Көпшілік байқай бермейтін ондай жақсы қасиеттер сіздің бойыңызда жетерлік

Махаббатта жолыңыз болмай жүр ме?
Қоғамнан өзі орныңды тауып, әйел бақытын, әке бақытын сезіне алмай, жалғыздықтың құрсауынан шыға алмай жүрген жандар тағдырдың жазғанына көнбеске амалы жоқ, алайда бұл туралы ойланбай жүруі мүмкін де емес, тіпті енді өмір соңына дейін осылай жалғаса беретіндей сезінеді. Қандай әрекет жасасаң да нәтижесіз, бір ер азаматты жолықтырғандай боласыз бірақ ол да сағымнан шыққан елестей болып, көп ұзамай жоғалады. Бәріне таныс оқиға. Егер сізді бұл тақырып толғандыратын болса, сізге сыртқы бейнеңізбен ішкі әлеміңізді түбегейлі өзгеруге тура келеді.

Әр адам өзін бағалауы керек.
Ең алдымен махаббатта неге жолыңыз болмай жүргенін зерттеп көрейік. Жолыңыздың болмай жүру себебі өзіңізді бағалай білмеуден болар. Экономика саласы мамандарының айтуынша тауардың құнына қарай, алымсағы - деген заңдылық бар.
Өзіңізді жоғары бағалай біліңіз. Әйел қол жетпестей биік болса, ер азаматты өзіне ынтықтыра түседі.
Егер өзіңізді төмен санасаңыз, сол баяғы жалғыз күйіңізде бұл өмірдің қаталдығына, тағдырыңызға налыған күйі отыра бересіз.

Сізде бәрі соншалықты жаман ба?
Біз айналамызға қалай қарасақ олар да бізге сондай көзқараспен қарайды. Сіз өз бойыңыздағы жақсы қасиеттерді санамалап көріңізші. Көпшілік байқай бермейтін ондай жақсы қасиеттер сіздің бойыңызда жетерлік.
Кейде өзіңізді тым толық деп есептейсіз. Артық салмақ әйтеуір көңіл - күйіңізді түсіреді де тұрады. Ал сіз оған мүлде басқаша қарап көріңіз. Сіз толық емессіз, оны әйелге тән нәзіктік деп түсініңіз. Бойыңыздың кемшіліктерін жасырып, әдемі етіп көрсететін киім үлгілерін таңдаңыз. Егер көйлегіңіз тамаша таңдалған болса ер - азаматтардың қай - қайсысы бұрылмай қалмасы анық. Сіздің қасыңызда қандай талдырмаш сұлу тұрса да ер азаматыңызды сізден тартып әкете алмайды. Беліңді талдырмаш етпесе де, иық пен бөксені бөліп тұрарлық іш киімдердің (корректирующее белье) түрі жетерлік соны пайдаланыңыз.
Киімдер мен қоса шаш үлгісін, макияж жасауды да өзгертіңіз. Тезірек нәтиже шығарамын десеңіз арнайы мамандарға барған жөн, олар сізге лайықтысын таңдай алады.

Өзіңізді қалай ұстайсыз?
Мұны ең бастысы деп атауға болады: неге менің махаббатта жолым болмайды? – деген сұрақ туындамас үшін, сіздің жүрегіңізді жаулаған ханзада танысуға келген сәтте: өз - өзіне сенімді, көңілді сонымен қоса қол жетпес аруды көруі керек.
Қарым - қатынаста қарапайым, ұстамды болыңыз. Өзіңіз жайлы аз айтыңыз, ол жайлы көбірек сұраңыз. Қимыл - әрекетіңіз баяу, байсалды болсын, дөрекі қылық көрсетпеңіз. Әңгіме - дүкен құру үстінде көзіне қараңыз, оның айтқан әңгімесінің тақырыбын түсінбесеңіз де басыңызды изеп отырған жөн. Кездесуден соң, сіздің шығарып салуына рұқсат беріңіз. Ешқашан бірінші болып телефон соғушы болмаңыз тіпті қалап тұрсаңыз да. Оған сіз ұнадыңыз ба, әлде жоқ па ойлануына мұрша беріңіз. Егер кездескен сәтте - ақ сіздің ұнатып қалғаныңызды сезіп қалса, сізге деген қызығушылығы басылып қалады. Ерлердің генетикалық жады әйелдерден әлдеқайда күшті болып келеді, ол өзін аңшы сезінеді еш қиындықсыз қақпанға түскен олжаның еш қызығы болмайды.

Есіңізде сақтаңыз, әр әйел өзінше сұлу, егер жоғарыда аталған кеңесімді ескерер болсаңыз, жақын аралықта үйлену той салонына барып, той көйлегін таңдауыңыз ғажап емес. Қасыңыздағы құрбыларыңыз тезірек тұрмысқа шығу үшін сізден ақыл-кеңес сұрап жүруі мүмкін. Қателікке бой ұрмаңыз. Іске сәт!

Дайындаған: Асыл