Қазақша рефераттар

Басқа жерге көшіру

Сабақтың тақырыбы

Paint графикалық редакторында үзінділермен орындалатын әрекеттер: үзіндіні жылжыту және көшіру, үзінділерді көбейту.

Сабақтың мақсаты

Оқушыларды графикалық редакторда сауатты жұмыс істеуге үйрету.

Сабақтың түрі

Аралас сабақ.

Білімділік

Үзіндіні белгілеу және онымен әртүрлі әрекеттер орындау: көшіру, жылжыту, жою.

Тәрбиелілік

Ұқыптылыққа, тиянақтылыққа, жауапкершілікке тәрбиелеу.

Дамытушылық

Ойлау қабілетін дамыту, логикалық және абстрактілі ойлауды жетілдіру.

Сабақта қолданылатын ресурстар

  • Көрнекі құралдар: интерактивті тақта, дербес компьютер, флипчарт, оқулық, жұмыс дәптері.

  • Пәнаралық байланыс: сызу, бейнелеу өнері.

  • Сабақтың әдісі: түсіндіру, баяндау және практикалық жұмыс.

Сабақтың құрылымы

  1. 1 Оқушыларды ұйымдастыру.
  2. 2 Үй тапсырмасын тексеру.
  3. 3 Жаңа тақырыпты түсіндіру.
  4. 4 Сабақты бекіту.
  5. 5 Практикалық тапсырмаларды орындау.
  6. 6 Үй тапсырмасын беру.
  7. 7 Бағалау.

Сабақтың барысы

I. Ұйымдастыру

Оқушылармен амандасу, көңіл күйін сұрау. Кезекшіні анықтау және сабаққа қатыспаған оқушыларды журналға белгілеу.

II. Үй тапсырмасын тексеру

Ойын: «Теңге ілу»

  1. 1 Бұл қандай құрал?
  2. 2 Компьютердің «миы» қалай аталады?
  3. 3 Ақпараттың қасиеттерін ата.
  4. 4 1 Кбайтта қанша байт бар?
  5. 5 Дискіні архивтеу дегеніміз не?
  6. 6 Принтердің неше түрі бар және олар қалай аталады?

Тапсырмалар

  • «Сәйкестігін табу» ойыны (ұғымдар мен анықтамаларды сәйкестендіру).
  • «Алтын тасты сұрақтар» және сөзжұмбақ арқылы қайталау.

Сөзжұмбақ сұрақтары

  1. «Ақпарат» сөзін латын тілінен аударғанда қандай мағына береді?
  2. Мынау қандай құрал?
  3. Компьютердің негізгі құрылғыларының бірі?
  4. Өте қарапайымдылығымен ерекшеленетін бағдарлама қайсы?
  5. Қандай да бір тілдің көмегімен ақпаратты ұсыну қалай аталады?
  6. Бұл қандай құрал?
  7. Стандартты бағдарламалардың бірі?
  8. Ақпаратты қағазға басып шығаратын құрылғы қалай аталады?

III. Жаңа тақырыпты түсіндіру

Үзінді — суреттің белгіленген бөлігі. Paint бағдарламасында үзіндіні алдымен белгілеп, кейін оған әртүрлі өңдеу әрекеттерін қолдануға болады.

Үзіндіні белгілеу құралдары

  • Белгілеу (выделение): төртбұрышты үзіндіні таңдайды.
  • Ерікті аймақты белгілеу: кез келген пішіндегі аймақты бөліп алуға мүмкіндік береді.

Үзінділермен орындалатын әрекеттер

  • Алмасу буферіне қиып алу.
  • Алмасу буферіне көшіру.
  • Басқа жерге апару (жылжыту).
  • Басқа жерге көшіру.
  • Сурет бойынша көбейту.
  • Пішіні мен өлшемін өзгерту.
  • Масштабын өзгерту, қисайту.
  • Төңкеру және бұру.
  • Түсін өзгерту.
  • Жою.

Үзіндіні көшіру және жылжыту

  1. 1) Үзіндіні белгілейміз.
  2. 2) Правка мәзірінен Копировать (көшіру) немесе Вырезать (қиып алу) командасын орындаймыз.
  3. 3) Правка → Вставить командасы арқылы үзіндіні жаңа орынға қоямыз.

Еске сақтайтын қысқа тізбек

Правка → Выделить → (Копировать/Вырезать) → Вставить

Маңызды айырмашылық

Көшіру бастапқы үзіндіні сақтайды, ал қиып алу оны орнынан алып, басқа жерге орналастыруға мүмкіндік береді.

Үзіндіні жою

  1. 1) Үзіндіні белгілейміз.
  2. 2) Правка → Очистить выделение командасын орындаймыз немесе Delete пернесін басамыз.

Үзіндіні көбейту

Үзіндіні көбейту — тышқан нұсқағышын жылжыта отырып, үзіндінің бірнеше көшірмесін тізбек түрінде жасау тәсілі.

  1. 1) Үзіндіні Правка → Выделить командасы арқылы белгілейміз.
  2. 2) Үзіндіні көшірмелер басталатын орынға апарып қоямыз.
  3. 3) Shift пернесін басып тұрып, үзіндіні тышқанмен жылжытамыз — осылайша бірнеше көшірме жасалады.

IV. Сабақты бекіту

Бүгінгі тақырыпты қорытындылау үшін алынған білімді практикада қолданамыз: оқулықтағы «Өзің орында!» тапсырмаларын орындаймыз.

V. Бағалау

Оқушылардың жауаптары мен практикалық жұмыстың орындалуына қарай бағалау жүргізіледі.

VI. Үй тапсырмасы

§ 25. Үзінділермен орындалатын әрекеттерді оқып келу.