Қазақша рефераттар

Суреттер топтамасын пайдаланып әңгіме құр

Сабақтың мақсаттары

Білімдік мақсат

Жүсіпбек Аймауытов туралы қысқаша мәлімет бере отырып, мәтінді түсініп оқуға, ойланып сөйлеуге, сұрақтарға толық жауап беруге және шығарманың мазмұны мен идеясын ашуға бағыттау.

Дамытушылық мақсат

Шығармашылық ойлауды, есте сақтау қабілетін дамыту; сөздік қор мен тіл байлығын арттыру; өз ойын қорытындылап айтуға, өз бетімен талдауға, зерттеуге және шығармашылық жұмыс орындауға мүмкіндік жасау.

Тәрбиелік мақсат

Мейірімділікке, кішіпейілділікке, адамгершілікке тәрбиелеу; топтық жұмыс арқылы ұжымдық еңбекке үйрету. Табиғатты, қоршаған әлемді және көркем әдебиеттегі адам сезімдерін түсінуге жағдай жасау.

Сабақтың барысы

I. Ұйымдастыру кезеңі

  1. Топқа бөлу: өрнек жазылған қағаздар таратылады. Өрнектерінің мәні бірдей оқушылар бір топқа бірігеді. Әр топ өз топбасшысын сайлайды.
  2. Топ ережесін құру: бірлесе жұмыс істеудің ортақ қағидалары белгіленеді.
  3. Бағалау жүйесі: әр топта бағалауды топбасшы жүргізеді. Әр тапсырма үшін әр түсті бағалау фигуралары беріледі.

II. Үй тапсырмасын тексеру

1-тапсырма: өлеңді жатқа айту.

Өткен тақырыпты еске түсіру: әр топ оқушылары постерге «не білдік?» деген сұрақ бойынша ойларын жазып, қорғап шығады.

Талқылауға арналған сұрақтар

  • Ы. Алтынсарин туралы не білеміз?
  • Ақын өзенді қалай суреттеген?
  • Адамдар суды неге құрметтейді?
  • Бұл ой өлеңнің қай шумағында айтылады?
  • Өзеннің қандай пайдасы бар? (өлеңге сүйеніп жауап бер)

III. Қызығушылықты ояту

2-тапсырма («Тірек сөздер» стратегиясы): тақтадағы тірек сөздерді қатыстырып әңгіме құрастыру. Сурет көрсетіліп, оқушылар сурет бойынша өз ойларын айтып, шағын мәтін жасайды.

Торғай Шырылдады Үні өзгеше Көмектестім

IV. Мақсат қою кезеңі

  1. Сабақтың тақырыбы мен мақсатын хабарлау, жаңа сабаққа даярлық.
  2. Суреттер топтамасын пайдаланып, әңгіме құрастыру.

Жүсіпбек Аймауытов туралы

Жүсіпбек Аймауытов (1889–1931) — қазақтың аса көрнекті жазушысы. Слайд арқылы автордың өмірі мен шығармашылығына қысқаша шолу жасалады.

Шығармаларынан мысалдар

  • «Шернияз»
  • «Ақбілек»
  • «Жаман тымақ»
  • Психология тақырыбындағы еңбектер, шығармалар жинақтары

Жаңа сабақ: мәтінмен жұмыс

3-тапсырма: оқулықпен жұмыс

Мәтін топтарға бөліп беріледі. Оқушылар өз бөлігін оқып, мазмұндайды және бөлімге ат қояды (мысалы: «Торғайдың шырылы», «Сұр жыланның арбауы», «Ақбілектің көмегі»).

1-топ: торғайдың жан ұшырып шырылдап жүрген тұсын мәтінге сүйеніп, өз сөзіңмен суретте.

2-топ: жерге түскен торғайдың халі қандай? Сипаттап айт.

3-топ: сұр жыланның күш көрсеткен жерін және торғайдың аспанға қалай көтерілгенін сипатта.

Сергіту сәті

Жұмбақ жасыру және соған ұқсас жұмбақты оқушылардың өздеріне құрастыру (слайд арқылы).

4-тапсырма: зерттеу және салыстыру

1-топ: бозторғай туралы мәлімет жинақтау.

2-топ: жылан туралы мәлімет жинақтау.

3-топ: Венн диаграммасы арқылы салыстырып сипаттау.

Қорытынды және рефлексия

Сұрақтар арқылы ой қорыту

  • Бүгін қандай тақырып өттік? Мәтін не туралы?
  • Ақбілектің орнында болсаң, сен не істер едің?
  • Осыған ұқсас оқиғаны өз басыңнан кешірдің бе?
  • Келешекте торғай жыланды көргенде не істейді деп ойлайсың?
  • Оқиғаны әрі қарай жалғастырып көр.

Шығармашылық жұмыс: «Кейіпкерге хат»

Әр оқушы мәтіндегі таңдаған кейіпкеріне хат жазады. Хатта кейіпкердің әрекетіне баға беріп, өз ұсынысын немесе тілегін білдіреді.

Үй тапсырмасы және бағалау

Үй тапсырмасы

  • Мәтінді оқу және мазмұндау.
  • Бозторғай мен жыланның тіршілігі туралы қосымша мәлімет іздеу.

Бағалау

Бағалау топбасшы арқылы жүргізіледі: әр тапсырма бойынша берілген бағалау фигуралары жинақталып, қорытынды баға шығарылады.