: Ситуациялық сұрақтар

3 балл · 1 минут

Тақырып: ұстаз бен шәкірт арасындағы келеңсіз жағдайлар және оларды шешу жолдары. Ереже: сынып оқушылары ұсынылған сұрақтардың бірін таңдап, ситуацияға логикалық үш жауап береді. Ойлануға 1 минут уақыт беріледі. Бағалау 3 балдық жүйемен жүргізіледі.

Сұрақ 1

Сендердің сыныптарыңа қарама-қарсы кабинетте өздеріңнен жоғары сынып оқушылары оқиды. Сендердің сыныптарың шығарма жазып немесе тест тапсырып жатыр. Ал, қарсы кабинеттегі оқушылар қатты шулап отыр. Сол сәттегі іс-әрекеттерің қандай?

Үлгі жауаптар

  • Кабинет есігін жауып, жұмысымызды жалғастырамыз.
  • Мұғалімге хабарлаймыз.
  • Үлкен сыныпқа дөрекілік танытып, бұйрық раймен сөйлеспейміз.

Сұрақ 2

Сыныптастарыңның бірі пән мұғалімдерімен жиі келіспей қалады. Оның ойынша, мұғалімдер үнемі тек өзінен ғана сұрай береді. Сендер оның орнында болсаңдар не істер едіңдер?

Үлгі жауаптар

  • Ұстаздың сұрауы — білімді арттыруға мүмкіндік екенін түсінеміз.
  • Сыныптасымызға әр сабаққа тыңғылықты дайындалуға көмектесеміз.
  • Сабырлы, мәдениетті қарым-қатынас қалыптастыруды ұсынамыз.

Сұрақ 3

Сынып жетекшілерің — мектепке енді ғана келген жас маман. Тәжірибесі аз болғандықтан, жетекшілікке икемі әлі қалыптаспаған. Сендер оның сынып жетекшілігінен ауысқанын қалар ма едіңдер?

Үлгі жауаптар

  • Жетекшіміздің кемшілігін бетке баспай, қолдау көрсетеміз.
  • Жұмысын жеңілдетуге көмектесіп, қажет кезде жол көрсетеміз.
  • Тәрбие сағаттары мен ашық сабақтарда ашық пікірлесіп, ынтымақтастық орнатамыз.

Жүргізуші: Сыныптарға сәттілік! Ұпай саны анықталады.

Түйін ой

Леонардо да Винчи: «Өз ұстазынан асып түсуге талпынбаған шәкірт — бейшара».

Ұстазды құрметтеу — адамгершіліктің өлшемі. Қандай жағдай болмасын, мұғалімнің еңбегін бағалап, мәдениетті диалог құру — әр оқушының басты парызы.

Қорытынды және марапаттау

Құрметті әділқазылар және көрермендер, бүгінгі сайысымыз аяқталды. Қатысқан барлық сыныптарға алғысымыз шексіз! Жеңімпазға «Жылдың үлгілі сыныбы» атағы табысталады.

Жүргізуші: Келесі кездескенше, сау-саламат болыңыздар!