Аталарым ардагер жаттау
Сабақ туралы қысқаша мәлімет
- Сабақтың тақырыбы
- Ақ мамам
- Сабақтың түрі
- Аралас сабақ
- Сабақтың мақсаты
-
1) Тақырыпты ашу, түсінік беру және білімдерін толықтыру.
2) Ойлау мен есте сақтау дағдыларын қалыптастыру.
3) Ананы аялауға, құрметтеуге тәрбиелеу.
- Әдіс-тәсілдер
- Баяндау, сұрақ-жауап, ойындар
- Көрнекіліктер
- Кітаптар, музыкалық аспап, компьютер
Сабақтың барысы
Ұйымдастыру кезеңі
- Амандасу.
- Сыныпты түгендеу.
Жаңа сабаққа кіріспе
Жұмбақ
Кім сендерді, балалар, сүйетін,
Қуанышыңа қуанып, қайғыңа күйетін,
Түн ұйқысын төрт бөліп, кірпік қақпай,
Сендер үшін дамылсыз жүретін?
Балалардың жауабы
Ана
Мұғалімнің қорытындысы
Дұрыс, бүгінгі сабағымыз аналарымызға арналады.
Өлең жолдары
«Күнім, жаным» дегенді,
«Құлыншағым» дегенді,
«Ботақаным» дегенді,
«Айналайын» дегенді,
«Толған айым» дегенді —
Ойлап тапқан аналар!
Сұрақ-жауап және ой қозғау
1) Аналарың сендерді қалай еркелетеді?
Оқушылар өз жауаптарын айтады.
2) «Мама», «ана» деген сөздерді естігенде қандай сезім пайда болады?
Жылы сезім, мейірім, қуаныш, сенім сияқты ойлар талқыланады.
3) Ана қандай болады?
Музыкалық бөлім
Әндер
- «Ақ мама»
- «Құттықтаймын, мама»
- «Болайықшы осындай»
- «Жас дәуірдің түлегіміз»
Алдымен дауыс жаттығуларын жасап, кейін әндерді қайталаймыз.
Талқылау
Біз аналарымызға деген махаббатымызды ән арқылы білдіреміз. Ал аналар бізге деген сүйіспеншілігін қандай сөздермен және теңеулермен жеткізеді?
Бұл теңеулердің көпшілігі жануарлардың төлдеріне байланысты. Төлдер сүйкімді әрі әдемі болғандықтан, аналарымыз бізді соларға теңеп, мейірімін білдіреді.
Төлдер туралы қандай ән білеміз?
Оқушылар: «Төлдер». Әнді қайталап айтамыз.
Сергіту сәті
«Аяқпенен топ-топ»
Жаңа ән
«Аталарым ардагер»
Тыңдау және талдау жұмыстары жүргізіледі.
Сабақты қорытындылау
Бүгінгі тақырыбымыз кімге арналды?
Анаға.
Бәріміз аналарымызды жақсы көреміз бе?
Оқушылар өз ойларын айтады.
Ақ тілек айту
Сабақты қорытындылай отырып, әр оқушы анасына деген ақ тілегін, алғысын және жылы лебізін білдіреді.
Үй тапсырмасы
«Аталарым ардагер» әнін жаттау.