Асан қандай бала

Ұйымдастырылған оқу қызметі туралы

Білім саласы

Коммуникация

Білім бөлімі

Сауат ашу

Тақырыбы

Мен білетін жақсы сөздер. Сөз

Мақсаты

Сөз бен сөйлемді ажырату, олардың мағынасын түсіну.
Сөз бен сөйлемнің сызбасын құрастыру; үлгі және ұсынылған үлгілер негізінде жазу.
Сөйлеу барысында дауыс ырғағын сақтап, вербалды емес қарым-қатынас құралдарын (ым-ишара, қимыл) және сыпайы сөздерді («кешіріңіз», «тыңдаңызшы», т.б.) қолдану.
Жазу бетін бағдарлау: жазу жолын, жоларалық кеңістікті ажырату; торкөз дәптерге кең сызықтар мен әріп элементтерін жазу.

Күтілетін нәтижелер

Барлық тәрбиеленушілер

Тыңдалған материал бойынша қарапайым сұрақтарға жауап береді.
Сөздің графикалық белгісін таниды.
Жазуға жаттығады.

Көпшілік тәрбиеленушілер

Сұрақтарға жауап береді; сөзді ажыратып, сөз бен сөйлемнің мағынасын түсінеді.
Сөйлем түрлерін интонация арқылы ажыратады (хабарлы, сұраулы, лепті) және сөйлеуде қолданады.
Жазу жолын сақтап, жолдың жоғарғы және төменгі сызығын ажыратады.

Кейбір тәрбиеленушілер

Таныс тақырып аясында диалогке қатысады.
Сөз бен сөйлемнің сызбасын оқиды.
Сөздердің қолданылу орнын анықтайды.

Тәрбиеленушілер орындайтын әрекеттер

Талқылау барысында сұрақтарға толық жауап береді.
Сөздің қай жерде қолданылатынын айтады.

Заттардың атын атайды.
Сөздерден сөйлем құрайды.

Негізгі терминдер мен сөз тіркестері

Рақмет Кешіріңіз Сау бол Қайырлы таң Қайырлы түн

Бұл сөздер баланың күнделікті сөйлесу мәдениетін қалыптастырып, сыпайы қарым-қатынасқа үйретеді.

ҰОҚ барысында қолданылатын диалог сұрақтары

Суретте не болып жатыр деп ойлайсың?
Берілген сөздер қай кезде айтылады? Анықтап көр.
Педагог топқа кіргенде қалай амандасасың?
Суреттен қандай заттарды көріп тұрсың?
Асан қандай бала? Неліктен олай ойлайсың?
Алманы бөліп берген кезде Асанға неше бөлігі қалды?

Өткен оқу қызметінен еске түсіру

Тыңдалған материал негізінде қарапайым сұрақтарға жауап беру.
Сөздің графикалық белгісін тану.
Жазуға жаттығып, жолдың жоғарғы және төменгі сызығын ажырату.

Сабақ барысы (қысқаша жоспар)

Дұрыс, әсерлі көңіл күй орнату

Уақыты: 0–2 минут

Тәрбиеші жұмысқа жағымды атмосфера қалыптастырады. Балалар бір-біріне жылы сөздер айтып, жақсы тілектерін білдіреді.

Өмірлік тәжірибені маңыздандыру. Мақсатты болжау

Уақыты: 3–5 минут

«Тағы қандай жақсы, жағымды сөздерді білесің?» деген сұрақ арқылы пікір алмасу ұйымдастырылады. Қасындағы көршісі жақсы сөз айтқанда, бала өзінің көңіл күйі қалай өзгергенін сипаттайды.

«Гүл күлтелері» арқылы жылы сөз айту

Балаларға 7–8 күлтеден тұратын қолдан жасалған гүлдер таратылады. Әр бала күлтелерді біртіндеп жұлып отырып, жақсы сөздер мен тілектерін айтады: анасына, бауырларына, достарына арнаған жылы сөздерін бөліседі.

Қорытынды: адамдар бір-біріне үнемі жақсы сөз айтып, қуаныш сыйлауы керек.

Әліппе-дәптермен жұмыс

1-тапсырма: Суретпен жұмыс

Суретке қарап, балалар қандай жақсы сөздер айтылып тұрғанын анықтайды.
«Суретте не болып жатыр?» деген сұраққа жауап береді.
Балалардың ым-ишарасына қарап, қандай сөз айтқанын болжайды.
«Асан үшінші суретте не айтуды ұмытты?» сұрағына жауап беріп, көмектеседі.

2-тапсырма: «Қайырлы таң», «Қайырлы түн»

Бұл сөздердің қай кезде қолданылатынын анықтайды.
Суреттермен сәйкестендіріп, дәлелдеп айтады.
Күнделікті өмірде қолдануға кеңес алады.

Зат атауы мен сөз ұғымы

Суреттегі заттардың атауын атайды (мысалы: төсек, шам, орындық, ана, бала, т.б.). Өз бөлмесіндегі заттарды да атап шығады. Қорытынды: әр заттың атауы болады, ал ол атау — сөз.

Сөз бен сөйлем байланысы

Тәрбиеші тақтаға 2, 3, 4 сөзден тұратын графикалық белгілерді қояды. Балалар сол белгілерге сәйкес сөйлем құрастырады. Қорытынды: сөйлем сөздерден құралады.

3-тапсырма: Амандасу және қимыл

«Тәрбиеші сыныпқа кіргенде қалай амандасасың?» сұрағына қимылмен жауап береді.
Тәрбиеші шыққаннан кейін қайта кіргенде, балалар орындарынан тұрып амандасады.
Ым-ишарамен тағы нені көрсетуге болатынын еске түсіріп, мысал келтіреді.

Сергіту сәті: «Қоңыздар»

Көк шалғында қоңыздар, Би билейді айнала. Оң аяқпен топ-топ, Сол аяқпен топ-топ. Екі қолды жоғары, жоғары, Көтереді жай ғана. Кәне, кімнің қолдары Көрінеді жоғары?

Қосымша мәлімет

Топ тәрбиешісі: Мирзалиева А.
Тақырып (қайталама): Мен білетін жақсы сөздер. Сөз