Желдеткішті күту ережелері
Модульдік жүйе бойынша сабақ жоспары
Пән атауы
Компьютерлік техниканы аппараттық қамтамасыз ету
Сабақтың тақырыбы
Желдеткіш (кулер) және оған қызмет көрсету
Сабақтың түрі
Теориялық сабақ
Мақсаты
- Жүйелік блок ішіндегі желдеткіш туралы мәлімет беру, желдеткіш түрлерімен және олардың міндеттерімен таныстыру; жүйелік блок ішіндегі құрылғылар туралы түсінікті кеңейту.
- Желдеткіш туралы алған білімді тәжірибеде қолдануға дағдыландыру, мамандыққа қызығушылықты арттыру.
- Техника қауіпсіздігі ережелерін сақтауға, компьютермен ұқыпты әрі таза жұмыс істеуге, жауапкершілік пен тиянақтылыққа тәрбиелеу.
Сабақтың міндеті
Жүйелік блоктың ішкі құрылғыларының бірі — желдеткіш туралы білім беру және білім алушылардың ой-өрісін кеңейту.
Күтілетін нәтиже
Білім алушылар желдеткіштің түрлері мен қызметін, маркаларын, негізгі параметрлерін және күтім жасау ережелерін біледі.
Әдістер мен ресурстар
Оқыту әдістері мен тәсілдері
- АКТ, СТО технологиялары
- Миға шабуыл, «Ойымды аяқта»
- Дәріс, сұрақ-жауап, ой-толқы, техникалық диктант
Қажетті құрал-жабдықтар
- Компьютер, интербелсенді тақта, бейнеролик, интернет желісі
- ТҚ қалқаны, алғашқы көмек көрсету бұрышы және т.б.
Қосымша әдебиет
Д. Ғабдуллаев. Есептеуіш техниканы жөндеу және техникалық қызмет көрсету, Фолиант, 2016.
Сабақ жоспарының мазмұны
1-кезең
Ұйымдастыру
Сәлемдесу, түгендеу, білім алушылардың назарын аудару (желдеткіш дыбысын қосу арқылы).
2-кезең
Үй тапсырмасын тексеру
- «Миға шабуыл» әдісі: экранда көрсетілген құрылғылардың қызметін айту.
- Электрондық оқулықпен жұмыс.
3-кезең
Негізгі кезеңге дайындау
Кабинеттегі тақырыпқа байланысты құрылғыларды көк түсті шармен белгілеп, сабақтың тақырыбын анықтау.
4-кезең
Жаңа білімді қалыптастыру
- Желдеткіш (кулер) және оның қызметі
- Желдеткіштің түрлері
- Желдеткіштердің бір-бірінен айырмашылықтары
- Желдеткішті күту ережелері
5-кезең
Алғашқы түсінікті тексеру
- Жеке жұмыс: тақырып бойынша алдын ала дайындалған білім алушыға сөз беру.
- Желдеткіш туралы бейнеролик көрсету.
6-кезең
Бекіту
Экрандағы сурет бойынша жүйелік блокта неше желдеткіш орналасқанын анықтау.
7-кезең
Білімді қолдану («Ойымды аяқта»)
Сатып алу кезінде
Мен желдеткішті сатып аларда мына параметрлерге көңіл бөлер едім: …
Тазарту үшін
Компьютерімдегі желдеткішті тазарту үшін маған мына заттар қажет: …
Қызып кетудің алдын алу
Компьютерді сағат сайын өшіріп, суытып тұру: …
Ноутбуктегі желдеткіш
Ноутбукте желдеткіш: …
Орнату кезінде
Желдеткішті орнату үшін маған мына май қажет: …
8-кезең
Жалпылау және жүйелеу
Желдеткіш туралы ой-пікірлерін тыңдау, негізгі қорытындыларды жүйелеу.
9–10-кезең
Бақылау және түзету (техникалық диктант)
Білімді бақылау және өзара бақылау үшін техникалық диктант орындалады. Кейін жіберілген қателер талданып, түсіндірме беріледі.
Диктант мәтіні (толықтыруға арналған)
Желдеткіш — … күшінің әсерінен айналып тұратын … механизм. Ол компьютердің ішкі құрылғыларын …, жүйелік блоктан немесе қоректену жүйесінен … ауаны шығару қызметін атқарады.
Желдеткіштің негізгі орналасу орындары: …, …, ….
Желдеткіштер бір-бірінен мына параметрлер арқылы ерекшеленеді: …, …, …, ….
11-кезең
Қорытындылау және рефлексия («Білім сатысы»)
1-саты
Мен … дұрыс түсінбедім.
2-саты
Мен … түсіндім, әлі де ізденемін.
3-саты
Мен … қолдана аламын.
Сабақтан алған әсерлерін стикерлер арқылы білдіру.
12-кезең
Үй тапсырмасы және бағалау
Үй тапсырмасын хабарлау, білім алушылардың жұмысын бағалау.
Талдықорған гуманитарлық техникалық колледжінің 1 санатты информатика пәнінің оқытушысы
Бюлюкеева Айнұр Маратқызы