Математикалық тілі
Жалпы мақсат
Нақты сандардан алынған түбірлер және олардың қасиеттері туралы білімді тереңдету және жүйелеу, сондай-ақ осы қасиеттерді есеп шығаруда тиімді қолдануға үйрету. Есептеу дағдыларын дамыту, математикалық тілде сауатты сөйлеу қабілетін қалыптастыру, оқушының ой-өрісін кеңейту және өз әрекетіне жауапкершілікпен қарау дағдысын орнықтыру көзделеді.
Дамытушылық бағыт
Өздігінен қорытынды жасауға машықтандыру, сын тұрғысынан ойлауын жетілдіру, пәнге қызығушылығы мен белсенділігін арттыру.
Тәрбиелік бағыт
Сенімділікке, ұқыптылыққа, шапшаңдыққа және ұжымшылдыққа тәрбиелеу.
Міндеттер
- Алған білімін есептер шығаруда қолдана білуге үйрету.
- Оқушылардың білімін жүйелеу және бекіту.
- Тақырып бойынша ой қорытынды жасай білу дағдысын қалыптастыру.
- ҰБТ-да кездесетін есептерді шығаруда білімін қолдануға үйрету.
Мұғалім үшін оқу нәтижелері
Бағыт-бағдар
Оқу үдерісіне нақты мақсат қойып, оқушылардың жұмысын жүйелі түрде бағыттау.
Топтық жұмыс
Топта жұмыс істеу арқылы тақырыпты меңгерту және бірлескен нәтижеге жетелеу.
Өзін-өзі бағалау
Оқушыларға өзін және сыныптастарын бағалауға мүмкіндік беру.
Әдіс-тәсілдер
Сабақтың көрнекілігі
- Видеопроектор
- Тақырыпқа сай слайдтар
- Үлестірме парақтар
- Стикерлер
- Бағалау парағы
Күтілетін нәтиже
Практикалық дағды
Формулаларды есептеу жұмыстарында тиімді пайдалануды үйренеді.
Ой қорыту
Тақырып бойынша қорытынды жасап, өз ойын математикалық тілде жеткізе алады.
Сабақтың барысы: мұғалімнің іс-әрекеті
Ұйымдастыру кезеңі
Сәлемдесу: «Қайырлы күн, қымбатты балалар! Бүгін сендермен кезекті сабағымызда кездескеніме қуаныштымын. Сендерді шаттық шеңберіне шақырамын. Барлығымыз жақсы көңіл-күйде бір-бірімізге жылы тілегімізді айтайық!»
- Сыныпты санау арқылы топқа бөлу.
- Үй тапсырмасын тексеру.
- Бағалау парағымен таныстыру және үлестіру.