Наурыз қандай мейрам
2-сынып • Әдебиеттік оқу
Сабақ тақырыбы: Наурыздағы тілек
Ұлыстың ұлы күні — Наурыз мерекесінің мәнін түсіндіру және Наурыздағы ақ тілектің мағына-маңызын танытуға арналған сабақ жоспары.
Сілтеме
- Білім стандарты, пән бағдарламасы
- «Әдебиеттік оқу», 2-сынып (Алматы: «Атамұра», 2013)
- Авторлары: Б. Қабатай, С. Рахметова
Дереккөздер
- Интернет материалдары, сайттар, ресурстар
- Суреттер
- Наурыз батаға арналған бейнебаян
Жалпы мақсаты
Оқушылардың Наурыз мерекесі туралы түсінігін қалыптастыру, Наурыздағы тілектің (бата, ақ тілек) мән-мағынасын таныту.
Күтілетін нәтиже
- Наурыз — Ұлыстың ұлы күні туралы түсінігі қалыптасады.
- Шағын топтарда жұмыс істеу арқылы бірін-бірі оқыту дағдысы дамиды.
- Тапсырмаларды орындауда өмірлік тәжірибесіне және білім қорына сүйенеді.
- Өз бетінше білім алу қабілеті қалыптасады.
- Сыни ойлау арқылы терең түсіну және талдау қабілеті дамиды.
Негізгі идеялар
- Шыншылдыққа, әділдікке, турашылдыққа тәрбиелеу
- Сөз өнерінің қадірін ұғындыру, бата мен ақ тілектің құндылығын таныту
Бағалау
Бағалау тәсілі алдын ала түсіндіріледі: оқушылар 5 күлтесі бар гүл салып, әр кезеңде өзін-өзі және өзара бағалап отырады.
Сабақ барысы
I. Ұйымдастыру
4 минут
- Ынтымақтастық атмосферасын орнату: шеңберге тұрып, «Жылы лебіз» тренингін өткізу.
- Бағалау критерийлері мен тәсілін қысқаша түсіндіру.
II. Үй тапсырмасын тексеру
Нұрқасым Қазыбековтің «Наурыз көже» мәтіні бойынша «Гауһар иерархиясы» әдісімен топтық жұмыс.
I топ
Наурыз қандай мейрам?
II топ
Наурыз көже қалай жасалады?
III топ
Наурызда қандай ұлттық ойындар ойналады?
III. Жаңа материалды меңгеру
«Зерделі сөзге зер сал»
Наурыз бата туралы бейнебаянды тамашалау.
Ой қозғау (сұрақтар)
- Бейнебаяннан нені түсіндіңдер?
- Наурызды тойлауда ұлттық ойындардан және Наурыз көжеден бөлек қандай дәстүрлер орындалады?
- Бейнесуреттегі атаның айтқан сөзінің мәні қандай деп ойлайсыңдар?
Негізгі түйін
Наурызда тек көже пісіріп, ұлттық ойындар ойнап қана қоймай, адамдар бір-біріне ақ тілек айтып, бата береді. Бүгінгі сабақ тақырыбы — «Наурыздағы тілек».
IV. Бекіту: «Жұптас – ойлан – талқыла»
Сөзжұмбақ шешу
Тақырыпқа қатысты ұғымдарды еске түсіріп, негізгі сөздерді бекіту.
«Даналық ойдан дән ізде»
Ақ тілек пен батаның тәрбиелік мәнін талқылау.
Өлеңмен жұмыс
«Наурыздағы тілек» өлеңін мәнерлеп оқу, мазмұнын талдау және негізгі ойды анықтау.
Мәлімет
- Мектеп
- Атырау облысы, Құрманғазы ауданы, Шортанбай орта мектебі
- Өткізген
- Қарасаева Румия Төлешқызы
Құжат: «Наурыздағы тілек» (жүктеу үшін материалға арналған сілтеме/файл тіркеуге болады).