Бөлудің компоненттерін айтайықшы

Сабақтың тақырыбы

Санды 1-ге көбейту. Санды 0-ге көбейту.

Білімдік мақсат

1-ді және 0-ді санға көбейту жағдайларын қарастыру. Жақшалы және жақшасыз өрнектерде амалдардың орындалу тәртібі туралы білімді бекіту.

Дамытушылық мақсат

Сабаққа қызығушылықты, зейінді, байқампаздықты және ойлау қабілетін дамыту.

Тәрбиелік мақсат

Алғырлыққа, шапшаңдыққа және ұқыптылыққа тәрбиелеу.

Көрнекіліктер

Кестелер мен карточкалар
Өрнектер жазылған парақтар
Жұлдызшалар (ынталандыру үшін)
Мультфильм кейіпкерлері бар паравоз ойыны

Сабақтың барысы

I. Ұйымдастыру кезеңі

Оқушылармен амандасып, түгелдеп, назарларын сабаққа аударамын.

II. Үй тапсырмасын тексеру

Тексерілген дәптерлер таратылып беріледі. Үй жұмысында жіберілген қателер қысқаша талданады.

Мысалдар

8 : 4: = 2
5 × 3: = 15

Қайталау сұрақтары

Қандай математикалық ережелерді білеміз?
Бөлудің компоненттерін атайық.
Азайтудың компоненттерін айтайық.

III. Жаңа сабақ

Сұрақ: Мен бір сан ойладым. Оған 2-ні қосқанда 4 болады. Ол қандай сан? Келесі сандарды жалғастырайық.

6 8 10 12 14 16 18 20

Сұрақ: Мен бір сан ойладым. Ол санға 3-ті қосқанда 6 шығады. Ол қандай сан? Келесі сандарды жалғастырайық.

9 12 15 18 21 24 27 30

Паравоздың әуені қосылады. Бүгінгі сабақта мультфильм кейіпкерлерін паравозға отырғызамыз: есепті дұрыс шығарған оқушы кейіпкерді орналастырады және жұлдызша алады. Сабақ соңында 5 жұлдызша жинаған оқушыға «5» қойылады.

Қосуды көбейтумен алмастыру

Тақтаға өрнектер жазылған парақтар ілінеді. Оқушылар қайталанатын қосуды көбейту арқылы көрсетіп, қорытынды жасайды.

Мысал

1 + 1 = 2

2 × 1 = 2

Мысал

1 + 1 + 1 + 1 = 4

4 × 1 = 4

Мысал

1 + 1 + 1 + 1 + 1 + 1 + 1 + 1 + 1 + 1 = 10

10 × 1 = 10

Қорытынды: Кез келген санды 1-ге көбейтсек, сол санның өзі шығады.

Нөлмен байланысты

0 + 0 + 0 = 0

3 × 0 = 0

Нөлмен байланысты

0 + 0 + 0 + 0 + 0 = 0

5 × 0 = 0

Қорытынды: Кез келген санды 0-ге көбейтсек, нәтиже 0 болады.

Оқулықпен жұмыс

№1

Оқы. Теңдіктерді салыстыр. Қорытынды жаса. (Диафильм лентасы ілінеді.)

3 × 1 = 3 100 × 1 = 100 5 × 1 = 5 999 × 1 = 999 10 × 1 = 10

№2

Оқы. Теңдіктерді салыстыр. Қорытынды жаса. (Диафильм лентасы ілінеді.)

3 × 0 = 0 100 × 0 = 0 5 × 0 = 0 999 × 0 = 0 10 × 0 = 0

№3 (ауызша)

«Көрші–көрші» ойыны. Сыныптағы барлық оқушы қатысады. Оқушылар кезекпен жауаптарын айтып шығады.