Қазақша рефераттар

Топтық сайыс сабақ

Сабақтың мақсаты

Білімділік

Оқушылардың ою-өрнек туралы түсінігін қалыптастыру және шеберлік дағдыларын дамыту.

Дамытушылық

Есте сақтау қабілетін дамыту, қолөнерге қызығушылығын арттыру.

Тәрбиелік

Шеберлікке, үнемділікке, тиянақтылыққа баулу; әсемдікті сезіне білуге, шебер адамдарды құрметтеп, еңбегін бағалауға тәрбиелеу.

Сабақ барысы

1) Ұйымдастыру кезеңі

2 минут
  • Оқушыларды түгелдеу.
  • Құрал-жабдықтарын тексеру.

2) Сайыс сабақты ұйымдастыру: топқа бөлу

—

Оқушылар 3 топқа бөлінеді. Әр топқа тапсырмалар жазу және орындау үшін ақ қағаз беріледі.

I) Ою-өрнек түрлерін атау

5 минут

«Қандай ою-өрнек түрлерін білесіңдер?» сұрағына әр топ өз жауаптарын жазады.

Мысалдар

Ботамойын, қошқармүйіз, түйемойын, бұғымүйіз, сынармүйіз, қармақ, бүршік, ирек, толқын, сынықмүйіз, қолтықша, арқармүйіз, құсқанаты, шырмауық, ғарыш сипаттағы өрнектер.

II) Түрлі-түсті қағаздан ою қиып, ақ қағазға жапсыру

5 минут

Әр топ түрлі-түсті қағаздан ою-өрнек қиып, дайын жұмысын ақ қағазға жапсырады.

III) Қиылған оюды матаға орналастырып тігу (көктеу)

15 минут

Әр топ өздері дайындаған қошқармүйіз оюын матаға орналастырып, уақытша көктеу тігісімен тігеді.

IV) Сұрақ-жауап

10 минут

I топ

  • Сұрақ: Қазақ халқы қандай оюды ерекше пайдаланады?
    Жауап: Қошқармүйіз.
  • Сұрақ: Симметрия дегеніміз не?
    Жауап: Бүктелген бөліктердің екеуі де дәл келуі — симметрия.
  • Сұрақ: Ою-өрнектер бұйымның қай бөліктеріне орналасады?
    Жауап: Алдыңғы өңір жиектеріне, жеңіне, етегіне және т.б.

II топ

  • Сұрақ: Қағазға оюды қандай тәсілдермен орындайды?
    Жауап: Бір бүктеу, екі бүктеу, үш бүктеу және одан әрі күрделенген тәсілдер.
  • Сұрақ: Ою-өрнекпен қандай бұйымдарды әшекейлейді?
    Жауап: Қоржын, түскиіз, текемет, жүкаяқ, кебеже және т.б.
  • Сұрақ: Бұйымға орналасқан оюды уақытша қандай тігіспен орындайды?
    Жауап: Көктеу тігісі.

III топ

  • Сұрақ: Ою-өрнек дегеніміз не?
    Жауап: Қазақтың «ою» және «өрнек» деген қос сөзі бірігіп, латынша «орнамент» ұғымын білдіреді.
  • Сұрақ: Қазақ ою-өрнек өнерінің негізі қандай өрнектер?
    Жауап: Мүйіз бейнелі айшықтар.
  • Сұрақ: Сәукелені кімдер киеді, оны немен әшекейлейді?
    Жауап: Сәукеле — қалыңдықтың бас киімі. Ол алтын, күміс, маржан тастармен әшекейленеді.

V) Қорытынды және бағалау

5 + 1 + 2 минут

Қорытынды

Оқушылар үйден дайындап келген ою жұмыстарын тапсырады.

Тапсырма

Ою-өрнекті күрделі тігу.

Бағалау

Бағалау парағы бойынша әр топтың жұмысын саралап, жеңіске жеткен топ анықталады.