Қазақша рефераттар

Құстар - біздің досымыз

Сабақ туралы мәлімет

Өтетін орны
Ақтөбе облысы, Шалқар ауданы, Қызылту негізгі мектебі
Мұғалім
Ескалина Өтебике Есқалықызы, бастауыш сынып мұғалімі
Тақырып
Құстар — біздің досымыз

Мақсаты

  • 1

    Оқушыларға құстардың табиғатқа және адамға тигізетін пайдасы туралы түсінік беру.

  • 2

    Құстардың түрлерімен таныстыру: үй құстары және жабайы құстар.

  • 3

    Құстарға қамқор болуға, табиғатты аялауға тәрбиелеу.

Сабақтың барысы

Кіріспе әңгіме

Мұғалім: «Сәлеметсіңдер ме, балалар!» Бүгінгі тәрбие сағатымыздың тақырыбы — «Құстар — біздің досымыз». Қане, қандай құстарды білесіңдер? (Оқушылардың жауаптары тыңдалады.)

Құстар жалпы екіге бөлінеді: жабайы құстар және үй құстары.

Үй құстары

Үй құстарына: әтеш, тауық, үйрек, қаз, күркетауық жатады.

Олар үй құстары деп аталады, өйткені адаммен бірге өмір сүреді: адам оларды бағып-қағады, ал олар адамға жұмыртқа, ет, мамық береді.

Жабайы құстар туралы

Енді жабайы құстар жайлы әңгімелейік. Қандай жабайы құстарды білесіңдер? (Оқушылардың жауаптары тыңдалады.)

Үкі
Үкі едім түнде ұшып қалықтаған,
Құртудан зиянкесті жалықпаған.
Үкімді үлпілдеген киелі деп,
Бұрыннан-ақ адамдар тағып алған.
Жапалақ
Мен жапалақ, қалыспаймын жарыстан,
Қорегімді іздемеймін алыстан.
Іннен басын қылт етсе-ақ тышқанның,
Ай сайын жүз елуін жанышам.
Тоқылдақ
Құртты іздеп інінен,
Қарағайды үңгіген.
Тоқылдақ — құс дәрігер,
Әрдайым ол әбігер.
Көгершін
Бейбітшілік құсы менмін — көгершін,
Жер жүзінде бейбіт еңбек көгерсін.
Аспан тұнық, шат көңілді болайық,
Ақ ниетті адал жандар көбейсін!

Жұмбақтар

Енді жұмбақ шешіп көрейік. Әр сұрақтың соңында жауабы берілген.

  1. Көлдің көркі — сән екен,
    Ұшқанда сазды ән екен.
    Ақындар оны мақтаған,
    Адамдар қорғап, сақтаған.

    Аққу

  2. Ауыл да, қала да — мекені,
    Жолаушы жүрсең, шығарып салады.
    Алдыңнан шығады,
    Жаныңды еркелетеді.

    Қарлығаш

  3. Көктемде құстар келгенде,
    Ең алдымен келетін.
    Өзіміз күтіп алатын,
    Ұя жасап беретін.
    Бұл қандай құс, балалар?

    Қараторғай

  4. Құстың негізгі мекені не?

    Ұя

  5. Қай құс «хат тасушы» атанған?

    Көгершін

  6. Қай құстың мүлдем ұясы болмайды?

    Көкек

Тапсырма

Өзіңе ұнаған құстың суретін салып кел.

Таңдау

Қалаған құсың

Формат

Сурет

Негізгі ой

Қамқорлық