Шармен ойын

Сабақтың тақырыбы: Мұрын және тыныс алу мүшелері
Сабақтың мақсаты: Балаларды тыныс алу мүшелерімен таныстыру. Адам ағзасына ауаның өту жолын көрсету. Мұрынның ағзаны сақтаудағы маңызына түсінік беру.

Сабақтың барысы: Жылулық шеңбері:
Түсі бар көрінбейтін,
Бір тұтас бөлінбейтін.
Тынысы ол тіршіліктің,
Ешқашан жерінбейтін (Ауа)
Ауасыз ешқандай жанды зат, өсімдік өмір сүре алмайды. Адам ұдайы ауамен демалады. Үйде, мектепте, ұйықтап жатқанда, ойнап жүрсе де. Тек қана адам ғана емес, жануарлар да, құстар да өсімдіктерде ауамен демалады. Ауа мұрын арқылы өтеді.
Мұрын:
- Сәлеметсіздер ме балалар. Мені таныдыңдар ма?
- Мені қалай атайды?
- Мұрын
- Мен сендерге не үшін керекпін
- Демалуға, иіс сезуге.
Мұғалім:
Ал балалар мұрын мен ауызымызды басып демалмай отырайықшы. Не күйде болдың?
- Ауа жетіспейді демалалмай қалдық.
- Демек, мұрын біздің өмірімізде маңызды роль атқарады екен.
Ауа мұрын арқылы өкпеге өтеді. Ауа мұрын арқылы тазаланып, сүзіліп өтеді. Ал ауызбен демалуға болмайды. Себебі ауыздан сүзілмеген ауа өкпеге өтсе, онда адам ауруға шалдығады. Енді балалар мұрынмен бірігіп “Иісін айыр” деген ойынды ойнап жіберейік.
Әртүрлі заттарды иісін иіскеу арқылы аттарын табу.
Демек мұрын арқылы біз дем аламыз, иіс сеземіз.
Мұрын:
Есіңе сақта!
Тәжірибе жасау: Балаларға жарғақ қапшықтарды таратып беріп, алдымен ауаны толтыру, кейін оны шығару тапсырылады.
Бұл біздің өкпеміз. Ол осылай жұмыс жасайды. Біз демді ішке алғанда ауаға толады, демді шығарғанда ол босайды.
Мұрынның тапсырмасын орындау.

Сергіту сәті:
Тұрады алшақ аяғым,
Керіледі көкірек.
Еркін тыныс аламын,
Санаймын:
Бір, екі.
Енді балалар демалуға арналған жаттығу жасаймыз. Шармен ойын:
“Шарды кім тез үрлейді”
Қорытындылау: Денің сау болып өсуі үшін, өз ағзаңды шынықтыр, күнде ертеңгілік жаттығу жаса, қыста жазда спортпен шұғылдан.