Қазақша рефераттар

Сабақтың мақсатын түсіндіру

11-сыныпқа арналған ағылшын тілі сабағының жоспары

Бөлім: Unit V. Inventions. Тақырыптық байланыс: Mass Media және Computer Mouse.

Сабақтың типі

Жаңа білімді меңгерту

Тәсілдер

Миға шабуыл, деңгейлік тапсырмалар, жұптық және топтық жұмыс

Сабақтың мақсаты мен күтілетін нәтиже

Сабақтың мақсаты

Бұқаралық ақпарат құралдарының түрлерімен таныстыру және олардың күнделікті өмірдегі маңызын түсіндіру.

Оқу нәтижесі

Оқушылар бұқаралық ақпарат түрлерін ажыратып, олардың рөлін түсіндіре алады.

Негізгі идеялар

  • Оқушылардың логикалық ойлау қабілетін дамыту.
  • Уақытты тиімді пайдалануға дағдыландыру.
  • Өздігінен білім алу және өзін-өзі реттеу дағдыларын қалыптастыру.

Түйінді идея

Бұқаралық ақпарат — жаңалық пен ақпараттың негізгі көздері.

Сабақ барысы

Ұйымдастыру кезеңі

3 минут
  • Амандасу, сыныпты түгендеу.
  • Психологиялық ахуал қалыптастыру: «Шаттық шеңбері», жылы лебіз айту.
  • Оқушылардың назарын сабаққа аудару, мақсат-міндеттерді қысқаша түсіндіру.

Ой қозғау (миға шабуыл)

2 минут

Интерактивті тақтадан бірнеше сурет көрсетіледі. Оқушылар суреттерге қарап, жаңа тақырыпты болжайды және алғашқы пікірлерін айтады.

Жаңа білім (білу): мәтінмен жұмыс

5 минут

Мұғалім бұқаралық ақпарат туралы қысқаша мәлімет береді, мәтін оқылады. Негізгі сұрақ: What is Mass Media?

Сәйкестендіру тапсырмасы

Тақырыпқа қатысты сөздерді анықтамаларымен сәйкестендіріңіз:

  • Television
  • Newspaper
  • Books
  • The Internet
  • Radio

Түсіну: сұрақ–жауап және жұптық жұмыс

2 минут

Мұғалімнің сұрағы: Which type of media do you like best?

Жұпқа тапсырма

  1. Оқушылар екі жұпқа бөлінеді.
  2. Әр жұп 3 сөйлем жазады, соның 1-еуі жалған болуы керек.
  3. Тапсырманы басқа жұпқа береді, олар жалған сөйлемді табады.

Қолдану: сұрақ–жауап

3 минут
  • How often do you usually watch TV?
  • What types of programmes are your favourite?

Талдау: топтық жұмыс

15 минут

Де Бононың «Алты ойлау қалпағы» (3 қалпақпен)

Тапсырма Six Thinking Hats әдісіне негізделеді. Бұл сабақта 3 қалпақ пайдаланылады:

  • Blue hat: бұқаралық ақпараттың артықшылықтары.
  • Black hat: бұқаралық ақпараттың кемшіліктері.
  • Red hat: бұқаралық ақпараттың түрлерін атау және мысал келтіру.

Деңгейлік тапсырмалар

A-level

Сөздердің орындарын ауыстырып, дұрыс сөз құраңыз:

  1. DIMEA
  2. ORDAI
  3. ELETISIVNO
  4. RETCMOUP

B-level

Сөз тіркестерін құрастырыңыз:

TV, Media, Mass, Channel, Computer, Technologies, IT, Studies

C-level

Берілген сөздермен сөйлем құраңыз:

Internet, Channel, Mass Media, Radio

Жинақтау: «Құпия зат» және «Сөздер банкісі»

10 минут

«Құпия зат»

Үш топқа бұқаралық ақпарат құралдарының суреттері беріледі. Әр топ суретке қатысты 4 маңызды сұрақ құрастырады. Сұрақтар «Ол кім?» немесе «Бұл не?» түрінде болмауы тиіс.

«Сөздер банкісі»

Оқушылар бүгінгі сабаққа қатысты негізгі сөздер мен сөз тіркестерін жазып, сыныптық «сөздер банкісін» толықтырады.

Бағалау: ашық сұрақтар

10 минут
  1. What role does the mass media play in your life?
  2. What can we learn from it?

Келесі тақырыппен байланыс: Inventions — Computer Mouse (үй тапсырмасы/қосымша материал ретінде жүктеу).