Қазақша рефераттар

Мәтінді рөлге бөліп оқу

Сабақ тақырыбы: «Алғыс»

Бұл сабақта алғыс ұғымы адамгершілік құндылық ретінде қарастырылады. Оқушылардың алғыс айту туралы түсінігі кеңейтіліп, М. Төрежановтың «Алғыс» әңгімесі бойынша кейіптендіру жұмысы жүргізіледі. Мәтін мазмұнын аша отырып, диалогтік сөйлемдерді мағынасына сай, мәнерлеп айту дағдылары қалыптастырылады. Сабақтың тәрбиелік бағыты — әдептілікке баулу, үлкенге құрмет, кішіге ізет көрсету, қамқор болуға үйрету.

Мақсаты

  • Алғыс ұғымының адамгершілік құндылық ретіндегі маңызын ашу.
  • Алғыс айту туралы түсініктерді кеңейту.
  • «Алғыс» әңгімесін сахналау арқылы кейіптендіру.
  • Диалог сөздерді мағынасына сай, мәнерлеп айтуға дағдыландыру.
  • Әдептілікке, ізетке, қамқорлыққа тәрбиелеу.

Міндеттері

  1. «Алғыс» сөзінің мән-мағынасын ажыратып түсінуге үйрету.
  2. Жыл мезгілдері ішінде күз айларының өмірдегі орны ерекше екенін ұғындыру.

Күтілетін нәтиже

  • Мәтінді түсініп оқиды, рөлге бөліп айта алады.
  • Күз — байлық, молшылық, жомарттық мезгілі екенін түсінеді.

Бағалау өлшемдері

1) Мәнерлеп оқу және жатқа айту

Дауыс ырғағы, кідіріс, екпін және мәтін мазмұнын дәл жеткізу ескеріледі.

2) РАФТ кестесі және сұрақтарға нақты жауап

Өзара оқыту, талқылау және дәлелді жауап беру дағдысы бағаланады.

Әдіс-тәсілдер мен көрнекілік

Әдіс-тәсілдер

  • Сұрақ-жауап
  • РАФТ кестесі
  • Көрнекілік / тірек-символдар
  • Өзара оқыту
  • Өзін-өзі бағалау

Көрнекілігі

  • Мазмұнды суреттер
  • Техникалық құралдар

Сабақтың барысы

Құрылымы: қызығушылықты ояту → мағынаны тану → ой толғаныс

I. Қызығушылықты ояту

а) Психологиялық дайындық

Балалар ортаға шығып, бірін-бірі құшақтайды. Ынтымақ пен жақсы көңіл күй қалыптастыру үшін төмендегі шумақ айтылады:

Арайлап таң атты,
Алтын сәуле таратты.
Жарқырасын даламыз,
Жақсы оқитын баламыз.
Қайырлы таң, достарым!

ә) Үй тапсырмасы

  • Т. Жароковтың «Күз» өлеңін мәнерлеп оқу.
  • Мұғалімнің берген өлеңін жатқа айту.
  • Әр топтан оқушыларды сұрау.

б) Бекіту сұрақтары

  1. Күзде жапырақтар неге түседі?
  2. Шәкірт ұстазына қандай уәде берді?
  3. Тақырып дегеніміз не? Шығарманың идеясы дегеніміз не?

II. Мағынаны тану

в) Тірек-символдармен жұмыс

Берілген суреттерге сүйене отырып, 3–4 сөйлемнен тұратын шағын әңгіме құрастыру.

Жұмбақ

Аласа тал, тамаша тал,
Самсап тұр алмасы.
Ол алқызыл, ол қып-қызыл,
Боялғанша алмашы!

Жауабы: Қызанақ

г) Өзара оқыту

Оқушылар мәтінді өз бетімен оқиды. Мұғалім түсінуді тереңдету үшін қосымша сұрақтар қойып, маңызды тұстарын нақтылайды.

ғ) Сергіту сәті: «Сөйлем құра» ойыны

Мақсаты — заттарды өзара жылдам байланыстырып, мағыналы сөйлем құрастыру.

  • Теледидар, тышқан, тау.
  • Боран, кітап, трактор.
  • Керік, арқан, күшік.
  • Сарай, қоңыз, таңертең.

д) Жаңа тақырыпты бекіту сұрақтары

  1. Қасым мен Хасен кімдерге алғыс айтты? Неліктен?
  2. Нағыз алғыс иесі кім? Неге?
  3. Анасы балаларға қандай ақыл айтты?
  4. Күз мезгілі несімен ұнайды?
  5. Күзде болатын тұрмыстық және кәсіптік мерекелерді ата.

III. Ой толғаныс

РАФТ жұмысы

Оқушылар РАФТ кестесін қолдана отырып, 10 минуттық эссе жазады.

Дәйексөз

Егер еңбегіңе жұрт алғыс айтып, сүйсінер болса, еңбегіңнің бағаланғаны.

IV. Өзін-өзі бағалау

Оқушылар өз жұмысын критерийлер бойынша бағалап, қысқаша қорытынды жасайды: мәтінді түсінуі, мәнерлеп оқуы, топтағы белсенділігі және жауаптарының нақтылығы ескеріледі.

V. Үй тапсырмасы

  1. Мәтінді рөлге бөліп оқу.
  2. Еңбек туралы мақал-мәтел жазып келу.

Қорытынды ой

Алғыс айту — адамның ішкі мәдениетін, ізгілігін және еңбекті бағалай білетінін көрсететін маңызды дағды. Оны күнделікті өмірде қолдану — қарым-қатынасты нығайтып, ортаға жылулық әкеледі.