Қазақша рефераттар

Шығармашылық тапсырма

Сабақтың мақсаттары

Білімділік

  • «И» әрпінің жазылуын меңгерту.
  • Буын тақырыбымен байланыстыра түсіндіру.
  • Жаттығу жұмыстарын орындату.

Дамытушылық

  • Сөйлеу тілін дамыту, сөз мағынасын түсіне білуге үйрету.
  • Шапшаң ой қорытуға дағдыландыру.
  • Көркем әрі ұқыпты жазуға баулу, шығармашылық жұмыс жүргізу.

Тәрбиелік

  • Туған жер табиғатын сүйіп, құрметтей білетін тұлға тәрбиелеу.
  • Сымбатты, шымыр болуға, дұрыс әдеп-құлыққа баулу.
  • Қазақтың салт-дәстүрін құрметтеуге бағыттау.

Сабақтың барысы

I. Ұйымдастыру кезеңі

Мұғалім оқушылармен қысқаша әңгіме жүргізеді: қазір қай ай екені еске түсіріледі (күз айы, Рамазан айы, ораза айы). Рамазан айының қасиеті туралы айтылады: бұл айда адамдар жақсылық тілеп, садақа береді; жақсылықты көбейтіп, жамандықтан аулақ болудың маңызы түсіндіріледі.

Өткенді қайталау сұрақтары

  • Дыбыс дегеніміз не?
  • Әріп дегеніміз не?
  • Сөйлем аяқталғанда соңына қандай тыныс белгісі қойылады?
  • Сөйлем неден құралады?
  • Дыбыс нешеге бөлінеді?
  • Дауысты дыбыстарды кім атайды?

II. Жаңа сабақ: «И» әрпінің жазылуы

Сурет бойынша жұмыс

  1. Инелік, ай, жайма суреттері арқылы «И» және «Й» дыбыстарын айтқызу.
  2. «И», «Й» дыбыстарына қатысты ережені оқып, түсіндіру.
  3. Оқулықпен жұмыс ұйымдастыру.

Тақтамен жұмыс

73-жаттығу

Сөздерді көшіріп жазып, «И» әрпінің астын сызу: тиін, инелік, сиыр, киік.

Сергіту сәті

Жаттығу гимнастикасы.

74-жаттығу

Берілген сөздерді буынға бөліп, «жиек» сөзінің мағынасын түсіндіру:

Буынға бөлу

  • жи-ыр-ма
  • жи-на-лыс
  • и-не
  • би-ші
  • си-рек

Мағынасы

  • Дәптердің жиегі — дәптердің шетіндегі қызыл сызық.
  • Жолдың жиегі — жол бойындағы ағаштар өсіп тұратын жер.

75-жаттығу (жазбаша)

Өлеңді мәнерлеп оқыту. Екі сөйлемін дәптерге жаздыру.

«Жиен-ау, жиек қайда?»

Шығармашылық тапсырма: «Ұйқасын тап» ойыны

Ұйқасты толықтыр

  • 12 ай өтті — Жаңа жыл жетті.
  • Пирамида салар — оны таспен қалар.
  • Бәтеңкеңді ал да — қара майға майла.

Әріптерден сөз құра

А, И, Й, Т, С әріптерінен сөздер құрастыру: ай, сай, ти, ит, тай.

76-жаттығу (жазбаша)

Берілген сөздерден сөйлем құрастыру: биік, тәрбиеші, қиық.

77-жаттығу (жазбаша)

«Иір мүйіз» тіркесінің мағынасын түсіндіру.

78-жаттығу (жазбаша)

«Тиын» сөзінің екі мағынасына түсінік беру:

  • Тиын — ұсақ ақша.
  • Тиін — орман жануары.

III. Сабақты қорытындылау

Венн диаграммасы арқылы бүгінгі тақырып жинақталады. Оқушылар өз жауаптарын топтастырып, «И» мен «Й» дыбыстарының ерекшеліктерін салыстырады.

Талқылау сұрақтары

  • Бүгін сабақта не білдік?
  • «И» дыбысы қандай дыбыс?
  • «Й» дыбысы қандай дыбыс?

«И» дыбысы

  • Дауысты дыбыс, созылып айтылады.
  • Сөздің басында да, ортасында да, соңында да кездесуі мүмкін.

«Й» дыбысы

  • Дауыссыз дыбыс.
  • Көбіне дауысты дыбыстан кейін келеді.

IV. Бағалау

Оқушылардың және топтардың жұмысы белсенділігіне, жазу сауаттылығына және тапсырмаларды орындауына қарай бағаланады.

V. Үй тапсырмасы

79-жаттығу: орындау. Сонымен қатар ережені жаттау.