Қазақша рефераттар

Интеграл сөзін ойлап тапқан кім

Ашық сабақ 11-сынып Алгебра және анализ бастамалары

Сабақ форматы

Сабақ “ХХІ ғасыр көшбасшысы” зияткерлік ойыны форматында өтті. Тақырыбы: “Көрсеткіштік теңдеулер мен теңсіздіктерді шешу”. Ойын элементтері оқушылардың белсенді қатысуын арттырып, білімді жылдам әрі дәл қолдануға бағытталды.

Сабақтың мақсаты

Білімдік

Оқушылардың алған білімін пысықтау, жүйелеу және тексеру.

Тәрбиелік

Білімді есеп шығаруда қолдануға, өз бетінше жұмыс істеуге, шапшаңдыққа және жауапкершілікке тәрбиелеу. Жеке тұлғалық қасиеттерді дамыту.

Дамытушылық

Ойлау қабілетін дамыту, математикаға қызығушылықты арттыру.

Сипаттамасы

Сабақтың түрі
Білік пен дағдыны қалыптастыру сабағы
Сабақ әдісі
Ойын сабақ: “ХХІ ғасыр көшбасшысы”
Көрнекілігі
Оқулық, тақта, карточкалар, жұлдызшалар, жетондар.

Сабақ барысы (қысқаша)

  1. 1
    Ұйымдастыру кезеңі.
  2. 2
    Таныстыру: сабақтың түрі, мақсат-міндеттері және құрылымы (ойын төрт бөлімнен тұрады).
  3. 3
    Негізгі бөлім: “ХХІ ғасыр көшбасшысы” ойын сабақ.

Негізгі бөлім: ойын кезеңдері

1-бөлім: “Бәйге”

20 сұрақ

Үй тапсырмасы тексеріледі және өткен тақырыптар бойынша білім деңгейі анықталады. Алдын ала дайындалған 20 сұрақ қойылады: дұрыс жауап үшін 1 жұлдызша беріледі, ал жауап бірінші қол көтерген оқушыдан сұралады.

2-бөлім: “Көмбe”

таңдау кестесі

Интерактивті тақтада кесте көрсетіледі. Рұқсат алған оқушы сұрақ нөмірін таңдап, жауап береді. Егер тапсырма есеп түрінде болса, оны тақтада немесе дәптерде орындайды.

3-бөлім: “Дода”

жедел тест

Оқушылар “Жедел тест” орындайды: 10 сұрақтан тұратын, өте жылдам орындалатын тест тапсырмалары. Мақсат — жылдамдық пен дәлдікті қатар қалыптастыру.

4-бөлім: “Жорға”

1 минут / 20 сұрақ

Ең көп жұлдызша жинаған екі немесе үш оқушы іріктеледі. Олар бір минут ішінде 20 сұраққа жауап береді. Сұрақтардың викториналық болуы оқушы қызығушылығын арттырады.

“Жорға” кезеңіне арналған математикалық викторина

Төмендегі сұрақтар қысқа, қызықты және жылдам жауап беруге ыңғайлы форматта ұсынылады.

Сұрақ 1–5

  1. 1. Қазіргі қолданып жүрген цифрлар қай елден алынған? (Араб)
  2. 2. Нөлді енгізген кім және қай елдің оқымыстысы? (Архимед, Грекия, б.з.д. III ғ.)
  3. 3. Математика қай елден бастау алған? (Арабия – Үндістан)
  4. 4. Теріс сан ең алғаш қай елде қолданылды және мағынасы қандай? (Үндістан, “қарыз”)
  5. 5. Алгебра ең алғаш қай елде жарық көрді, оны жазған кім? (Арабия, Мұхаммед ибн Мұса әл-Хорезми)

Сұрақ 6–10

  1. 6. Ең алғаш sin²x + cos²x = 1 теңдеуін пайдаланған кім? (Ариабхата, Үндістан)
  2. 7. “Пропорция” қай тілден енген сөз және мағынасы қандай? (Латын, “тең бөлшек”)
  3. 8. Пифагор қайда және қашан туған? (Грекия, Самос аралы, б.з.д. V ғ.)
  4. 9. “Геометрия” қай тілден енген сөз және мағынасы қандай? (Грек, “жер өлшеу”)
  5. 10. a⁰ = 1 анықтамасын берген кім? (Неміс математигі Штифель)

Сұрақ 11–15

  1. 11. ЕҮОБ табу алгоритмін жасаған кім? (Евклид, “Бастамалар”)
  2. 12. Математикаға “алгебра” атауын енгізген кім және бұл атау қай сөзден шыққан? (Омар Хайям; “әл-жебр” — қалпына келтіру, “уал-муқатала” — қарсы қою)
  3. 13. Тәулікті 24 сағатқа бөлген кім? (Грек астрономы Птоломей)
  4. 14. Юлиан күнтізбесі бойынша бір жылдың ұзақтығы қандай? (365 күн 6 сағат)
  5. 15. Санды ең алғаш бөлшек түрінде жазып көрсеткен кім? (1202 ж., еуропалық ғалым Фибоначчи)

Сұрақ 16–20

  1. 16. “Алым”, “бөлім” атауларын енгізген математик кім? (XIII ғ., грек математигі Максим Плануд)
  2. 17. “+” (қосу) таңбасын енгізген кім? (Лейбниц)
  3. 18. Метрлік өлшеу жүйесі қай елде пайда болды? (Франция)
  4. 19. ∫ символын енгізген кім? (Лейбниц, 1675 ж.)
  5. 20. “Интеграл” сөзін енгізген кім және қашан? (Бернулли, 1690 ж.; латынша — “қалпына келтіру”, “орнына келтіру”)

Қорытынды: “Мәре”

Марапаттау

Жеңімпаз оқушы марапатталады.

Бағалау

Оқушылардың жұмысы қорытындыланып, бағаланады.

Үй тапсырмасы

§12, §13, §14 тақырыптарын қайталау.