Мамытбек Қалдыбаев жазған Еліктің лағы
Әдебиеттік оқу • 2-сынып
Сабақтың тақырыбы: «Сүп-сүйкімді лағым. Еліктің лағы» (әңгіме)
Автор: М. Қалдыбаев
Оқу мақсаттары
- 2.1.1.1 — шығарманың мазмұны бойынша сұрақтарға жауап беру.
- 2.2.2.1 — мұғалім көмегімен қарапайым және нақтылау сұрақтарын қою, жауабын шығармадан таба білу.
- 2.3.4.1 — мұғалімнің көмегімен орфографиялық, пунктуациялық және стилистикалық қателерді табу және түзету.
Сабақтың мақсаттары
Барлық оқушылар
- Тақырыпты меңгереді.
- Оқулықтағы және қосымша тапсырмаларды орындайды.
- Жазба жұмысын орындайды.
- Сұрақтарға жауап береді.
Көптеген оқушылар
- Тақырып мазмұнын әңгімелеп бере алады.
- Топтық жұмысты бірлесе орындайды.
- Өз бетінше жұмыс жасайды.
- Қосымша үлестірме ресурстармен жұмыс істейді.
Кейбір оқушылар
- Оқулықтан тыс қосымша тапсырмаларды орындайды.
- Тақырып бойынша қосымша мәліметтер келтіріп, дәлелдей алады.
Бағалау критерийлері
- Жеке, жұптық және топтық тапсырмаларды орындай алады.
- Сабақ барысында тыңдаушының назарын өзіне аудара алады.
Тілдік және құндылықтық бағдар
Тілдік мақсат: жануарлар әлемі тақырыбы бойынша сөздік қорды дамыту.
«Мәңгілік Ел» құндылықтары: «Біздің Отанымыз бар — ол Тәуелсіз Қазақстан».
Ойлау дағдылары: білу, түсіну, қолдану, жинақтау, бағалау.
Пәнаралық байланыс, әдіс-тәсілдер және ресурстар
Пәнаралық байланыс
Өзін-өзі тану, қазақ тілі.
Әдіс-тәсілдер
- Сұрақ-жауап
- Әңгімелеу
- Түсіндіру
- Ойын
- Көрнекілік
- Рефлексия
Ресурстар
- Оқулық
- Суреттер
- Автордың портреті
- Үлестірме парақшалар
- АКТ
- Смайликтер
Алдыңғы білім
Оқушылар жануарларды өз ойларымен сипаттап, суреттей алады.
Сабақтың барысы
Сабақтың басы: ынтымақтастық атмосферасын қалыптастыру
Шаттық шеңбері (өлең)
Сәттілік біздер тілейік,
Мен саған, сен маған.
Күндей күліп жүрейік,
Күннің нұрын төгейік.
Ұйымдастыру
- Топтарға бөлу.
- Бағалау парақшаларымен таныстыру.
Білу және түсіну: ой шақыру
Оқушылар оқулықтағы негізгі тақырыппен танысады. Мұғалім жетекші сұрақтар арқылы талқылауды бастайды.
Сұрақтар
- Жануарлардың қандай түрлерін білесіңдер?
- Орманда мекендейтін қандай жануарларды атай аласыңдар?
- Суретке қарап, нені көріп тұрсыңдар?
- Бұл — лақ. Ол ненің лағы?
- Еліктің лағы қайда мекендейді?
Қызығушылық ояту: «Кім жылдам?»
Оқушылар жаңылтпашты 1 минут ішінде жаттап, жарыса айтады.
Мақсаты: дикцияны дамыту, назар мен шапшаңдықты арттыру.
Сабақтың ортасы: бейнематериал және оқылым
Бейнеролик
Еліктің лағы туралы (немесе еліктер туралы) қысқа видео көрсету.
Оқылым
Бүгінгі тақырып: Мамытбек Қалдыбаев жазған «Еліктің лағы».
Автор туралы
М. Қалдыбаев — қазақтың көрнекті жазушысы, балаларға арналған көптеген шығармалардың авторы. Танымал шығармаларының қатарында «Үлек», «Уәде» және т.б. бар.
Мәтінді оқу
- Мәтінді мұғалім мәнерлеп оқиды.
- Оқушылар мәтінді тізбектей оқиды.
Сөздік жұмыс
- Шоқы
- — тік, биік төбе.
- Нысана
- — көздеп ататын жер.
- Қарауыл
- — күзет.
Қолдану: мәтінмен жұмыс («Кім мықты?»)
Әр топ қарсы топқа сұрақ қояды. Жауапты мәтіннен тауып, дәлелдеп оқиды.
1-топ
Мәтіннен аңшының сыртқы бейнесі сипатталған тұсын тауып, мәнерлеп оқыңдар.
2-топ
Мәтінге сүйеніп, аңшының көңіл күйін сипаттаңдар.
3-топ
Аңшы елікті неліктен атпады? Дәлелдер келтіріңдер.
Мектеп және мұғалім туралы мәлімет
Өңір: ОҚО, Шымкент қаласы
Мектеп: А. Назарбеков атындағы №87 жалпы орта мектеп
Мұғалім: Әжен Эльмира
Тақырып: «Сүп-сүйкімді лағым. Еліктің лағы» (М. Қалдыбаев)