Қазақша рефераттар

Қайтар жолда тағы секіріп бару

Спорттық іс-шара жоспары

«Толағай» отбасылар сайысы

Бұл сайыс — ата-ана мен бала арасындағы спорт мәдениетін нығайтып, салауатты өмір салтын күнделікті дағдыға айналдыруға бағытталған көңілді әрі пайдалы жарыс. Іс-шара барысында қатысушылардың ептілігі, шапшаңдығы, ұйымшылдығы және өзара қолдауы сыналады.

Мақсаты

  • Салауатты өмір салтын қалыптастыру.
  • Ата-ана мен бала арасындағы спорттық мәдениетті кеңінен насихаттау.
  • Денені шынықтырудың маңызын түсіндіріп, тұрақты спортпен шұғылдануға ынталандыру.
  • Салауаттануды жан мен тән тазалығы, денсаулықтың жақсаруы ретінде ұғындырып, өмірлік ұстанымға айналдыру.

Өтетін орны

Спорт залы

Көрнекілігі

Түрлі-түсті шарлар, доптар, кедергілер, жалаушалар, секіртпелер, ысқырық, уақыт өлшеуіш.

Іс-шара құрылымы

I. Ұйымдастыру бөлімі

Қатысушыларды қарсы алу, таныстыру, ережелерді хабарлау.

II. Негізгі бөлім

8 кезеңнен тұратын отбасылық эстафеталар мен күш сынасу сайыстары.

Құттықтау сөз

Құрметті ұстаздар, ата-аналар, оқушылар! Бүгінгі «Толағай» отбасылар сайысына қош келдіңіздер!

Қазақстанның болашағы — дені сау, саналы, білімді, өрісі биік ұрпақ. Әрбір азамат үшін өз денсаулығын нығайтып, спортпен шұғылдану — маңызды міндеттердің бірі. Бүгінгі жарысымыз отбасылық бірлік пен жігерді арттырып, пайдалы әдеттерге бастайтын игі шара болсын!

Жүргізуші сөзі (өлең жолдары):

Әр таңды бақытпенен аттырамыз,

Өнерді ой көгінде бақылаңыз.

Сайысқа қатысуға енді ортаға,

«Толағайға» қатысатын отбасыларын шақырамыз!

Қарсы алу (өлең жолдары):

Ұстанған салауатты өмір салтын,

Жасқанып, ешқашан да мойымайтын,

Болашақ спортшылар келді ортаға —

Қол соғып қарсы алайық, қане, халқым!

(Әр отбасы өз орындарына келіп тұрып, өздерін таныстырады.)

Командалар

1-топ

____

2-топ

____

3-топ

____

Әділқазылар және бағалау

Құрметті халайық! Жарысымызға әділ баға беретін әділқазылар алқасымен танысайық.

Бағалау жүйесі

Сайыс кезеңдері 5 балдық жүйемен бағаланады.

Әділқазылар құрамы:

______________________________________________

Тәлімді тәрбие отбасынан басталады. Дені сау ұрпақ — ұлт болашағы. Бала өмірінде салауатты өмір салтын қалыптастыруда әке мен ананың рөлі айрықша.

Сайыс кезеңдері (8 кезең)

Құрметті қатысушылар, қонақтар және әділқазылар! Төменде сайысымыздың кезеңдері мен қысқаша шарттары берілген.

  1. 1-кезең: Таныстыру

    Ұран + таныстырылым

    Әр топ өзін таныстырып, ұранын айтады.

    «Жасұлан»

    Ұран: «Біз балауса жас ұлан, үлгі аламыз жақсыдан».

    «Қыран»

    Ұран: «Қыран құстай самғаймыз, жарыстан біз қалмаймыз!»

    «Барыс»

    Ұран: «Бәріміз біріміз үшін, біріміз бәріміз үшін».

    Әділқазылар 1-кезең бойынша бағаларын береді.

  2. 2-кезең: «Мұртты кенгуру»

    Эстафета + есеп

    Ойыншы қарындашты мұрнына қысып, жартылай отырып қарсы бетке өтеді. Берілген есепті шығарып, қайтар жолда жүгіріп келеді де келесі ойыншының алақанын соғып эстафетаны тапсырады.

    Қорытынды баға әділқазылар тарапынан жарияланады.

  3. 3-кезең: «Пингвин»

    Доппен жүру

    Допты аяқтың арасына қысып, кедергілер арасымен пингвин жүрісімен жүріп өтеді. Мәре сызығын айналып, қайтарда жүгіріп келіп, келесі ойыншыға эстафетаны береді.

    Қорытынды баға әділқазылар тарапынан жарияланады.

  4. 4-кезең: «Кім шапшаң?»

    Отбасылық үйлесім

    Анасы допты жерге ұрып, әкесіне жеткізеді. Әкесі допты шеңберге түсіруі керек (түсіргенше әрекет етеді). Одан кейін анасы допты алып баласына жүгіріп апарады. Бала допты қайтадан әкесіне жеткізеді.

    Қорытынды баға әділқазылар тарапынан жарияланады.

  5. 5-кезең: «Сафари»

    Қаппен секіру + дәлдік

    Қатысушы қаппен секіріп, кедергілерден өтеді де, себеттегі шарды шелекке лақтырады. Қайтар жолда да қаппен секіріп келіп, қапты келесі ойыншыға береді.

    Қорытынды баға әділқазылар тарапынан жарияланады.

  6. 6-кезең: «Футбаскет»

    Футбол + баскетбол элементтері

    Балалар: допты аяқпен теуіп, кедергілер арасымен өтеді; қайтарда жүгіріп келеді.

    Аналар: допты жерге ұрып (дриблинг), кедергілер арасымен өтеді; қайтарда жүгіріп келеді.

    Әкелер: допты аяқпен теуіп, кедергілер арасымен өтеді; қайтарда жүгіріп келеді.

    Қорытынды баға әділқазылар тарапынан жарияланады.

  7. 7-кезең: «Кім көп секіреді?»

    Секіртпемен эстафета

    Балалар секіртпемен секіріп келіп, секіртпені анасына береді. Аналар секіртпені кері айналдырып секіріп барып, әкесіне тапсырады. Әкелер секіртпені аяқ астынан өткізе отырып, мәреге дейін секіріп келеді.

    Қорытынды баға әділқазылар тарапынан жарияланады.

  8. 8-кезең: Арқан тарту

    Күш сынасу

    Әр отбасы өзара күш сынасады. Бұл кезеңде ұйымшылдық пен бірлескен әрекет шешуші рөл атқарады.

    Түйін (өлең жолдары):

    Жарыс заңы ежелден — жеңімпазды анықтау,

    Жеңімпаз болу шарты сол — еңбектену, жалықпау.

    Біреу озса сайыста, біреу артта қалады,

    Жеңілгендер ренжімей тарқаса — бізге жарады.

    Сайыс қорытындысы шығарылып, жеңімпаздарды марапаттау үшін сөз әділқазылар алқасына беріледі.

Қорытынды сөз

Уа, халқым, назар аудар денсаулыққа! Өмірде бақыттысың — денің сау болса. Денсаулық — терең бақыт екенін ұлы Абай данамыз да бекер айтпаған.

Құрметті қонақтар! Келгендеріңізге көп-көп рақмет!

«Толағай» әні орындалады.