Босағалар туралы білімдерін бекіту

Ұйымдастырылған оқу іс-әрекеті

Босаға туралы білімдерін бекіту, босағаның үйде және ғимаратта орналасатынын түсіндіру.
Босағаға қатысты мақал-мәтелдердің мағынасын аша отырып, тыйым сөздер мен қазақы ырымды еске түсіру.
Қарындаштың қасиеттерін (ұстау, сызық жүргізу, бастыру) бекіту және ұқыпты жұмысқа баулу.

Балаларды үстелге отырғызғаннан кейін тәрбиеші тақтаға ілінген суретке назар аудартады.

Сұрақ-жауап

— Балалар, қараңдаршы, не көріп тұрмыз?

— Бұл әр үйде, әр ғимаратта болатын босаға.

Тәрбиеші босағаға қатысты тыйым сөздерді айтып, балаларға босағаны ұстауға болмайтынын түсіндіреді: бұл — әдепсіз қылық әрі жаман әдет.

Осы арқылы балалардың назарын шоғырландырып, босаға туралы білімін бекітеді.

Бүгін балалар алдарындағы ақ қағазда бейнеленген босағаның үстінен қарындашпен бастырып сызады. Тәрбиеші тақтада үлгі көрсетеді.

1 Төменнен жоғары қарай бірінші және екінші түзу сызықты жүргіземіз.
2 Екі сызықтың жоғарғы жағын бір түзу сызықпен қосып жабамыз.
3 Босаға дайын. Енді қарындашты оң қолға алып, қағаздағы сызықтың үстінен түзу, асықпай, қателеспей бастырып шығамыз.

Назар аударайық

Сызықты бірқалыпты жүргізу және қарындашты дұрыс ұстау — ұқыпты суреттің негізі.

Балалардың шаршауын басу үшін қысқа қимыл-қозғалыс жаттығуы орындалады.

Бала, бала, балақан, Кәне, қайсы алақан. Саусақтарың әйбат, Былай-былай ойнат.

Сабақ соңында балалардың суреттерінен шағын көрме ұйымдастырылады. Ұқыпты әрі әдемі салған балалар мадақталады.

«Допты қуып жет» ойыны балалармен сергіп, көңіл-күйді көтеру және шаршағанды басу мақсатында ойнатылады.