Ғажайып хаттар
Математика (2-сынып)
Сабақ тақырыбы
2 санын қосу және азайту
Сабақ түрі
Жаңа сабақ
Әдістер
- Сұрақ-жауап
- Түсіндіру
- Дәлелдеу
- Көрнекілік
Сабақтың мақсаты
Білімділік
Ондықтан аттайтын жағдайда 2-ні қосу және 2-ні азайту тәсілдерімен таныстыру. 2-ні қосу және азайтудың кестелік жағдайларын екі амалдан тұратын өрнектермен, теңдеулермен және есептеулермен байланыстырып, әртүрлі іс-әрекет барысында қолдануға машықтандыру.
Тәрбиелік
Оқушыларды білімге ұмтылуға, адамгершілікке және жолдастық қарым-қатынасқа тәрбиелеу.
Дамытушылық
Екі амалмен шығарылатын есептерді енгізуге дайындық жасау. Ондықтан аттап қосу мен азайтудың тәсілдерін қарастыру дағдыларын дамыту.
Көрнекіліктер
- Электронды оқулық
- Интербелсенді тақта
- Қосу кестесі
- Үлестірмелі дидактикалық материалдар
Сабақтың барысы
1) Ұйымдастыру кезеңі
Психологиялық дайындық: оқушылардың көңіл күйін көтеріп, сабаққа назарын шоғырландыру.
Жұмбақ есеп
Төрт қаз ұшып барады,
Биіктен төмен қарады.
Аяқ нешеу, бас нешеу,
Жауабын кім табады?
2) Білімді жан-жақты тексеру
- Үй тапсырмасын дәптерден тексеру.
- Дәптерлерді жинап алу.
3) Жаңа сабақ
Дайындық кезеңі: 2-нің қосу кестесін еске түсіру.
Электронды оқулықпен жұмыс
Қосу және азайтуға арналған үлгілерді интерактивті түрде талдау.
Тақтамен жұмыс
Түсіндіру әдісі арқылы санға 2-ні қосудың ауызша және кестелік тәсілдерін меңгерту.
Мысал
9 + 2 = (9 + 1) + 1 = 11
11 − 2 = (11 − 1) − 1 = 9
Кестемен жұмыс
Қосу кестесін пайдаланып, 2-ні қосу және азайту нәтижелерін жылдам табу.
Оқулықпен жұмыс
Тапсырмалар арқылы білімді бекіту және талдау.
1-слайд
«Ғажайып хаттар» тапсырмасы
Бүгін сынып поштасына бірнеше хат келді. Алдымен қызыл конвертті ашып, тапсырманы оқимыз. Хат 2А сыныбынан келді: оқулықтағы 2-есепті орындау.
- Есептің мәтінін оқып, шартын құру.
- Шешуін біртіндеп тақтада орындау.
- Нәтижесін сыныппен талқылау.
Есеп 1
Шарты:
Қайың — 20
Жөке — 16
Барлығы — ?
Шешуі:
20 + 16 = 36
Жауабы: барлығы 36 ағаш.
Есеп 2
Шарты:
Жөке — 16
Барлығы — 36
Қайың — ?
Шешуі:
36 − 16 = 20
Жауабы: қайың 20.
Талқылау сұрақтары:
- Бұл есептерге не ортақ?
- Бұлар кері есептер ме?
- Екінші есеп бірінші есептің жалғасы бола ала ма?
2-слайд
Өздік жұмыс: «Сәйкестендір»
Енді сары конвертті ашыңдар. Хат 2Ә сыныбынан: жүк машинасындағы өрнектердің мәнін тауып, нәтижені қапшықтағы сандармен сәйкестендіріңдер.
Өрнектер
- 1 + (1 + 9)
- 2 + (10 − 1)
- (11 − 1) − 8
- (11 − 2) − 7
Сәйкестендіретін сандар
Әр өрнектің мәнін есептеп, тиісті санды таңдаңдар.
Нұсқау
Алдымен жақша ішіндегі амалды орындап, содан кейін қосу немесе азайтуды аяқтаңдар.
3-слайд
Сергіту сәті
Домбыра, ат, қоян, аю, машина, ұшақ суреттері көрсетіледі. Оқушыларға таныс заттардың қимылын музыка ырғағымен көрсету ұсынылады.
4-слайд
«Кім жүйрік?» тапсырмасы
Үлестірмелі парақшалармен жұмыс: төмендегі өрнектерді бір-бірден жазып таратып, оқушыларға тез әрі дұрыс орындау тапсырылады.
Қосу
Азайту
5-слайд
Әріпті өрнектің мәнін тап
Дәптермен жұмыс. Оқулықтағы 4-тапсырма: a және 2 санының қосындысын тап, мұндағы a = 30, 57, 9.
a = 30
a + 2 = 30 + 2
a = 57
a + 2 = 57 + 2
a = 9
a + 2 = 9 + 2