Құрметті балабақшамызда талай жыл еңбек етіп зейнетке шыққан ардагер апалар
Мектепалды даярлық тобы
«Қарттарым – асыл қазынам!» атты мерекелік іс-шара сценарийі.
Мерекелік күндер
- 1-қазан — Қарттар күні
- 2-қазан — Ұстаздар күні
Құрмет иелері
Балабақшамызда ұзақ жыл еңбек етіп, зейнетке шыққан ардагер апалар және бала тәрбиесінде қажымай-талмай еңбек етіп жүрген қызметкерлер.
Іс-шараның мәні
Ыстық ықылас пен алғысты білдіру, құрмет көрсету, өнер арқылы көңіл сыйлау, ұрпақ сабақтастығын дәріптеу.
Жүргізушінің құттықтауы
Құрметті балабақшамызда талай жыл еңбек етіп, зейнетке шыққан ардагер апалар! Сіздерді 1-қазан — Қарттар күнімен және 2-қазан — Ұстаздар күнімен шын жүректен құттықтаймыз!
Сондай-ақ бала тәрбиесінде қажымай-талмай еңбек етіп жүрген балабақша қызметкерлеріне де ізгі тілек білдіреміз. Шаңырақтарыңызға шаттық, береке, бірлік, көңілдеріңізге қуаныш тілейміз.
Тұсаукесер сөз
Бүгінгі мерекелік іс-шарамыздың ашылу сөзін балабақшамыздың меңгерушісі Ү. Аширбекова апайға береміз.
Өнер бағдарламасы
Іс-шара барысында ән, би, күй және терме орындалып, мерекенің шырайын ашады. Төменде бағдарламаның негізгі бөлімдері берілген.
1) «Қарттарым» әні
«Қарттар жүрсін ортада, өткенді көрген шежіре. Аман-сау болсын әрқашан, сыйлаған бақыт біздерге…»
2) «Цыган» биі
«Немеренің бар қылығы сүйкімді, қуанышқа бөлер әркез қартыңды…»
3) Ардагерлерді құттықтау және марапаттау
Ардагер апаларды мерекелерімен құттықтап, марапаттау үшін сөз кәсіподақ төрайымы П. Әлібаеваға беріледі.
Рәсім
Құттықтау сөзі, алғыс білдіру, марапат табыстау.
4) Педагог мамандарды марапаттау
«Асыл жандар — тәрбиеші ұстаздар, шын шебер де өнерпаз тұлғалар…»
5) «Әнім сен едің» әні
«Бар тілегін арнаған балаларға, тәрбиеші ұстаздай пана бар ма?…»
6) «Би күйі» (домбыра)
«Қазағымның шежіресін шертіп, күй ойнатқан күмбірлетіп санаңа… қасиетіңнен айналайын домбыра!»
7) «Жылқышы» — қырғыз халық әні
Келесі кезекте ансамбльдің сүйемелдеуімен К. Алпысбаеваның орындауында қырғыз халық әні «Жылқышы» шырқалады.
8) Терме
«Термелетіп берейін, сөз маржанын терейін, қошеметке бөлейін көмекейдің көмейін…»
9) «Бала тілегі» әні
«Жайнаған қызғалдақтай қыр гүлімін, Кіші жүздің ішінде жиенеймін… Еркелеткен анамның бір қызымын…»
Қорытынды бөлім
Қорытынды сөз
Бүгінгі қос мерекеге арналған мерекелік іс-шарамызды аяқтай отырып, қорытынды сөзді балабақша меңгерушісіне береміз.
Бата-тілек
Сонымен бірге балабақшамыздың ардагер анасы Үрімхан ападан бата-тілек қабыл аламыз.