Ньютон биномы
Сабақтың тақырыбы
Ньютон биномы.
Сабақтың мақсаты
Бұл сабақта оқушылар Ньютон биномының формуласын түсініп, биномдық коэффициенттердің мағынасын ашып, оны есеп шығаруда қолдануды үйренеді.
1
Білім берушілік мақсат
- (x + a)n түріндегі өрнекті n — кез келген натурал сан болғанда — екімүшені n дәрежеге шығару формуласымен таныстыру.
- Биномдық коэффициент ұғымын енгізу және Ньютон биномының қосылғыштарға жіктелу формуласы екенін дәлелдету.
- Ньютон биномының негізгі қасиеттерін меңгерту және бином формуласын қолданып есеп шығару дағдыларын қалыптастыру.
2
Дамытушылық мақсат
- Оқушылардың ықтималдық теориясы мен комбинаторика бойынша алған білімдерін кеңейту.
- Орналастыру, алмастыру және теру ұғымдарын есептерді шешуде тиімді қолдана білу дағдыларын дамыту.
3
Тәрбиелік мақсат
- Оқушылардың логикалық ойлау қабілетін жетілдіру және дәлелдеп сөйлеу мәдениетін қалыптастыру.
- Жауапкершілікке, еңбекқорлыққа, ізденіске және бір-біріне көмектесуге тәрбиелеу.