Неше фигура салдыңдар

Білім беру қызметі туралы мәлімет

Тақырыбы: 5-ке дейін тура және кері санау
Білім беру саласы: Таным
Оқу қызмет түрі: Қарапайым математикалық ұғымдарды қалыптастыру

Мақсаты

Реттік санауды (1–5) үйрету және бекіту.
«Қанша?» және «Нешінші?» сұрақтарына дұрыс жауап беруге үйрету.
Математикалық жұмбақтарды шешуге ынталандыру.
Санның заттардың кеңістікте орналасуына тәуелді еместігін түсіндіру.
Заттардың санын цифрмен сәйкестендіруді үйрету.
Заттардың сұлбасынан геометриялық фигураларды табу дағдыларын дамыту.

Үлестірмелі материалдар

Көліктердің суреттері
Цифрлар жазылған карточкалар
Геометриялық фигуралардан құрастырылған көліктер

Ойын: «Жұмбақтың шешуін тап»

Педагог балаларға 2, 3, 4, 5 сандарына байланысты жұмбақтар жасырады.

Жұмбақ

Екі аяғым оны
Кезек-кезек тебеді.
Тепкен сайын
Алысқа желеді.

Сұрақ: Жұмбақтарды шешуге қандай сандар көмектесті?

Жауабы: велосипед

Қолданылған сандар: 2, 3, 4, 5.

1-тапсырма: көліктерді бояу және реттік санау

Нұсқау

Гаражға кіріп бара жатқан көліктерді бояңдар: біріншісі — қызыл, екіншісі — сары, үшіншісі — жасыл.
Сұрақ: Гаражға барлығы неше көлік кірді?

Тура және кері санау

Педагог түсіндіреді: гараждан шыққан кезде соңғы көлік — бірінші, ал бірінші көлік — соңғы болады.

Сұрақтар

Жасыл машина гараждан нешінші болып шықты?
Қызыл машина ше?
Екінші қатардағы сары машина нешінші?
Бірінші қатардағы қызыл машина ше?
Бірінші қатардағы жасыл машина нешінші?

Сергіту минуты

Қимыл-қозғалыс арқылы зейінді сергітеміз:

Оңға бір қадам

Солға бір қадам

Айналып билейміз

Алға бір қадам

Артқа бір қадам

Айналып билейміз

2-тапсырма: фигураларды санау және цифрмен сәйкестендіру

Сұрақтар

Үшбұрышта неше дөңгелек бар?
Дөңгелекте неше шаршы бар?
Шаршы мен дөңгелектегі фигуралардың саны туралы не айтар едіңдер?

Жұмыс түрі

Үшбұрыштағы және дөңгелектегі фигуралар санына сәйкес келетін цифрды бастырып жазыңдар.

Негізгі ой

Фигуралардың орналасуы өзгерсе де, саны өзгермейді.

Ойын: «Асық» (Луллия шеңбері)

Мақсаты

Балалардың терең ойлауын дамыту, өздігінен ізденіп, оқып-білу әрекеттерін меңгерту және санау тәсілдерін бекіту.

Ойын шарты

Екі бөліктен тұратын шеңбердің бір бөлігіне сандар жазылады. Екінші бөлігіне сол санға сәйкес асықтарды орналастыру керек (немесе түстеріне сәйкес іріктеу).

3-тапсырма: фигуралардан көлік құрастыру және санау

Педагог назар аудартады: 5 дөңгелек және 5 шаршы берілген. Олар әртүрлі орналасса да, сандары тең.

Арба үшбұрыш, дөңгелек және тіктөртбұрыштан құралады. Балалар фигуралардың суретін салады.

Бесікарба қандай фигуралардан тұрса, шаршыларға сонша геометриялық фигураның суретін салыңдар.
Сұрақ: Неше фигура салдыңдар?

Үлгі жауап

3 үшбұрыш

2 дөңгелек

2 тіктөртбұрыш

4-тапсырма: суреттегі жетіспейтін бөлшектерді толықтыру

Педагог машиналардың суретін көрсетеді. Суретші кейбір бөлшектерін салуды ұмытып кеткен. Жоғарыдағы машинаны мұқият қарап, төмендегі машиналардағы жетіспейтін бөлшектерді толықтырайық.

Балалар машиналардың жетіспейтін бөліктерін салып аяқтайды.

Ойын: «Өз орнын тап?»

Мақсаты

Сандардың реті туралы білімді бекіту.
Тура және кері санау дағдыларын жетілдіру.
Байқағыштықты және жылдам орналастыру қабілетін дамыту.
Ойын арқылы математикаға қызығушылықты арттыру.

Көрнекілік

1-ден 5-ке дейінгі сандар жазылған асықтар.

Барысы

Тәрбиеші балаларға асықтарды таратады (асықтарда сандар жазылған).
Балалардың міндеті — қолындағы сандарды тура немесе кері бағытта ретімен орналастыру: (1, 2, 3…) немесе (5, 4, 3…).

Қорытынды

Сабақ барысында балалар 5-ке дейін тура және кері санауды қайталап, реттік санауды қолданды, «Қанша?» және «Нешінші?» сұрақтарына жауап берді, сондай-ақ фигураларды санап, цифрмен сәйкестендірді.

Автор туралы

Қала / ауыл: Атырау қаласы, Бірлік ауылы
Мекеме: №33 «Көркемай» балабақшасы
Тәрбиеші: Мусина Индира Шынтимировна