Біз қандай дыбыстары бар сөздерді дұрыс жазуға, оқуға үйрендік
Сабақ туралы жалпы мәлімет
- Пәні
- Қазақ тілі (3-сынып)
- Сабақтың тақырыбы
- Өзіңді-өзің тексер
- Сабақтың түрі
- Аралас сабақ
- Әдіс-тәсілдер
- Сұрақ-жауап, іздену, көрнекілік
- Көрнекіліктер
- Тірек сызба, қима қағаздар
Сабақтың мақсаттары
- Білімділік: оқушылардың алған білімдерін тиянақтап, пысықтауға мүмкіндік жасау.
- Дамытушылық: байланыстырып сөйлеу тілін, дұрыс жазу және дұрыс оқу дағдыларын дамыту.
- Тәрбиелік: адамгершілікке және еңбекке баулу.
Сабақтың барысы
I. Ұйымдастыру кезеңі
Сабаққа дайындық. Психологиялық ахуал қалыптастыру.
Психологиялық дайындық (өлең)
Қазақ тілі – өмірің де, өлең де,
Қазақ тілі – тамыр жайған тереңге.
Қазақ тілі – болашаққа жетелеп,
Ұрпақтарды танытады әлемге.
II. Үй тапсырмасын тексеру
- 4-жаттығуды тексеру.
- Оқушылардың оқуын тыңдау.
III. Мақсат қою кезеңі
Сабақтың тақырыбы мен мақсатын хабарлау.
IV. Жан-жақты білімдерін тексеру
«Жеміс жинау» ойыны: алмаларды тиісті сауыттарға салу арқылы білімді тексеру.
Сұрақтар
- Қандай дыбыстары бар сөздерді дұрыс жазуға және дұрыс оқуға үйрендік?
- Олар қандай дыбыстар?
V. Өзіндік жұмыс
- Кіріспе сөз.
- Дәптермен жұмыс: күн ретін жазу.
- Көркем жазу.
VI. Кітаппен жұмыс
5-жаттығу
Жатқа жазу
Өлеңді 2–3 рет қайталап оқып, жатқа жаз.
- Өлеңді мәнерлеп оқу, жаттау, жатқа сұрау. Тыныс белгілеріне мән беріп, жатқа көшіру.
- Сен де Отаныңды қорғауға дайынсың ба?
Өлең
Ұлан-байтақ жерімді,
Ұлан-байтақ елімді
Қорғап тұрған сенімді –
Армиямыз қаһарман!
6-жаттығу
Көркем жазу • Ақпараттық ізденіс
- Мәтінді дауыстап оқып, жазуға дайындал. Форзацтағы екінші нұсқауды басшылыққа алып, мәтінді көшір.
- Әбу Насыр кім болған? Ол қай жерде дүниеге келген? Қарамен жазылған сөздерге дыбыстық талдау жаса.
Дыбыстық талдауға үлгі
| Әріп | Сипаттамасы |
|---|---|
| Х | Қатаң дауыссыз дыбыс |
| Ф | Қатаң дауыссыз дыбыс |
| О | Дауысты дыбыс |
| А | Жуан дауысты дыбыс |
| Р | Үнді дауыссыз дыбыс |
| С | Қатаң дауыссыз дыбыс |
| Б | Ұяң дауыссыз дыбыс |
| И | Дауысты дыбыс |
| Н | Үнді дауыссыз дыбыс |
| Ғ | Ұяң дауыссыз дыбыс |
Ескерту: нақты талдау қарамен берілген сөздерге жасалады.
Сергіту сәті
Қысқа қимыл-қозғалыс жаттығулары арқылы оқушыларды сергіту.
7-жаттығу
Өзіндік жұмыс
Мақал-мәтелдің жалғасын тауып оқы, мағынасын түсіндір, көшіріп жаз.
Жақсының аты өлмейді, …
Ғалымның хаты өлмейді.
Әркімнің өз туған жері – …
Мысыр шаһары.
Ел басы – біреу, …
Халқы оған тіреу.
Ынтымақ халықты асырар, …
Ұрыс ырысты қашырар.
Қосымша тапсырма
Қарамен жазылған сөздің түбірін ата.
VII. Бекіту
Оқушыларға үлестірмелі қима қағаздар таратылады.
№1
Ф әрпі бар 4–5 сөз тауып жаз. Оларға дыбыстық талдау жаса.
№2
Х әрпі бар 4–5 сөз тауып жаз. Оларға дыбыстық талдау жаса.
№3
Ауызекі сөйлеу мен жазбаша сөйлеудің қайсысы бұрын пайда болды?
№4
«Халық» сөзі бар 2 мақал жаз.
№5
Ц әрпі бар 4 сөз жаз. Оларға дыбыстық талдау жаса.
VIII. Қорытындылау
Сұрақтар:
- Бүгін біз нені үйрендік?
- Х, һ, ц, ч, щ, ш дыбыстары қандай дыбыстар?
- Олар кездесетін қандай сөздерді білесіңдер?
IX. Үй тапсырмасы және бағалау
- Үй тапсырмасын беру.
- Оқушылардың білімін бағалау.