Қазақша рефераттар

Шарын шатқалы туралы ЭССЕ

Сабақтың тақырыбы

Шарын шатқалы (презентациясымен).

Сабақтың мақсаты

  • Қазақстандағы көрікті жерлердің ерекшеліктерімен таныстыру.
  • Ой шақыру стратегиялары арқылы оқушылардың танымдық белсенділігін арттыру, сөздік қорын байыту.
  • Оқушыларды Отанды сүюге, қоршаған ортаны қорғауға тәрбиелеу.

Сабақтың форматы

Сабақтың түрі

Жаңа сабақты меңгеру.

Сабақтың әдістері

Сұрақ-жауап, тест, сын тұрғысынан ойлау, баяндау, суреттеу.

Көрнекіліктер

Интерактивті тақта: слайдтар және деректі фильм.

Сабақтың барысы

I. Ұйымдастыру кезеңі

  • Әнұран айту, амандасу.
  • Оқушыларды түгендеу, белгілеу.

II. Жаңа сабақты меңгеру (қызығушылықты ояту)

Сабақтың мақсатын оқушылармен бірлесе отырып анықтау.

Ой шақыру сұрағы

«Шатқал» сөзін естігенде қандай ой келеді? «Шатқал» сөзіне ассоциациялар жазайық.

1-қадам

Алғашқы ассоциацияны көк сиямен жазу.

2-қадам

Сөздікті пайдаланып, аудармасын анықтау.

3-қадам

Жаңа ассоциацияларды қызыл сиямен толықтыру.

Мысал ассоциациялар

каньон, үңгірлер, аң, шың, төбе, тас, таулар, Мексика.

III. Тақырыпқа кіріспе

«Шатқал» ұғымымен таныстық. Бүгінгі сабақтың тақырыбы — Шарын шатқалы.

Сабақтың негізгі міндеттері

  • Қазақстандағы көрікті жерлермен танысу.
  • Грамматикалық тақырып: қарсылықты бағыныңқылы сабақтас құрмалас сөйлем.
  • Талдау жасау және қолдану.

Презентациямен жұмыс

Слайдтағы Шарын шатқалының көріністерін тамашалаймыз. Бұл табиғи ғажайыпты қандай техникамен түсірсең де, оның әсерін толық жеткізу қиын.

Мәтінмен жұмыс

Шатқал туралы тереңірек білу үшін, оқулықтағы мәтінді тыңдап, талқылаймыз.

Талқылауға арналған сұрақтар

  • Шарын шатқалы несімен ерекше?
  • Ол қай өңірде орналасқан?
  • Табиғатты қорғау үшін қандай әрекеттер қажет?

IV. Семантикалық карта және грамматика

Семантикалық карта

Қандай?

Әдемі, биік, ерекше, жұмбақ.

Қайда орналасқан?

Алматы облысы, Ұйғыр және Райымбек аудандары аумағында.

Пайдасы

Туризмнің дамуына ықпал етеді; жиһаз жасауға жарамды мықты ағаш қоры бар.

Грамматикалық тақырып

Қарсылықты бағыныңқылы сабақтас құрмалас сөйлемнің жасалу жолымен танысамыз (слайд арқылы).

Тапсырма

Мәтіннен 3 сөйлем таңдап, оларды қарсылықты бағыныңқылы сабақтас құрмалас сөйлемге айналдырыңдар.

Мысал

Шарын Алматы облысының Ұйғыр және Райымбек аудандары аумағында орналасқанымен, бүкіл әлемге әйгілі.

V. Жаңа сабақты бекіту

Тақырып бойынша тест тапсырмаларын орындау.

VI. Үй тапсырмасы

Шарын шатқалы туралы эссе жазу.

VII. Бағалау

Өзін-өзі бағалау парақтарын жинап алу.