Армысың асыл күн

Қысқа мерзімді жоспар (Қазақ тілі, 2-сынып)

Тақырып: Түбір мен қосымша Сынып: 2 Формат: ҚМЖ

Бұл сабақ жоспары оқушылардың түбір мен қосымша туралы білімін өздігінен жаттығу орындау арқылы тереңдетуге, есте сақтау қабілетін қалыптастыруға және сөздік қорын дамытуға бағытталған. Сонымен қатар, алған білімін өмірде қолдану дағдыларын нығайтып, топтық жұмысты жандандыру көзделеді. Оқушыларды адамгершілікке және ұқыптылыққа тәрбиелеу де сабақтың маңызды құрамдас бөлігі.

Сабақтың мақсаты

Білімдік: түбір мен қосымша туралы білімдерін өздігінен жаттығулар орындау арқылы дамыту.
Дамытушылық: есте сақтау қабілеттерін қалыптастыру, тілін және сөздік қорын дамыту.
Қолданбалы: алған білімдерін өмірде қолдана алу дағдыларын қалыптастыру, топтық жұмысты жандандыру.
Тәрбиелік: адамгершілікке, ұқыптылыққа тәрбиелеу.

Қолданылған модульдер

Оқыту мен оқудағы жаңа тәсілдер

Сыни тұрғыдан ойлауға үйрету

Оқыту үшін бағалау және оқуды бағалау

АКТ пайдалану (ақпараттық-коммуникациялық технологиялар)

Талантты және дарынды балаларды оқыту

Жас ерекшеліктеріне сәйкес оқыту және оқу

Оқытуды басқару және көшбасшылық

Сабақтың әдіс-тәсілдері

Жүректен жүрекке Блум таксономиясы Сыни тұрғысынан ойлау стратегиялары Сәйкестендіру Шынжыр Өрмекші торы

Сабақ барысы

I. Кіріспе

3 минут

Ынтымақтастық атмосферасын қалыптастыру

Оқушылар шеңберге тұрып, төмендегі өлең жолдарын айтады. Содан кейін «Жүректен жүрекке» тренингі жүргізіледі.

Армысың, асыл күн!
Армысың, асыл жан!
Армысың, көк аспан!
Армысың, жан досым!

II. Тұсаукесер

5 минут

Топқа бөліну

Оқушылар бірлесе жұмыс істеу үшін топтарға бөлінеді. Топ атаулары:

Қыран Шуақ Тұлпар

«Өрмекші торы» әдісі арқылы өткенді еске түсіру

Өткен тақырыптарды еске түсіру және сыныптың білім деңгейін анықтау үшін төмендегі сұрақтар қойылады:

Сөз неден құралады?
Сөзден не құраймыз?
Түбір деген не?
Қосымша деген не?
Түбір сөзге мысал келтір.
Түбір мен қосымшаға қатысты тапсырманы орында.