Қазақша рефераттар

Қызықты сұрақтар

Сабақ тақырыбы: «Бәрін білгім келеді»

Мақсаты

Сынып оқушыларының білімі мен алғырлығын пәндер бойынша викториналық сұрақтар арқылы анықтап, білімді, алғыр және үздік сыныпты айқындау.

Сабақ түрі мен тәсілдері

Түрі
Дәстүрлі емес, сайыс сабағы.
Әдіс-тәсілдер
Баяндау, талдау, сұрақ-жауап, интерактивті тақтамен жұмыс.
Көрнекілік
Интерактивті тақта, слайдтар.

Өту барысы

1) Ұйымдастыру кезеңі

Сәлеметсіздер ме, құрметті оқушылар мен қонақтар! «Бәрін білгім келеді» атты интеллектуалдық ойынымызға қош келдіңіздер!

Кіріспе сөз

К. Э. Циолковскийдің сөзімен бастағым келеді: «Мен адамға: өзіңе сен, сенің қолыңнан бәрі келеді!»

Ана тілі — қазағымның қаймағы,

Тілің — сенің өміріңнің айғағы.

Бүгін міне, тіл туралы сайысқа,

Әр сыныптың білгірлері шығады.

Әділ бағасын беретін қазылар алқасымен таныстырамыз (әділқазыларды таныстыру).

Енді сайысқа қатысатын топтар өздерін таныстырады.

Сайыс кезеңдері (ұпай бойынша)

1-кезең: Қызықты сұрақтар

10–60 ұпай

  1. 10 ұпай

    1-ден 100-ге дейінгі сандардың ішінде 9 саны қанша рет кездеседі?

    Жауабы: 10

  2. 20 ұпай

    Мысық пешке тығылса, не болады? (Ауа райына қатысты)

    Жауабы: Аяз болады

  3. 30 ұпай

    Қысты күні әтеш бір аяғын көтеріп тұрса…

    Жауабы: Аяз болады

  4. 40 ұпай

    Жарыс кезінде сіз екінші болып келе жатқан жүйрікті басып оздыңыз. Қазір нешінші орындасыз?

    Жауабы: Екінші орында

  5. 50 ұпай

    Мэридің әкесінің бес қызы бар: 1) Чача 2) Чече 3) Чичи 4) Чочо. Бесінші қызының аты кім?

    Жауабы: Мэри

  6. 60 ұпай

    1000 санына 40 қосыңыз. Тағы 1000 қосыңыз. 30 қосыңыз. Тағы 1000 қосыңыз. 20 қосыңыз. Тағы 1000 қосыңыз. Соңында 10 қосыңыз. Қандай сан шықты?

    Жауабы: 4100

2-кезең: Тұлғалар (қазақ тілі мен әдебиеті)

10–60 ұпай

  1. 10 ұпай

    Қазақстан Республикасы Әнұранының әнін жазған композитор кім?

    Жауабы: Ш. Қалдаяқов

  2. 20 ұпай

    ҰОС-қа қатысып, ерлікпен қаза тапқан шығыстың қос жұлдызы кімдер?

    Жауабы: Әлия мен Мәншүк

  3. 30 ұпай

    Мемлекеттік рәміздеріміздің бірі — көк туымыздың авторы кім?

    Жауабы: Шәкен Ниязбеков

  4. 40 ұпай

    Республика Қарулы Күштерінің Жоғарғы Бас қолбасшысы кім?

    Жауабы: Н. Назарбаев

  5. 50 ұпай

    «Жаздыгүн шілде болғанда, / Көкорай шалғын, бәйшешек...» өлеңінің авторы кім?

    Жауабы: А. Құнанбаев

  6. 60 ұпай

    Музыкалық сұрақ: мына әнді орындаған әнші кім?

    Жауабы: Р. Рымбаева

3-кезең: Салт-дәстүрлер

10–60 ұпай

  1. 10 ұпай

    «Базарлық» дегеніміз не?

    Жауабы: Алыс сапардан келген адам туыстарына, достарына, көршілеріне ірілі-ұсақты сыйлық әкеледі.

  2. 20 ұпай

    «Сыбаға» деген не?

    Жауабы: Сыйлы адамға тартылатын табақ

  3. 30 ұпай

    Жаңа туған нәрестенің ең алғаш киген киімі қалай аталады?

    Жауабы: Жаялық

  4. 40 ұпай

    «Тұсаукесер» қандай ғұрып?

    Жауабы: Сәби қаз тұрғаннан кейін тез жүріп кетсін деген тілекпен жасалатын ғұрып.

  5. 50 ұпай

    Наурыз көже неше түрлі дәмнен тұрады?

    Жауабы: 7

  6. 60 ұпай

    Сурет бойынша сұрақ: қандай салт-дәстүр орындалып жатыр?

    Жауабы: Беташар

4-кезең: Ақын-жазушылар

10–60 ұпай

  1. 10 ұпай

    «Кеңсің, дала — туған ана, / Көйлегің кең, көк ала…» — кімнің өлеңі?

    Жауабы: С. Сейфуллин

  2. 20 ұпай

    «Баланың айласы» шығармасының авторы кім?

    Жауабы: Ы. Алтынсарин

  3. 30 ұпай

    «Ой, балалар, балалар! / Жылы-жылы жел соқты, / Жылғалардан су ақты, / Қаңқыл-қаңқыл қаз кепті…» — өлеңнің авторы кім?

    Жауабы: І. Жансүгіров

  4. 40 ұпай

    М. Әуезовтің қандай шығармаларын білесіңдер?

    Мысал жауап: «Боран», «Әнек арманы»

  5. 50 ұпай

    «Күлпаш» әңгімесінің авторы кім?

    Жауабы: Б. Майлин

  6. 60 ұпай

    «Сансыз көкек сұңқылдап, / Көктем келді ертелеп…» — өлеңнің тақырыбы қалай аталады?

    Жауабы: «Көктем»

5-кезең: Жұмбақтар

10–60 ұпай

10 ұпай

Түнде жортады, жарықтан қорқады.

Жауабы: Жарқанат

20 ұпай

Бұл кім?

Жауабы: С. Сейфуллин

30 ұпай

Сиырдың пірі кім?

Жауабы: Зеңгі баба

40 ұпай

Жылдан құр қалған жануар қайсы?

Жауабы: Түйе

50 ұпай

Қазақстанның тұңғыш ғарышкері кім?

Жауабы: Т. Әубәкіров

60 ұпай

Кино үзіндісі бойынша сұрақ: негізгі мағынасы қандай?

Жауабы: Қайырымдылық

Қорытынды

Осымен сайыс кезеңдері аяқталды. Келесі сөз кезегі әділқазылар алқасына беріледі: қазылар шешім шығарып, жеңімпаз топты анықтайды.

Жеңімпаз топты жеңісімен құттықтаймыз! Келесі кездескенше, сау болыңыздар!