Баянды болсын тұғырың тәуелсіздік, Халайық құтты болсын ұлы тойың

1-айтыскер

Армысың, жанашырым, туған халқым,
Бармысың, айтысқа бел буған халқым.
Көркейтіп айтысында, өлеңінде,
Өмірін қайтадан бір құрған халқым.

Тілектес, уа халайық, мен бір ұлың,
Арналар бүгін сізге ән мен жырым.
Баянды болсын тұғырың, Тәуелсіздік,
Халайық, құтты болсын ұлы тойың!

2-айтыскер

Сөйле, тілім, алаңдама, тартынба,
Шындықты айтып, Шынболаттай жарқылда.
Жаңабайұлы Нұртуғаның мен болам,
Келіп тұрған ұлы өнерің — айтысқа.

Тәуелсіздік айналады жыр-әнім,
Қыран болып ұшатын мен ұланың.
Әділқазы, аманбысың, көрермен,
Ал, сөйлеші Абылайдай қыраның!

1-айтыскер

Ассалаумағалейкум бәріңізге,
Жиналған үлкен-кіші кәріңізге.
Көрерменмен амандасып алайын,
Мұндайда асып-сасып көргем жоқ.
Ұлымын Жантастың, Жандәулет атым.

2-айтыскер

Тәуелсіздік, тәуелсіздік — жыр-әнім,
Ел іргесі берік болсын ұраным.
Тәуелсіздік — өзіңді еркін сезіну,
Салт-дәстүрім — қолдан түспес құралым.

Тәуелсіздік — ар-ожданым, кісілік,
Адамға адам бауыр, жолдас, туыс бол.
Ел-жұртыңның құнын түсірме,
Бірлікті берік ұста — осы шындық.

1-айтыскер

Тәуелсіздік туралы айта кетсем,
Оңайлықпен келген жоқ — мұны білсең.
Ішінде болмасам да көп естідім:
Анамнан және де мұғалімнен.

Қайран елім тәуелсіздікті аңсап өткен,
Қорлыққа да шыдамаған, сарсаң еткен.
Мың тоғыз жүз сексен алты жылы,
Бұрқ еткен көтеріліс — сол себептен.

Өмірде дауыл тұрды аспанымда,
Тәуелсіздік үшін деп қалың жастар
Қара шаңды шұбыртты алаңында.

2-айтыскер

Тәуелсіздік — менің байтақ Отаным,
Бір өзіңсің Мұхтар, Абай, Шоқаның.
Тәуелсіздік — сәбилердің шаттығы,
Тәуелсіздік — атаның ақ батасы.

Тәуелсіздік — жыр-әнім,
Көк байрағым, елтаңба, әнұраным.
Атыңнан айналайын, Тәуелсіздік,
Қолда елімді қасиетті құраным!

1-айтыскер

Жандәулеттей жарқ етейін атыма сай,
Бұл төрде сөз сөйлеуге хақым бардай.
Нұртуған, ашылып бір сөйлесейші,
Түнеріп жауатын бұлтқа ұқсамай.

Ағайын, тәуелсіздік жай келген жоқ,
Желтоқсан ызғарынан мұз қатқан еді.
Құрбан боп бостандықтың жолында өткен,
Аташы Желтоқсанның боздақтарын.

2-айтыскер

Желтоқсанда ақиқатты іздедік,
Қорлығына бодандықтың төзбедік.
Басшы таппай, қазағымның бірінен,
Қане, айтшы, біз олардан кем бе едік?

Желтоқсанның мұзда жанды алауы,
Қолдарында ұсталған бір жалауы.
Ербол, Қайрат, Ләззат пен Сәбира —
Тәуелсіздік болған еді қалауы.

1-айтыскер

Желтоқсан — жас арудың жанарында,
Желтоқсан — қанды ғасыр табанында.
Желтоқсан жаңа ұғым бастатқанда,
Бүгінгі жас буынның санасында.

Отаным — Қазақстан, алтын бесік,
Мінеки, ұлы жолға түстік келіп.
Ағайын, бар тілерім бір Алладан:
Тұғыры мықты болсын Тәуелсіздік!

1-айтыскер

Армысыз, жиналған жұрт, барша қауым,
Иіліп сәлем беру — ата салтым.
8-сыныбынан келіп тұрмын,
Халқыма көрсетем деп дәстүр салтын.

Үкіледің-ай, үміт артып-ай,
Камалбек немересі Айжан боламын-ай.

Ақбаян, қарсыласым, амансың ба?
Сөздерің бүгін сенің маған сын ба?
Егер мен ұтып кетсем қазір сені,
Үйіңе бұлтаңдамай қайтасың ба?

Сыныптасым-ай, құрбы-досым-ай,
Сәттілік бүгін саған тіледім-ай.

2-айтыскер

Қызымын мен елімнің,
Гүлімін мен жерімнің.
Еркесі едім әкемнің,
Ән мен жыр — серігім.

Атым менің — Ақбаян,
Жетіден шыққан жақұт боп.
Жарқырап шықсам мен бүгін,
Бір Алла, өзің қолдап өт.

1-айтыскер

Дауылға Желтоқсанның желі айналды,
Ашуға мінді Алатау — кәрі, айбарлы.
«Күтпеген іс, ақыры не болар?» деп,
Күллі әлем Алматыға қарай қалды.

Желтоқсаным-ай, ызғарлысың-ай,
Алаңға талай жастар жиналғансың-ай.

Жастарым бодандыққа қарсы тұрдың,
Намыс пен ар-ожданды ту қылдың.
Аңсаған ата-бабам жолын қуып,
Тәуелсіз, егеменді ел болдық-ай.

Қайрат ағам-ай, Ләззат әпкем-ай,
Сәбира, Ерболдардан із қалды-ай.

2-айтыскер

Қарсыласым, құрдасым,
Кекіліңді күн қақсын.
Кешегі жаратылыстану апталығында
Нешінші орын алдың?

Қалып та қойдың бірінен,
Озып та кеттің біреуден.
Құттықтаймын бәріңді
Тәуелсіздік күнімен!

1-айтыскер

Қарсыласым, маған қояр кінәң қайсы?
Жетістік бар еді ғой бізде мұндай.
Екі жыл қайырымдылық акцияда
Мадақтау қағазын біз алғанбыз-ай.

Сұрақ қойдың-ай, жауап берем-ай,
Апталықта алғанбыз бірінші орын-ай.

2-айтыскер

Жібердік еркін ат басын,
Қиянат жанға батпасын.
Тоқырау таңын күйреттік,
Теңдіктің күні батпасын.

Желтоқсан айы, естесің,
Дауыл боп бұрқап ескенсің.
Азаттық күй қашаннан
Көкейін елдің тескенсің.

1-айтыскер

Қазағым — арлы халық, дана халық,
Жүрегі лүпілдеген бала халық.
Қонақжай, бауырмалдық қасиеті
Тұрады басқа ұлттан дараланып.

Дана халқым-ай, бала халқым-ай,
Тұрасың басқа ұлттан дараланып-ай.

Көрерменім-ай, көріскенше-ай,
Ағайын, құтты болсын мерекеңіз-ай!

2-айтыскер

Тарылып жатса даламыз,
Қайтіп біз тыныс аламыз?
Хақымыз жоқ айтуға —
Әділетті қайдан табамыз?

Бұрқ етті қазақ даласы,
Кеудеде өшіп наласы.
Алаңға қарай ағылды,
Таусылып барлық шарасы.

Қош бол енді, көрермен,
Қоштасармын сіздермен.
Тәуелсіздік — тұғырың
Мықты болсын, елім-ай!