Қазақша рефераттар

Сен бүгін

Сабақ туралы қысқаша

Тақырыбы

Мен және менің есімім

Түрі

Тренинг сабақ

Әдістері

Пікірлесу, сұрақ-жауап, ой бөлісу

Мақсаты мен міндеттері

Сабақтың мақсаты

Оқушыларды өзін-өзі танудың негізгі шарттарымен таныстыру, өзін бағалата отырып өз бойындағы сапалық қасиеттерді анықтауға көмектесу және оларды дамытуға бағыт беру.

Сабақтың міндеттері

  • Оқушылардың өзін жан-жақты әрі тереңірек ашуына бағыт-бағдар беру.
  • Оқушы көзқарасын қалыптастыру.
  • Өзін-өзі тануға қолайлы жағдай жасау.
  • Қатысушылардың өзіндік санасы мен рефлексиясын қолдау.

Сабақ барысы

I. Ұйымдастыру кезеңі

Сәлемдесу, оқушыларды түгендеу.

«Амандасу» тренингі

Бір оқушыға доп лақтырамын. Ол допты қағып алып, лақтырған адамның көзіне қарап тұрып өз есімін айтады да: «Өте қуаныштымын» дейді.

Рефлексиялық сұрақ

Бірнеше секунд ойланыңдар: «Мен кіммін?» деген сұрақты өздеріңе қойып, ең маңызды әрі ең жақсы қасиеттеріңді еске түсіріңдер. Оларды жүректеріңде сақтаңдар — бізге кейін қажет болады.

Әр жүректен шыққан жылы сөз ортақ атмосфераны жайлы етеді.

Геометриялық фигуралар бойынша топқа бөліну (И. Панарин тесті)

Әр үстелдегі геометриялық фигураларға назар аударыңдар да, ұнаған фигураның қасына барып отырыңдар.

  • □ Квадрат: лидерлік қабілеті бар, мақсатқа ұмтылатын, басқарушылық қыры басым жандар.
  • △ Үшбұрыш: еңбекқор, төзімді, өз ісінің шебері, бастағанын соңына дейін жеткізетін жандар.
  • ○ Дөңгелек: мейірімді, өзгенің қуанышы мен қайғысын бөлісуге дайын жандар.

II. Өз есіміне қатынасты анықтайтын экспресс-диагностика

Сендердің өз есімдеріңе деген қатынастарың қызықтырады. Қазір оны саусақ арқылы көрсетеміз.

Нұсқаулық

Көздеріңді жұмып отырыңдар. Мен алақанымды соққан сәтте өз есіміне:

  • 5өте риза болғандар — бес саусақ;
  • 4ұнайтындар — төрт саусақ;
  • 3қалыпты қабылдайтындар — үш саусақ;
  • 2аса ұнатпайтындар — екі саусақ;
  • 1мүлдем ұнатпайтындар — бір саусақ көрсетеді.

Талқылау: Сендер қалай ойлайсыңдар, өз есіміңнің өзіңе ұнауы маңызды ма?

III. Есімді қабылдауға арналған топтық жұмыс

Біз бір есімнің әртүрлі нұсқаларын айтамыз, ал сен жай ғана тыңдайсың: қай нұсқа саған ұнайды — соны таңдайсың.

Осы есімді қаншама керемет адамдар иеленіп жүр. Көрдің бе, қандай тамаша топтың бір бөлшегісің.

Ендеше, бүгін өзіңе ұнайтын басқа бір есім нұсқасын таңда: «Бүгін мен — ________».

IV. «Өз есіміңді елестет» релаксациясы

Әркім өз есімін көз алдына елестетеді.

  • Ол қандай: үлкен бе, әлде кіші ме?
  • Қолмен ұстап көрсең, жұмсақ па, әлде қатты ма?

Енді қайта ораламыз: көзімізді ашамыз.

V. «Өз есіміңді суретке сал» арт-терапиялық жаттығу

Шарты

Ақ қағазға өзіңе ұнайтын гүлді сал.

Дайын болған соң әркім өз суретін тақтаға қалаған жеріне іледі.

VI. Суреттерді «сөйлету» және белгілері бойынша топтау

Суреттерге қарап, ұқсастықтары бойынша топтастырамыз.

Талқылауға арналған сұрақтар

  • Бір шоғырда қандай есімдер «өсуі» мүмкін?
  • Қандай белгілері бойынша біріктірдіңдер?
  • Шынайы өмірде осындай адамдарды бақылап көрсең, олар шынымен ұқсас болуы мүмкін бе?

VII. «Сөйлемді жалғастыр» жаттығуы

1) Мен ойлаймын, себебі мен…

2) Басқалар ойлайды, себебі…

3) Менің болғым келеді…

VIII. «Өрмекші торы» жаттығуы (топты біріктіру)

Шеңбер құрып тұрамыз.

Өту тәртібі

  1. Мен оралған жіпті бір балаға лақтырамын, оны атымен атаймын.
  2. Оған ұнайтын мінезі немесе сырт келбеті туралы бір жылы сөз айтамын.
  3. Жіпті алған бала келесі балаға дәл осылай лақтырып, жылы пікір білдіреді.
  4. Соңында «өрмекті» тарқатамыз да, біз туралы айтылған жақсы сөздерді еске түсіреміз.

IX. «Мен» бейнесін ауызша суреттеу

Кім өзі туралы айтып бергісі келеді? Өз-өзіңді сипаттап көр.

Бағыттаушы сұрақ: Бүгін сен өзің туралы қандай жаңа ой байқадың?

Қорытынды және кері байланыс

Талқылау

  • Сабақта не қызық болды?
  • Өзің туралы, есімің туралы немесе сыныптастарыңның саған қатынасы жайлы қандай ерекше ой түйдің?
  • Саған не ұнады? Не қиын болды?

«Жүректен жүрекке» алғыс айту

Балалар, бүгінгі жұмыстарың үшін үлкен рақмет. Бір-бірімізге «жинақтаушы қол шапалақтау» арқылы алғыс білдірейік.

Жаттығу барысы

  1. Мен бір оқушының жанына барып қол шапалақтаймын да: «Ербол, бұл саған арналған» деймін.
  2. Келесі кімге баратынымызды сол оқушы таңдайды.
  3. Ең соңында барлық қатысушыларға бірге болғанымыз үшін алғыс айтамыз.
  4. Шеңбердің ортасына оң алақанымызды созып, бірінің үстіне бірін қоямыз. Сосын сол алақандарымызды да дәл солай біріктіріп, бәріміз бірге: «Сау болыңдар!» дейміз.