Қапталдан ату - нысана қапталынан ату

Сабақ туралы мәлімет

Бұл сабақта ұрыстағы ату ұғымы, атыс түрлері және бөлімшенің атыс жүйесін ұйымдастыру қағидалары қарастырылады.

Тақырыбы

Ұрыстағы ату. Атыс жүйесі.

Уақыты және орны

Уақыты: 45 минут
Өткізілетін орны: АӘД кабинеті

Көрнекілік құралдар

АӘД оқулығы
Плакаттар

Сабақтың мақсаты

Оқыту мақсаты

Оқушыларды атыс жүйесімен таныстырып, атыспен маневр жасауды үйрету.

Дамытушылық

Шыдамдылық пен төзімділікті дамыту; іс-әрекеттің дұрыс орындалуын бақылау дағдыларын қалыптастыру; психологиялық тұрақтылықты нығайту; мергендікке баулу.

Тәрбиелік

Сабырлылық пен жауапкершілікке дағдыландыру; сыни көзқарасты қалыптастыру; елжандылыққа, қырағылыққа және тапқырлыққа тәрбиелеу.

Сабақтың барысы

1) Ұйымдастыру кезеңі

3 минут

Взвод командирі оқушыларды сапқа тұрғызады, оқытушыға рапорт береді. Амандасу жүргізіледі, түгендеу жасалады, оқушылардың сыртқы келбеті тексеріледі.

2) Өтілген тақырыпты сұрау

10 минут

Жаяу әскердің ұрыс машинасындағы мотоатқыштар бөлімшесінің құрамын атаңдар.
Жаяу әскердің ұрыс машинасының арналуы мен жабдықталуы туралы айтып беріңдер.
Мотоатқыш бөлімшесінің ұйымдастырылуы және оның қарулануы туралы түсіндіріңдер.

3) Негізгі бөлім: Ұрыстағы ату және атыс жүйесі

20 минут

Қарудың барлық түрлерінің ішінде ату ұрыста қарсыласты жоюдың негізгі құралы болып саналады. Мотоатқыш бөлімшелері қарсыласты жекелеген атыс құралдарынан ату арқылы немесе шоғырланған атыс арқылы жоя алады.

Негізгі ұғым: шоғырланған атыс

Шоғырланған атыс — бірнеше атыс құралдарынан қарсыластың бір маңызды нысанасына немесе жергілікті жердің шектеулі аймағындағы нысаналар тобына оқ жаудыру.

Атыс бағытына қарай ату түрлері

Жаппай ату

Нысананың маңдай шебіне перпендикуляр жүргізіледі. Терең эшелонданған, анық нысанаға атыс кезінде тиімді.

Қапталдан ату

Нысана қапталынан жүргізіледі. Көбіне қарсыластың шабуылдаушы жаяу әскеріне автомат пен пулеметтен оқ жаудыруда қолданылады.

Айқастыра ату

Бір нысанаға екі немесе одан да көп бағыттан жүргізіледі. Өте тиімді болып, қарсыласқа елеулі шығын келтіреді.

Бойлата ату

Белгілі бір бағытта жақын қашықтықтан, кенеттен, пулемет пен автоматтан жүргізілетін атыс.

Бөлімшенің атыс жүйесі қалай құрылады

Бөлімшенің атыс құралдары командирдің жоспарына сәйкес, жергілікті жердің сипаты мен мүмкіндіктерін ескере отырып қолданылады. Осы элементтердің жиынтығы атыс жүйесін құрайды: бөлімшенің маңдай шебі алдында, қапталдарда және көршілермен аралықта атудың барлық түрлерін жүргізу, сондай-ақ айнала қорғанысты қамтамасыз ету мүмкіндігі.

Тағайындалатын аймақтар

Бөлімшеге: атыс жолағы.
Бөлімшеге: атқылаудың қосымша секторы (оңға және солға).
Взводқа қосымша: шоғырланған атыс аймағы.

Секторлар мен үйлесімділік

Әр атыс құралына негізгі және қосымша сектор көрсетіледі.
Гранататқыштардың атыс жолағы да алдын ала дайындалады.
Көрші бөлімшелердің секторлары мен атыс жолақтары өзара бір-бірін жабуы тиіс.

Атыс жүйесінің дайындығы нені көрсетеді

Атыс жүйесінің дайындығы бекіністе атыс құралдарының дұрыс орналасуымен, атыс жүргізуге қажетті деректердің алдын ала дайындалуымен және оқ-дәрінің жеткілікті болуымен анықталады.